¹ U Pawuli akiza sona ku Derebe nukuya ku lisitira, kuko umumanyili yumo izina lyache u Timoti akaba kulanyene, umwana wa mwanakazi umu Yuda yuyo akaba mwitiki, loli ubaba wache akaba mu Giliki. ² Akaneniwanga akiza nkhani na bawamwabo babo bakaba ku Lisitila na ku Ikoniyamu. ³ U Pawuli akamulondanga ukuti ende nawe, po akamusenda nukumudumula chifukwa bakaba ba Yuda bobakikalanga mu twaya tulanyene, pakuti bonsi bakamumanya ukuti u wise mu Giliki. ⁴ Bobakubuka bakenda mu twaya; bobakwenda bakabuzya ama chalichi indaghilo izyakukonkha, indaghilo zyozikasimbwa na batumiwa poka nabasongo mu Yerusalemu. ⁵ Po ivyalichi bakaviwomya mu lwitiko po ubwinji bwa banthu bukongeleziwanga isiku lyosi. ⁶ U Pauli nabanyabo bakabuka mutwaya utwa Phrygia nutwa Galatiya, pakuti umuzimu umuswepu ghukabakanizya pakulumbilila mukaya ka Asia. ⁷ Bobiza kupipi ku Mysia bakayezya pakuya mu Bithynia, loli umuzimu wa Yesu ukabakanizya. ⁸ Bakenda mu Mysia, Bakabuka kukaya ka Troas. ⁹ Ichisetuka chikamubonekera u Paul pa busiku, "Umwanalume uwaku Macedonia," akimilila akamulenga sona akanena akati, "wize kuno ku Macedonia wize ututule." ¹⁰ Bo u Paul achilinga achilinga ichisetuka, nakalinga twenelile ukuti tuye ku Macedonia, pakuti Uchala yoyoatwitizya ukuti tuye tulumbilile izyu lyache kukwabo. ¹¹ Poaponyene bakingila mu bwato piloboko ilya Troas, Tukabuka paka ku Samothrace, sona isiku ilinyabo tukafika ku Neapolis. ¹² Ukufuma pala tukabuka ku Philip, kokokaya ka Macedonia, kokokaya kako kakulu muchisu chila mubulaghili mwaba Roma tukikala mukaya kala amasiku aghinji. ¹³ Lyolyakwana isiku lya Sabata tukabuka kuzi kumulyango papipi nulusoko, potukinong`onela ukuti pangaba pa pakwiputilapo. Tukikala pansi tukanena numwanakazi yotukiza nawe poka nawe. ¹⁴ Umwanakazi yumo yoizina lyake akaba we Lidia,yoakuwulizganga imyenda mukaya aka thyatira,yo akamwiputanga Uchala, akatwivwa. Uchalaakamwiwula umoyo wache ukuti ivwe vyo akanena Upauli. ¹⁵ Bo umwanakazi yula nabanyumba yache boziwa, akatulambilizya, akati,'' Nanti mwandinga une ukuti nemwiza kwa Chala, mwize mwikale munyumba yane.'' Akatulambilizga. ¹⁶ Chikiza ngati ubonyene botukaya pamalo aghakwiputila, umusungu yumo umuzya yoakaba nimphepo iyakulaghula akiza kukwitu. Akiza numwene wache yuyo akakabilangamo indalama mubulaghuzi bwache. ¹⁷ Umwanakazi uyo akizanga musinda mwa Pauli namumwitu akakola, akati, ''Abantu aba bambombo aba Chala uwakumwanya. Wakufumusya kukwinyu izila iyabuponelo.'' ¹⁸ Akabomba izi kumasiku aghinji. Loli U Pauli akamukalalizyanga hee, akang'anamuka akazibuzya imphepo imbibi.'' Nkhubachemela mwemphepo umwe mwizina ilya Yesu Kilisitu fumamo mwamusungu uyu '' zikafuma akabalilo kalanyene ¹⁹ Boumwene wache alinga vyovikubombiwa