¹ Umputi usongo akati, '' ka ivinthu ivi vyanaloli?'' ² U Sitefani akati, '' mwebawamwitu na batata, nivwisyani: U Chala umusisya akamubonekela u tata witu u Abulahamu bo ali mu Mesopotamya , bo achili atikalitemo mu Harani; ³ Akati kukwache, kaleke akaya kako nabakamu bako, buka kukaya ko inthi nkhulanjizye. ⁴ '' Po akaleka akaya kaba Chalachadeya nukuya mu Haran; ukufuma pala, bo utata wache afwa, uchala akamubika mukaya kanonyene,ko mukwikalamo lonsulu. ⁵ Atakamupa nachimo ngati yo mphyana kukwache , awe, kope nakatamba bwaka atakamupa. Loli akapangana--nangabuli u Abulahamu atakaba numwana nayumo--pakuti inthi amupe akaya ngati chuma kukwache nakubaluko bobakwiza. ⁶ Uchala akanenanga kukwache buno, pakuti abaluko lwache balikala kanandi muchisu ichachilendo, mo abakulanyene bakuya pakubabika bazya nukubayinvya pamyaka 400. ⁷ Loli nkhwiza pakulonga ichisu cho bakuchibombela; uchala akanena, pakufuma apo balifuma nukuputa pabuyo ubu. ⁸ Po uchala akamupa u Abulahamu ulufingo ulwakufumya ichipapa cha nkhule kunthazi, po abulahamu akiza aba we tata wa Ayizeki nukufumya ichipapa cha nkhule pisiku lya nambala eyiti; U Ayizeki akiza aba we tata wa Jakobo, u Jakobo utata wabanyenya twelovu. ⁹ '' Chifukwa chakuti abanyenya bakaba nakabini nu Yosefe, bakamuwulizya ku Ijiputi, loli uchala akaba nawe, ¹⁰ nukumupoka munthamyo zyache zyonsi. Akamupa u Yosefe amahala pamaso pa Falawo, umwene wa Ijiputi yo akamusala ukuba wesongo wa kunyumba chifumu Ijiputi yonsi nabapanyumba pache. ¹¹ '' Po kukiza kwaba inzala muchisu chonsi ichapansi, ninthamyo izinji nabatata bitu bope batakachagha nichakulya. ¹² Bo u Jakobo ivwa pakuti kuli ivilombe ku Ijiputi, akatuma abatata bitu pabwandilo. ¹³ Ubulendo ubwabubili u Yosefe akivumbula kubamwabo, sona imbumba ya Yosefu yikamasiwa kwa falawo. ¹⁴ U Yosefe akatuma abamwabo ukuti baye bamubuzye utata wache u Yakobo ukuti ize ku Ijiputi, poka nabakamu bache bonsi, abanthu sevenite-fayivi poka. ¹⁵ Po u Jakobo akabuka ku Ijiputi, akafwa,umwene na batata bitu. ¹⁶ Bakanyamuliwa nukuya nabo ku shekemu nukubasila mwipumpha lyo u Abulahamu akawula nindalama ku bana ba Hamoli mu shekemu. ¹⁷ '' Bo akabalilo aka lufingo kapalamila ulufingo lo uchala akafinga kwa Abulahamu, abanthu bakakula nukubala mu Ijiputi, ¹⁸ mphaka po mukafuma umwene umunyabo yo akalaghila Ijiputi, umwene yo atakazimanya izya Yosefu. ¹⁹ Akabenda pansi abanthu bitu nukubachichizya abatata bitu ukuti babaleke ababonda babo kunzi kutwaya twabo ukuti bafwile kulanyene. ²⁰ Pakabalilo kalanyene u Mozesi akapapiwa; akaba mwiza sana pamaso gha chala sona akaleliwa munyumba yatata wache pa myezi yitatu. ²¹ Bakati bamufumya kunzi, umwana wa falawo umusungu akamusenda nukuya pakwikala nawe ko akamukuzya ngati mwana wache. ²² U Mozesi akamanyila amahala ghonsi agha mu Ijiputi, sona akaba munthu wamaka mumazyu na mumbombo bwaka. ²³ Bo afika imyaka fote, akinong'ona izyakubendela abakamu bache, aba luko lwa Izirayeli. ²⁴ Akati alinga umu Izirayeli yumo akumwa, u Mozesi akamwavwa pakumunyosezya nukumukoma u mu ijputi yula. ²⁵ Akinong'onanga ukuti abamwabo inthi bivwisye ukuti u chala ninyobe yache akubasatula, loli batakivwisya. ²⁶ Pisiku ilinji akalinga abanalume babili bakulwa akayezya ukubika umutende papabo pakunena ukuti, mwe, mwe baliboka; chonicho mukuvulazania?' '' ²⁷ loli yo akamunangila umunyabo akamusunkhilizya, nukuti, wewenu yo akakusala uwe ukuti we mulaghili nuwakulongozya inongwa papitu? ²⁸ ungalonda pakunkhoma ngati mo ukamukomela umu Ijiputi mabwila?' ²⁹ U Mozesi akasamala bo ivwa amazyu agha; akiza aba mulendo mukaya ka midiyani, ko akiza aba we tata wabana babili. ³⁰ Pakati penda imyaka fote, umungelo akamubonekela munkholongo ya chipili cha sinayi, muchivwati ichakwaka umoto. ³¹ U Mozesi bo awulinga umoto , akaswigha navyo akavilinga; bo apalamila ukuti alinge, amazyu gha chala ghakiza, aghakuti, ³² ne chala wa batata