¹ Wensi wino akasuwalila ukuti Yesu a Kilisitu wapapwa ukufuma kuli Leza, nupya wensi wino wakunda Tata nawe kwene wakunda umwana wino wapapwa ukufuma kuli weliwe. ² Muu amuno twamanyila ukuti takunda umwana wakwe Leza: nditwamukunda Leza nukuvwila amasunde yakwe. ³ Pano luno ulukundo lwakwe Leza: ukuti tukasunga amasunde yakwe nupya amasunde yakwe sayanyome. ⁴ Pano wensi wino wapapwa ukufuma kuli Leza akachinvya insi. Nupya chii ichichinvyo chino chachinvya insi, nisuwilo litu kwene. ⁵ Aweni wino pawenga angachinvya insi? Wenga wino akasuwila ukuti Yesu amwana Leza. ⁶ Wii awenga wino wizile ukupitila mu manzi numuwazi: Yesu kilisitu. Atizile ukupitila umumanzi yatupu, kweni ukupitila mumanzi numuwazi umupasi wutupu awuno ukasimichizya, pamulandu wakuti umupasi ali wuchumi. ⁷ Pano kuli vitatu vino vikasimichizya: ⁸ Umupasi, amanzi, nuwazi. vii vitatu vikawuvwana. Vitatu vii ichinthu chonga; nukuti vili vitatu vino vikasimichizya umunsi: umupasi, amanzi, nuwazi; nukuti vino vitatu vili ngati ichinthu chonga. ⁹ Nditukupochelela uwukamboni wawanthu, uwukamboni wakwe Leza uwukalamba. Pno wuu uwukamboni wakwe Leza wuno wasimichizya ukulingana nu mwana kwe. ¹⁰ Wensi wino akasuwila mwizina ilya Mwana wakwe Leza ali nuwukamboni muli weliwe. Wensi wino atakusuwalila Leza amuyisile kunzi ngati uwawufi pamulandu wakuti atasuwalila uwukamboni wuno Leza wapa ukulingana numwana kwee. ¹¹ Nukuti uwukamboni awuu: Leza atupile uwumi wapee, nukuti uwumi wuu wuli mumwana kwe. Wino ali nu mwana ali nuwumi. ¹² Wino asi nu mwana wakwe Leza asi nuwumi. ¹³ Nawawalichila ivinthu vii ukuti mumanye ukuti muli nuwumi wape- kuli mwemwe mweyano mukusuwila mwizina lya Mwana wakwe Leza. ¹⁴ Nupya, chii ichikanga chino tuli nacho apamanso pali weliwe, akatuvwa. ¹⁵ Nupya, nditwamanya ukuti akatuvwa -chili chonsi chino tukumulenga-tukumanya ukuti tuli na chonsi chino twamulenga weliwe. ¹⁶ Ndi wumwi akulola umuze akuwomba uluyembu luno lutanga lumutwale ukumfwa, alingine apepe, nukuti Leza amamupa uwumi. Nkutachila kuli yano uluyembu lwawo lusikuwayika umumfwa. Kwaya uluyembu luno lukayika mufwa; Insi kuvwanga ukuti apepa pali chii. ¹⁷ Ukunthalungamana konsi uluyembu, kweni kuli uluyembu luno lusiyika umumfwa. ¹⁸ Twamanya ukuti wensi wino wapapwa ukufuma kuli Leza asiyembuka. Kwenewenga wino wapafilwe ukufuma kuli Leza akamusunjilila, nukuti umuyipe atanga amonone. ¹⁹ Twamany ukuti twafuma kuli Leza, nukuti twamanya ukuti insi yonsi yaseyamila kumaka yakwe chiwa. ²⁰ Kweni twamanya ukuti Mwana Leza wiza nukuti watwilula umwakuti tumanye wino uwawumolimo. Nupya, tuli muli weliwe wino uwawumolimo, umumwanakwe Yesu Kilisitu. Wii ali Leza uwachumi nuwa wumi uwape. ²¹ Yana talukini ukuvikolanyo.