ukusubaliwa kosi kukamala ukwakukabila indalama , bakamulesya Upauli nu Silas bakabasenda nu kubuka nabo pobakaghulizyanga ivinthu bakaya kubalongozi abakaya. ²⁰ Bakababika kubalonga nongwa, bakati, ''Ábanthu aba bakunyazya akaya kitu. ²¹ Bo Bayuda. Bakufumusya imyiko yo muba Roma yitakwitikiziwa sona nukuyibombela. ²² Po ichilundilo chikamunyamukila u Pawuli nu Sila; abalongi bakazepulania imyenda yabo nukubavula bakababuzya ukuti babasyemphe ninkhomo. ²³ Bobabuma hee, bakabingizya mu jele nukubalamula abalindilili ukuti babalingilile hee. ²⁴ Boapokela amaka agha, umulindilili akabasumbila muchipinda ichamukasi mujele nukubapinya hee muvinama vyabo bakabapinyilila kuvyela. ²⁵ Pakasi pabusiku U Pauli nu Silas bakaputanga nukwimba inyimbo kwa Chala , abanyabo bobakabapinya bakabateghelezyanga. ²⁶ Umwakuchenusya kukiza akasenyende , ukuti nulufula lwa nyumba iyajele lukaneng'enena ,nakalinga imilyango yikiwuka umunthu wesi we akaba mujele imphingwi zikasatuka ²⁷ Bo uwakulindilila mujele anyamuka akagha imilyango yonsi yiwukite , akasenda ichipeni nukulonda ukwikoma chifukwa chakuti akinong'onagha ukuti bobakaba mujele basamalite . ²⁸ Loli u Pauli akitizya nizyu ikulu akati,''Utakikome chifukwa chakuti twebosi tulimo ²⁹ Uwakulindilila mujele akasenda inyale akasmala nukuya nayo mujele sona akatetemagha chifukwa akoghopagha akaya awa muvinama vya Pauli nu Silas, ³⁰ akabafumya kunzi sona akati ,''Mwebatata, imbombe izyachoni ukuti mphokiwe?'' ³¹ Bakati ,''Usubalile mwamwene Uyesu , poukupokiwa , uwe ninyumba yako yonsi .'' ³² Bakamubuzya amazyu agha Chala , poka nabanyumba yache . ³³ Pouwakulindilila mujele akabalilo kalanyene akabusiku , akabasuka ivilonda ,umwene na banyumba yache bakoziwa akabalilo kalanyene. ³⁴ Po akamusenda uPauli nu Silas akaya nabo munyumba yache abapa ichakulya , bakaghoboka hee abamunyumba yache , bo basula mwa chala. ³⁵ Bokwacha abalongi bakatuma kubakulindilila kujele bakamubuzya bakati, '' ubasatule abanalume abo ukuti babukenge.'' ³⁶ Uwakulindilila mjele akamubuzya uPauli akati.'' Abalongi batuma amazyu kukwane ukuti mubukenge . Pofuma kunzi sona mwende mumutende.'' ³⁷ Loli uPauli akababuzya akata ,''batumite pipumba lyabanthu batakatulonga , napapo tweba muloma munonyene . sona bakatusumbila mjele . pobakulonda ukuti batufumye umwakuvwama ? mubabuzye bize batufumye babo .'' ³⁸ Uwakulindilila mujele akababuzya amazgu agha abalongi ,bobivwa pakuti u Pauli nu Silas bakaba ba Roma, bakanda pakupasya. ³⁹ Abalongi bakiza nukumulambilizya kukwabo, sona bakabafumya mu Jere, nukubabuzya ukuti bafumemo mukaya kala. ⁴⁰ Po u Pawuli nu Sila bakafuma mu Jere sona bakaya mu nyumba ya Lidiya. Bo u Pawuli nu Sila babalinga abanyabo, bakabawomya nukufumamo mu kaya kala.