¹ Unya human sa napulo ug upat ka tuig ako mitungas sa Jerusalem uban ni Barnabas, akong gidala usab si Tito uban kanako. ² Mitungas ako tungod sa gipadayag kanako ug kinahanglan akong masulti kanila ang ebangelyo nga akong gimantala taliwala sa mga Gentil. Nakigsulti ako sa tago lamang niadtong mga daw mahinungdanon, aron pagsiguro nga wala ako magdagan-- o midagan-- nga walay kapuslanan. ³ Apan bisan gani si Tito, nga uban kanako nga usa ka Griyego, napugos sa magpatuli. ⁴ Kining butanga mitungha tungod sa mga bakak nga kaigsoonan nga miabot sa tago aron sa pagpaniid sa atong kagawasan nga anaa kang Cristo Jesus. Sila nagtinguha nga kita mahimong mga ulipon, ⁵ Apan wala kita motugot nga magpasakop kanila bisan sa usa lamang ka takna, aron nga ang kamatuoran sa ebanghelyo magpabilin nga dili mausab alang kaninyo. ⁶ Apan kadtong uban daw importante (Bisan unsa sila dili kini igsapayan kanako, Ang Dios dili mupakita ug pinalabi) -- kadtong, akong giingon, kinsa daw importante dili makadugang kanako. ⁷ Sa laing bahin nakita nila nga gisalig ko ang ebanghelyo niadtong dili mga tinuli, kini sama kang Pedro nga nagmantala sa ebanghelyo niadtong tinuli. ⁸ Kay ang Dios, nga namuhat uban kang Pedro alang sa pagkaapostol niadtong mga tinuli, namuhat usab kanako ngadto sa mga Gentil. ⁹ Sa dihang si Santiago, Cephas, ug Juan, nga naila ingon nga maoy nagtukod sa simbahan, nakasabot sa grasya nga gihatag kanako, ilang gihatag ang ilang tuong kamot sa pag-abiabi kang Barnabas ug kanako. Ila kining gibuhat aron nga kita kinahanglan moadto sa mga Gentil, ug sila kinahanglan moadto niadtong mga tinuli. ¹⁰ Gusto usab nila nga atong hinumdoman ang mga kabos, diin maoy akong tinguha nga pagabuhaton. ¹¹ Apan sa dihang si Cephas miabot sa Antioch, ako siyang gibadlong diha sa iyang atubangan tungod kay siya sayop. ¹² Sa wala pa miabot ang pipila ka mga tawo nga gikan kang Santiago, si Cephas nakigkaon uban sa mga Gentil. Apan sa dihang kining mga tawhana miabot, siya mihunong ug mipalayo gikan sa mga Gentil. Siya nahadlok niining mga tawhana nga nagkinahanglan sa pagpatuli. ¹³ Usab ang ubang mga Judio miapil niining pagpakaaron-ingnon. Bisan gani si Barnabas nadala usab sa ilang pagpakaaron-ingnon. ¹⁴ Apan sa dihang akong nakita nga wala sila misunod sa kamatuoran sa ebanghelyo, ako miingon ngadto kang Cephas sa atubangan nilang tanan, "Kung ikaw Judio apan nagpuyo sama sa Gentil ug dili sama sa Judio , unsaon nimo pagpugos ang mga Gentil nga magpuyo sama sa mga Judio?" ¹⁵ Kita sa atong kaugalingon, Judio sa pagpakatawo ug dili "Gentil nga mga makasasala" ¹⁶ nasayod kita nga walay tawo ang gipakamatarong pinaagi sa mga buhat sa balaod apan pinaagi sa pagtuo kang Jesu-Cristo. Kita usab miabot sa pagtuo kang Cristo Jesus aron kita mamatarong pinaagi sa pagtuo kang Cristo ug dili pinaagi sa mga buhat sa balaod. Kay pinaagi sa mga buhat sa balaod walay unod nga mamatarong. ¹⁷ Apan kung, sa dihang kita mangita aron mamatarong diha kang Cristo, atong makaplagan usab ang atong mga kaugalingon nga makasasala, si Cristo ba nagpasiugda sa sala? Kini dili gayod! ¹⁸ Kay kung akong tukoron pag-usab ang mga butang nga akong giguba, akong gipakita ang akong pagka masinupakon sa balaod. ¹⁹ Kay pinaagi sa balaod ako namatay sa balaod, aron ako magkinabuhi alang sa Dios. ²⁰ Ako gilansang uban kang Cristo. Dili na ako ang nabuhi, apan si Cristo nga nagpuyo kanako. Ang kinabuhi nga ako karong gikinabuhi diha sa unod akong gikinabuhi pinaagi sa pagtuo sa Anak sa Dios, nga nahigugma kanako ug naghatag sa iyang kaugalingon alang kanako. ²¹ Wala nako gisalikway ang grasya sa Dios, kay kung ang pagkamatarong maangkon pinaagi sa balaod, nan si Cristo namatay sa walay hinungdan.