¹ Aha sha ramutura e ciramatera che anja-ni tovire, nikwa mwena muwiru kukuma ha nako ya koshorwa hakati. ² Mi ninda vona a mangiroyi e anja-ni-tovire niya zyimene havuso bwa Nyambe, mi niya hewa a mantorombita e anja - ni tovire. ³ Engiroyi limwi nilya kezya, eli kali kwesi a kasumikiro ke ensense ke gauda, noku zyimana ku arutare. Nilya hewa e insense e yingi yo kutuhura ne ntapero zava vachenete vonshe, ha arutare ye gauda eyi yina havuso vo ruvona. ⁴ Ovusi bwe insense ne ntapero zava vachenete niza yendera hantu honke okuzwa mu maazya engiroyi kukambama kuya havuso bwa Nyambe. ⁵ Engiroyi mpaho nilya hinda a kasumikiro ke insense, nilya kavumba o muliro wuzwa ha arutare, nokuka vukumina mwifasi, mi kokezya e milikitizo ye milinga, e mizuma, e mimuni yo kuvesa ko nvura ne nzikinyeho yefasi. ⁶ Cware a mangiroyi e anja-ni-tovire aa kaa kwesi a mantorombita e anja-ni-tovire okuki tukiseza okua shiva. ⁷ Engiroyi lye ntanzi nilya shiva entorombita yalyo, mi nikwa kezya o rubwe no muliro u jovene na maroha. Mi nikwa vukuminwa hanshi mwifasi okutiye ecibbema co vutatu nica yisiwa ne sozu eteke lyonshe nilya yisiwa. ⁸ Engiroyi lyavili nilya shiva e ntorombita yalyo, mi eci kachi fwana erundu enene, lyonshe neli bbukuka o muliro, nilya shoherwa muwate, e cibbema co vutatu ce wate nica zoka a maroha. ⁹ E cibbema co vutatu ce zivumbwantu zihara za muwate nizafwa, mi ecigugi co vutatu ce zisepe niza zyonawurwa. ¹⁰ Engiroyi lyo vutatu nilya shiva e ntorombita yalyo, mi entungwezi enene li munika mbwe taci, lyo kuwa ku mbimbiwiru kuwira ha cibbema co vutatu ca marwizyi naha wiru lya mapopayizi a menji. ¹¹ Ezina lyo rutungwezi ndi bururu.E cibbema co vutatu ca menji niya zoka shiya rura, no vungi bwa vantu vo kufwa ku meni aa shikaa rura. ¹² Engiroyi lyo vune lyoku shiva e ntorombita yalyo, mi e cibbema co vutatu ce zyuva nica damwa, nico vutatu co mwezi nico vutatu ce ntungwezi, o kutaye e zibbema zazo zo vutatu zive mu kansikwe. Cho vutatu ca kamwi kali shika china etuvo mani nica masiku vulyaho. ¹³ Shina aha kandi rwerete, ninda shuwa e nsika kayi hita vu wuruka hakti ke mbimbiwiru neyi shumpura ko kuwongoza ye: Mbushomani! mbushomani! mbushomani kwavo va zyakite mufasi kevaka lye mirumo ya mantorombita aa shake a shiviwa ku mangiroyi amwi o tatwe.