¹ Pisinda pa ivi u Yeso akilangizya ku bamanyili bache ku lusoko lwa Tibeliya. Umu momo akilangizya. ² U Simoni Pitala akaba poka nu Thomasi akitiziwanga Didimu na Taniyeli yo akafumanga ku Kana mu Galileya, abana ba Zebediya, na bamanyili babili abanji aba Yeso. ³ Usimoni Pitala akati kukwabo, " nkhuya pakukola inswi. " Abene bakati " nuswe bwaka, tukuya nuwe." Bakabuka nu kwingila mu boti , loli batakakola nazimo inswi ubusiku bosi. ⁴ Po loli bo bapaba pandawi kale, u Yeso akimilila pa chipuma , lolimabamanyili bache batakamanyanga ukuti we Yeso. ⁵ U Yeso akanena nabo, " mwe balumendo, muli nacho chimo ichakulya?" bakamwamula "awe". ⁶ Akababuzya ukuti, " Tayila ichilepa ku nyobe yandwelo iya bwato, inthi mukaghe kamo, " po bakatayila ichilepo loli bakapotwa ukuti baguzile panzi chifukwa chaa bwinji bwa nswi. ⁷ Po umumanyili yo u Yeso akamughana akati kwa Pitala, "we mwene" Bo u simoni Pilata Pitala ivwa pakuti we mwene akavwala ilya kunzi( chifukwa atakavwala), po ikiponia mulusoko. ⁸ Abamanyili abanyabo bakiza mu bwato ( chifukwa batakaba pabutali ni nswi , lumo pakaba bwaka amayadi 2 handiledi po bakaguza ichilepa cho chinswile ni nswi. ⁹ Bobafika panzi, bakalinga umoto malasha ni nswi fili pamwanya ni chibama. ¹⁰ U Yeso akati kukwabo, "za ninswi zimo zyo mwafuma pakukola." ¹¹ U Simoni akabuka nukuguzila ichilepa pa chipuma, chizwile ni nswi izikulu, ubwinji bwache zikaba 153, loli napo zikaba zinji, ichilepa chitakalepuka. ¹² U Yeso akati kukwabo, " za mulye ichakulya cha ndabindabi" Abamanyili nayumo atakalalusya, " ukuti ka wewenu?" bakamanya ukuti we mwene. ¹³ U Yeso akiza , akasenda ichibama abapa, ninswi zyope. ¹⁴ Aka kakaba kabutatu, ukuti u Yeso ibonesye ku bamanyili bache ukufuma mo akazyukila ku bufwe. ¹⁵ Bo balya ichakulya cha ndabi ndabi u Yeso akati kwa Simoni Pitala, " Simoni mwana wa Yohani, ka unganite ukupota aba? u Pitala akati kwa Yeso, " ehe mwene, umenye pakuti nkhughanite." u Yeso akati kukwache lyesya abanang'onzi bane." ¹⁶ Akati sona akabubili kukwache , " Simoni mwana wa Yohani ka unganite?" Pitala akati kukwache, " ehe Mwene, umenye pati nkhughanite." U Yeso akati kukwache, , usungilile ingozi zyane." ¹⁷ Akati sona akabutatu, " Simoni mwnana wa Yohani ka unganite?" u Pitala akasulumania chifukwa u Yeso akanena aka butatu ukuti , ka unganite?" akamula akati, mwene, umenye vyosi, umenye pati nkhughanite." u Yeso akati kukwache , lyesya ing'onzi zyane. ¹⁸ Naloli loli, nkhunena ku kwako, po ukaba we munandi, ukavwalanga wemwene ulamba waka nukuya konsi ko wighana, loli pala wiza wa gosipa uzughugholozyanga bwaka inyobe zyako nukiulonda yumo akuvwalike nukunyamula kosi ko uwe utighniteko pakuya." ¹⁹ ;Po u Yeso akanena ichi ukuti alangizye ubufwe bo Pitala inthi ize amuchindikite nabo u Chala. Akati kwa Pitala, " ukhonkhe une." ²⁰ U Pitala akalingisya kwisinda akamulingizya umumanyili yo u Yeso akamughana akubakonkha, weyo akeghamila u Yeso bo bakulya ichakulya ichakulya cha mabwila nawe akati , " mwene, weweni yo inthi akubike kubwalwani?" ²¹ U Pitala akamulinga akati akati kwa Yeso, " mwene, ka umunthu uyu inthi abombe ichoni?" ²² U Yeso akati kukwache, " Pala ningalonda ukuti ikale mpaka nkhize, chochoni ichonyene ku kwinu? nkhonkhe." ²³ Po amazyu agha ghamanyikwa mubamwabo agha kuti umumanyili uyu te ize afwe loli u Yeso atakati kwa Pitala pakuti umumanyili yula atalifwa loli, pala ningalonda pakuti ikale mpaka po niza, chochoni ichonyene kukwinu?" ²⁴ Uyu we mumanyili yo akubikila ubu kaboni pa ivi, sona we akavisimba, sona tumumenye pakuti ubwakaboni bwache bwanaloli. ²⁵ Palipo ivinthu ivinji vyo u Yeso akabomba. Pala vyonsi vikati visimbiwenge nkhumanya ukuti nichisu chosi nge chite na mabuku gho nge ghasimbiwe.