¹ Apan ikaw, isulti unsa ang nahiuyon sa matinud-anon nga pagpanudlo. ² Tudlui ang mga tigulang nga lalaki sa pagpugong sa kaugalingon, maligdong, mabination, insakto sa pagtuo, sa gugma, ug sa pagkamalahutayon. ³ Tudlui ang mga tigulang nga babaye sa sa pag gawi nga matinahuron, dili tabian. Kinahanglan dili sila magpaulipon sa sobra nga bino. Kinahanglan itudlo nila unsa ang maayo ⁴ aron sa pagbansay sa mga batan-on nga mga kababayen-an sa paghigugma sa ilang kaugalingon nga mga bana ug mga anak. ⁵ Aron mamahimong maalamon, putli, maayo nga moatiman sa panimalay, ug matinumanon sa ilang kaugalingon nga mga bana. sa ingon ang pulong sa Dios dili matamay. ⁶ Sa samang paagi, dasiga ang mga batan-on nga lalaki nga magmaalamon. ⁷ Sa tanan nga paagi ipakita ang imong kaugalingon ingon nga maayong sumbanan sa maayong mga buhat, ug sa imong pag panudlo, ipakita ang pagkamatarong ug pagkamaligdong. ⁸ Isulti ang mga pulong nga maayo ug walay ikasaway, aron nga si bisan kinsa nga mosupak maulawan, tungod kay wala siya'y daotan nga ikasulti mahitungod kanato. ⁹ Tudlui ang mga ulipon kinahanglan motuman sa ilang mga agalon sa tanang mga butang kinahanglan sila mopahimuot kanila ug dili makiglalis uban kanila. ¹⁰ Dili sila angay manghilabot. Hinuon, kinahanglan ilang ipakita ang maayong pagtuo, aron nga sa matag paagi ilang madayeg ang atong pagtulon-an mahitungod sa Dios nga atong manluluwas. ¹¹ Tungod kay ang grasya sa Dios gipakita alang sa kaluwasan sa tanang mga tawo. ¹² Kini mobansay kanato sa pagdumili sa pagkadili diosnon ug sa kalibutanong kaibog, ug magpuyo nga adunay pagpugong sa kaugalingon, maligdong ug diosnon nga pagkinabuhi niining panahuna. ¹³ samtang kita nagahulat sa unahan aron modawat sa atong mahimayaon nga paglaom, ang pagpadayag sa himaya sa atong bantugang Dios ug Manluluwas nga si Cristo Jesus. ¹⁴ Si Jesus naghatag sa iyang kaugalingon alang kanato aron sa pagtubos kanato gikan sa tanan nga pagkamalapason ug sa paghimo nga putli alang kaniya ang pinasahi nga mga katawhan nga madasigon sa pagbuhat sa maayong mga buhat. ¹⁵ Isulti kining mga butanga, dasiga ang mga tawo sa pagbuhat niini, pagbadlong nga may autoridad. Ayaw itugot nga dunay usa nga walay pagtagad kanimo kanimo.