¹ Bo u Yeso anena ivinthu ivi, akinula aminso ghache kumwanya nukuti, " Tata, akabalilo kakwana, mukwezye uwmana wako ukuti umwana wako ukuti umwana akukwezye uwe. ² Ngati mo ukamupela umwene amazaza pambili yonis ukuti apeleke ubumi bwa bwile nabwile kwa aliwensi we wamupa. ³ Ubu bo bumi bwa bwile na bwile, ukuti bakumanye uwe, u Chala weka bwaka uwabwanaloli, nawe mukamutuma, u Yeso Kilisiti. ⁴ Nkhakukwezya uwe pa chisu chapansi namalizya imbombo yomukampha ukuti mbombe. ⁵ Po , u Tata, nkhwezyani une pa umwe nubuchindamu bo nkhaba nabo poka numwe bo ichisu chapansi chitapangiwe. ⁶ Nkhavumbula izi lyako kubanthu bo ukampha ukufuma pachisu chapansi. Bakaba bako, sona ukampha babo, po basunga izwi lyako. ⁷ Po bamanya pakuti chilichonsi cho umpile chilifuma kukwako. Pakuti nabapa amazyu ghonsi gho ukampha. ⁸ Bakaghapokela sona nukumanya nubwanaloli ukuti nkhafuma kukwako, sona bakasubila pakuti ukanthuma. ⁹ Nkhubiputila, nthakwiputila ichisu chapansi loli bo umphile une, pakuti bako. ¹⁰ Chonsi cho chane chako, nichako chane, sona nkhuchindikiwa muvivyo. ¹¹ Nthe pa chisu cha pansi sona,loli abanthu bano bali muchisu chapansi, po nkhwiza kukwako. U tata umuswepu, basunge mwizina lyako bo umphile ukuti babe umunthu weka , ngati motubelile weka. ¹² Ponkhaba nabo , nkhasungulila akiza mwizina lyako, bo umphile. Nkhabateteza, sona nayumo mwababo akanangika, ukupatula umwana wakunangika, ukuti amasimbo ghakwanilisiwe. ¹³ Po nkhwiza kukwako, loli nkhunena ivinthu ivi muchisu chapansi ukuti babe nulusekelo lwane ulwizule mumwabo. ¹⁴ Nabapa izwi lyako, po nichisu chapansi chababenga chifukwa tebachisu chapansi, ngagti nene tene wachisu chapansi. ¹⁵ Nthakubelenga ukuti ubafumye kuchisu chapansi, loli ukuti uwe ubasunge akiza kumubibi yula. ¹⁶ Teba chisu chapansi ngsti une tene wa pachisu chapansi. ¹⁷ Bapatule nubwanaloli. Izwi lyako bwanaloli ¹⁸ Ngati mo ukanthimula une kuchisu chapansi , Po nabatumakuchisu chapansi. ¹⁹ Chifukwa cha babo nipatula nemwene, ukuti abene bope bipatule mubwanaloli. ²⁰ Nthakwiputila bene aba haa, loli nabo bope inthibasubile mumwane ukwendela mwizina lyabo. ²¹ Ukuti bonsi babe umunthu weka, ngati wewe, Tata , uli mumwane sona nune indi mumwako. Bope babe mumwitu ukuti ichisu chapansi chisubile ukuti unthumite. ²² Ubuchindamu bo ukampha, nabapa ukuti babe umunthu weka, ngati motubelile weka. ²³ Une mumwabo sona nuwe mumwane -ukuti bize bamalizye ubupoka, ukuti ichisu chapansi chimanye pakuti ukatunthuma une , nukuti wabaghana ngati moukanganila une. ²⁴ Tata, nkhulonda bowampha ukuti bakabe nune ko indi, sona ukuti balinge ubuchindamu bwane, ubuchindamu bo ukampha une chifukwa ukangana bo bo ulufula lwa chisu chapansi nalumo. ²⁵ Tata umugholosu, ichisu chapansi chitakakumanya loli nkhumenye uwe, sona aba bamenye pakuti ukanthuma. ²⁶ Nkhapangisya ukuti izina lyako limanyikwe kukwabo, sona inthimbamanyisye ukuti ulughano lowangana une lube mumwabo , po nune inthimbe mumwabo.