¹ ''Nawanena ivintu vii ukuti mutize mupone. ² Yalawazinga mu ng'anda yakwe Leza. Kwene kasita akwiza pano wensi wino akuwakoma alelenganya ukumuwombela Leza. ³ Yalachita ivintu vii pamulandu wakuti yatamumanya Tata na nene. ⁴ Nawanena ivintu vii ukuti nanti insita yikwiza, muli kumbuka ukuti nawanenyile ivyakuyana na woliwo. Ntawanena ivintu vii pantandik, pamulandu wakuti nali namwe. ⁵ Kwene nomba naya kuli wino wantumile, napano pasi nanti wumwi wakwe mwemwe uwakui ankholowozye, ukuya kwi?' ⁶ Kwene pamulandu wakuti nawanena ivintu vii, mumyenzo yinu mwazula ichitima. ⁷ Kwene ichumi nkuwanena, chiwazipile ukuti impite. Ndi ntapita, umwavilizye atamayiza kuli mwemwe, kwene ndinapita, ndamutuma kuli mwemwe. ⁸ Alila wiza. umwavilizi alisimichizya insi uwuyine wa wononyi, ivyawumolimo nivyawupinguzi. ⁹ Ivya wononyi, pamulandu wakuti yasisuwila muli nene; ¹⁰ Pawumolimo, pamulandu wakuti naya kuli Tata, mutalandola nupya; ¹¹ Napakuyana nuwupinguzi, pamulandu wakuti kapingula wa munsi wapingulwa. ¹² Nkhweti ivintu ivinji ivya kuwanena mwemwe, kwene nomba mutanga muvisunjilile. ¹³ Kwene nanti wene, umuzimu uwa chumi, wiza, alawakolelela kuvyachumi vyonsi, pano atalayivwanjila umwenecho. Kwene alavwanga vyonsi vino ukuvwa alawanena nupya ivintu vino viliza. ¹⁴ Alantunvya, pamulandu wakuti alatola ivyakwane nukuvivwanga kuli mwemwe. ¹⁵ Ivintu vyonsi vino Tata akweti ivyakwane. Apano, inkuti umuzimu wulya wulatola vino ivyane nukuwanena mwemwe. ¹⁶ Kwasyala kasita munono sile pano mutala tala mundole, nukuti wakuti pali kasita muze munono mulandola nupya.'' ¹⁷ Apano yamwi muyalondezi yakwe vavwanzinye, ''Ichani chii chino watunena, 'kasita munono mutalandola nupya ndipita kasita munono mulandola nupya, nukuti, pamulandu wakuti nkuya kuli Tata'?'' ¹⁸ Apano yatili, Ichani chii chino wavwanga, 'kasita munono'? Tutakumanya vino wavwanga.'' ¹⁹ Yesu waweni chino yakasi yamukolowozye, watili kuli yene, ''Avino mukuyikowozya, chinonapiliwile pakuti, 'Kwasyala panono mutalandola nupya ndikwapita kasita munono mulandola'? ²⁰ Ichumi, ichumi, nkhuvwanga mulalila nukulosya, kwene insi yilasochela. Mulaya nichitima, lelo ichitima chinu chilasenuka insansa. ²¹ Nanthi umwanachi akuvyala akaya nichitima pamulandu wakuti kasita wakwe afisile, kwene ndi wavyala, asiyizuka nupya ivyakuwaya pamulandu wa nsansa zyakwe amuno umuntu wavyalwa munsi. ²² Kwene nomba muli nichitima, kwene ndawalola nupya, ni myenzo yinu yilaya yilasechela, pansi nanthi wumwi wino angize afumyepo insasa pali mwemwe. ²³ Pawanda wuwo mutalinkolowozya nanti chimwi. Ichumi, ichumi, nkuvwanga kuli mwemwe, nanti mukulenga chimwi kuli Tata mwizina lyane, alawapela. ²⁴ Kufika kuli kasita wii mutalenga nanti chimwi umwizina lyane. Lengini mulapochelela, ukuti insansa zinu ziye izyakufikapo.'' ²⁵ ''Navwanga ivintu vii kuli mwemwe mumilumbe, kwene kasita akwiza wino ntalavwanga upya kuli mwemwe mu milumbe, kwene ndawanena palwenzelele vyakwe Tata. ²⁶ Pa wanda wulya mulalenga mwizina lyane, kwene ntalivwanga kuli mwemwe ukuti ndawapela kuli tata, ²⁷ Pano Tata umwenecho wawakunda pamulandu wakuti mwankunda nene na pamulandu wakuti mwansuwile ukuti nafumile kuli Leza. ²⁸ Nafumilekuli Tata, Nganiza umunsi. Nupya nimasya insi nkuya kuli Tata.'' ²⁹ Ayalondezi yakwe yatili, ''Lolini, nomba mukuvwanga pa lwenzelele nupya mutakuwomvya imilumbe. ³⁰ Nomba twamanya ukuti mwamanya ivintu vyonsi, nukuti mutakulonda ukuti wumwi awakolowozye lwuzyo. Pamulandu wakwe chii, twasuwila ukut mwafuma kuliLeza.'' ³¹ Yesu wawaswike, ''Nomba mwasuwila? ³² Lolini kasita akwiza, ihiii, nupya umolimo niza, pano mulisata chilamuntu na kumwawo, mulasya nenga lelo insi nenga pamulandu wakuti Tata alinani. ³³ Navwanga ivintu vii kuli mwemwe ukuti mwize muye numutende muli nene. Munsi muli intanzi, kwene komini imyenzo, amuno nchimvizye insi.''