bako, uchala wa Abulahamu nu wa Ayizeki, nuwa Jakobu, u Mozesi akatetemanga sona atakalingako sona. ³³ U Chala akanena nawe, vula indyato kuvinama vyako, pakuti ubuyo bo wimililepo busayiwa. ³⁴ Naghalinga amayimba agha banthu bane mu Ijiputi, nivwa inkhuto yabo, poniza pakubapoka; po zaa, inthinkhutume ku Ijiputi. ³⁵ U Mozesi yo bakamukana, po bakati, wewenu yo akakusala ukuba we mulamuli numulongozi? akaba weyuyo yo uchala akamutuma ukuba ngati wemulamulili nuwakusatula. U Chala akamutuma ukwendela munyobe ya mungelo yo akabonekela u Mozesi munkholongo. ³⁶ U Mozesi akabafumyamo mu Ijiputi, bo abomba iviswigho nivimanyisyo mu Ijiputi napanyanja iyikulu iya matete, namunkholongo pamyaka fote. ³⁷ We Mozesi yulanyene yo akati kubanthu ba izirayeli, '' u chala akwiza pakubatumila umuwonela ukufuma mubawamwinu umuwonela ngati nene. ³⁸ Uyu we yomunthu yo akabungana munkholongo numungelo yo akanena kukwache pachipili icha sinayi, yo akaba nabatata bitu, nayo akapokela amazyu amumi ukuti atugabile. ³⁹ Loli abatata bitu bakakana ukumwivwila, bakamusunkhilizya, sona mumyoyo yabo bakanyokela ku Ijiputi. ⁴⁰ Pakabalilo kalanyene bakati kwa Aloni, tupanjile abachala bobakwiza pakututanjilila. pakuti u Mozesi, uyu yo akatutanjilila muchisu cha Ijiputi, tutakumanya chochabombiwa kukwache. ⁴¹ Po bakapanga ichifwani icha ngwata pakabalil kalanyene nukubika ivyabupi kuvifwani, bakahoboka nimbombo izya nyobe zyabo. ⁴² Po uchala akabapa inkhontho nukubavwituka ukuti bipute inthondwa izyamumabingu, ngati mo zikasimbiliwa mwibuku lyabawonela, mutakankholanga nene ivinyamana vyinu nukubika ivyabupi pamyaka fote (40) munkholongo, nyumba ya Izilayeli? ⁴³ Mukitikizya ichitembe icha Moleki nu lutondwa chala u Lefani, nivifwanifwani vyo mukapanga ukuti muvipute; inthi mbasamazye kubutali nakaya Babeloni. ⁴⁴ '' Abatata bakaba nichitembe icha visimikizyo munkholongo, ngati mo uchala akababuzizya po akanenanga kwa Mozesi, ukuti apange ngati mo akachilingila. ⁴⁵ Ukufuma apo, abatata bitu, pansi pa Joswa, bakapokela ichitembe nukwiza nacho po bakapokanga ichuma cha mukaya. UChala akapoka akaya ukufuma muchisu nukubasamazya paminso ghabatata bitu. Ichitembe chikasyala mkaya mphaka akabalilo ka Daveti, ⁴⁶ Akalwagha ulusako paminso gha chala, akamulenga pala angabwagha ubuyo bwakwikalapo ubwa nyumba ya Jakobu. ⁴⁷ Loli akaba we solomoni yo akazenga inyumba ya chala. ''' ⁴⁸ Nangabuli, uwakumwanya atakwikala munyumba izyakuzengiwa ninyobe, ngati mo umuwonela akunenela, ' ⁴⁹ kumwanya chochitengo chane, ichisu chapansi chochakutuzizyapo ivinama vyane. Nyumba buli, yo munganzengela une?uchala akunena, pamo malo buli aghakutuzizyapo une? ⁵⁰ Inyobe yane yitakapanga vyonsi ivi? ⁵¹ '' Mwebanthu abawome imyoyo, mutasilimuliwe/ ukudumuliwa mumyoyo namumakutu, akabalilo akinji mukukana umuzimu umuswepu; mukupanga ngati mo abatata binu bakapangilanga. ⁵² Muwonela buli yo abatata binu batakamukoma? bakakoma abawonela bobakiza mo atizite umuwolosu; mwaba mwebakumukana nu kumukoma, ⁵³ mwemukapokela indaghilo zyozikapeghiwa kukwinu ukwendela mwa mungelo, loli mutakivwila. ⁵⁴ Bo abalongozi bivwa ivi, bakakalala, nukusyesyena amino kwa sitefano. ⁵⁵ Loli umwene pakwizula nu muzimu umuswepu, akalinga kumwanya nukulinga ubuchindamu bwa chala, akalinga u Yesu imilile kunyobe iyachala. ⁵⁶ U sitefani akati, ''linga, nkhulinga kumwanya kwiwukite, numwana wamunthu imilile kunyobe iyandyelo iyachala. ⁵⁷ Pa ichi abalongozi bakighalila amakutu ghabo bakakolomoka ; nalubilo bakamunyelela nichifukwa choka. ⁵⁸ Bakamuguzila kunzi kwa kaya akakulu nukwanda pakumuma namabwe. Abakamboni bakasengulisya imyenda yabo kwa mulumendo yo akitiziwanga ukuti sawuli. ⁵⁹ Bobakamuma na mabwe, u sitefani, akitizyanga kwa chala nukuti '' mwene wane Yesu, pokela umuzimu wane.'' ⁶⁰ akafugamila nukwitizya amazyu amakulu, '' mwene, utakayikumbuke imbibi yabo iyi.'' Bo anena ichi, po akawona utulo.