¹ Buang-buang kamong taga-Galacia, kinsay nag daot kaninyo? Dili ba si Jesu-Cristo gipadayag ingon nga gilansang sa krus atubangan sa inyong mga mata? ² Ako buot nga makakat-on niini gikan kaninyo. Nadawat ba ninyo ang Espiritu pinaagi sa pagtuman sa balaod o pinaagi sa pagtuo kung unsa ang inyong nadungog? ³ Buang-buang ba gayod kamo? Nagsugod ba kamo diha sa Espiritu aron tapuson karon sa unod? ⁴ Nag-antos ba kamo sa daghan nga mga butang alang sa wala - kung tinuod kini alang sa wala? ⁵ Siya ba nga naghatag sa Espiritu diha kaninyo ug namuhat sa gamhanang mga buhat taliwala kaninyo nagbuhat niini pinaagi sa mga buhat sa balaod, o pinaagi sa pagpaminaw uban ang pagtuo? ⁶ Si Abraham "mituo sa Dios ug kini gitamod kaniya ingon nga pagkamatarong." ⁷ Sa samang paagi, sabton, unya, nga kadtong nagtuo mga anak ni Abraham. ⁸ Ang kasulatan daan nang nakakita nga ang Dios magapakamatarong sa mga Gentil pinaagi sa pagtuo , ang ebanghelyo gimantala nang daan ngadto kang Abraham, nag-ingon "Diha kanimo ang tanang kanasoran mahimong mapanalanginan." ⁹ Busa, kadtong adunay pagtuo panalanginan uban kang Abraham, nga adunay pagtuo. ¹⁰ Kadtong nagsalig pinaagi sa pagtuman sa balaod mailalom sa tunglo; Kay kini nahisulat, "Tinunglo ang tana nga dili magtuman sa tanang mga butang nga nahisulat sa basahon sa basahon, ug nagabuhat niini." ¹¹ Karon kini klaro nga walay tawo nga gipakamatarong sa Dios pinaagi sa balaod, kay "Ang matarong magpuyo pinaagi sa pagtuo. " ¹² Ang balaod dili gikan sa pagtuo, hinuon, "Siya nga nagbuhat niining mga butanga diha sa balaod magpuyo pinaagi sa mga balaod." ¹³ Si Cristo ang naglukat kanato gikan sa tunglo sa balaod sa dihang siya nahimong usa ka tinunglo alang kanato. Kay kini nahisulat, "Tinunglo ang si bisan kinsa nga gibitay sa kahoy." ¹⁴ Ang tumong mao nga ang panalangin nga anaa kang Abraham muabot sa mga Gentil pinaagi kang Cristo Jesus, aron nga kita mahimong makadawat sa saad sa Espiritu pinaagi sa pagtuo. ¹⁵ Mga igsoon, ako mosulti sa tawhanong mga pulong. Sa dihang ang tawhanong kasabotan gikauyonan na, wala nay makasalikway o makadugang niini. ¹⁶ Karon ang mga saad nasulti na ngadto kang Abraham ug sa iyang mga kaliwatan. Kini wala mag-ingon, "sa mga kaliwatan, " nga naghisgot sa daghan, apan hinuon ngadto lamang sa usa, "sa imong kaliwat," nga mao ang Cristo. ¹⁷ Karon ang buot kung ipasabot niini: Ang balaod, diin miabot upat ka gatos ug trenta na ka tuig ang milabay, wala makasalikway sa kasabotan nga nahiuna nang natukod sa Dios. ¹⁸ Kay kung ang panulundon moabot pinaagi sa balaod, kini dili na gayod moabot pinaagi sa saad. Apan ang Dios gawasnon nga mihatag niini kang Abraham pinaagi sa usa ka saad. ¹⁹ Unya, unsay, katuyuan sa balaod? Gidugang kini tungod sa mga kalapasan, hangtod muabot ang kaliwat ni Abraham nga gisaaran. Ang balaod gipatuman pinaagi sa mga anghel pinaagi sa usa ka tigpataliwala. ²⁰ Karon ang tigpataliwala nagpasabot ug labaw sa usa ka tawo, apan ang Dios usa lamang. ²¹ Busa ang balaod ba supak sa mga saad sa Dios? Dili gayod! Kay kung ang balaod nga gihatag mahatag ug kinabuhi, ang pagkamatarong moabot gayod pinaagi sa balaod. ²² Apan ang kasulatan nagbilanggo sa tanan nga mga butang ilawm sa sala. Ang Dios nagbuhat niini aron nga ang iyang saad sa pagluwas kanato pinaagi sa pagtuo kang Jesu-Cristo mahimong ikahatag niadtong nanagtuo. ²³ Sa wala pa miabot ang pagtuo, kita nabilanggo ug nagapos pinaagi sa balaod, hangtod nga napadayag ang pagtuo. ²⁴ Busa ang balaod nahimo natong magbalantay hangtod nga si Cristo miabot, aron nga kita mahimong matarong pinaagi sa pagtuo. ²⁵ Apan karon ang pagtuo miabot na, wala na gayod kita mailalom sa magbalantay. ²⁶ Kay kamong tanan mga anak na sa Dios pinaagi sa pagtuo kang Cristo Jesus. ²⁷ Kay ingon sa kadaghanan kaninyo gibawtismohan ngadto kang Cristo nagsul-ob sa inyong kaugalingon sama kang Cristo. ²⁸ Walay Judio ni Griyego, ulipon ni gawasnon, lalaki ni babaye, kay kamong tanan usa diha kang Cristo Jesus. ²⁹ Kung kamo iya kang Cristo, nagpasabot nga kamo mga kaliwat ni Abraham, ug mga manununod sumala sa saad.