¹ Aha she tuliketera ye tu zuhire kwa Italy, bokubika paulusi na ba shuminwa bamwi mwi nketerelo yo mueteleli omukulwana ozyo a kuiwa Julius we nkalulo Ya Augustan Regiment. ² To kukwera muchi sepe echi kachizwa kwa Adramyttium echi kachiti yee chi yendere kumuro wa Asia. Cware to ku yenda kwi wate ,Aristarchus kuzwa kwa Thesslonica mwa Macedonia na yenda neswe. ³ Ezyuba lichilila toka hura ku muleneñi wa Sidoni, Oku nkoko Julias naka Babalela Paulusi hawa mi na muzuminina okuya kuba shere bakwe okuti yee aka wane e mpabalelo . ⁴ Kuzwa ho, tokuyenda kwi watee toka zuha noku zimburuka e chiwoli cha Cyprus echi chi bwikitwa ku ruho, kakuli o ruho kaluturwisa. ⁵ Aha tu zuha mumenji aa akoshora aha fwihi ne Cicilia ne Pamphylia, to kezya kwa Myra, Omuleneñi wa Lycia. ⁶ Oko omukurwana wa ma sole aku wana e chisepe echi kachizwa kwa Alexandria echi ka zuha okuya kwa Italy.Akutubika mo. ⁷ Aha shitwa zuhi kokuliketa kama zyuba mangi to ka hura kobukababu ha fwihi ne Cnidus, Oruho kali shikalutuziminina okuhita eyo njira, to kuzuha mweyiyo njira kaibwikitwa ku ruho kwi mbali ye oongo, mwi shilya nemwina, Salmone. ⁸ To ⁸ ku zuha kwi mbali ye wate kobu kababu hawa mbita aha tuhura ha chi baka chi kuiwa Fair Havens, echi china kwi mbali yo muleneñi wa Lasea. ⁹ Shitwa hindi e nako ndee, ne nako ya Bajuda yokuli nyima e zilyo sika i manite, shikakutiiza hawa kukuzuha. Mi Paulusi akuba kalimera, ¹⁰ mi aku ta ye, ''Bakwame, ndibwene me owu musipili she tuhinda mbowube we nkolofaro nokusinyeherwa hawa, hape kali bulyo e zituhindite ne chisepe bulyo kono no buharo bwetu. ¹¹ Mi omukuru wa masole ozyo azyi hawa ka tokomere hawa kumuetereli we chisepe no mwini wacho nokusiya ezi ka amba Paulusi. ¹² Kakuli he kamba kali kakuli kutore okukara ho e nako ye mpeho, obungi bwaba kaba zuha boku eleza yee ba zuhe okuzwa ho mi haiba ne kuworeseka baka hure ku Mureneñi wa Phoenix, okutee baka kare e nako ye ceho kuko. Phoenix nji kamba mwi oongo litonderere kwi mbaliyo buzwe. ¹³ O luho luzwa kubuzwe bwe zyuba aha rutanga oku hunga kanini, aba kaba zuha kaba hupura yee ba kwesi zonshe ezo ba shaka. Bokushumununa eli tare lirema hawa eli likwata echisepe mi bo okuzuha kwi mbali ye oongo ne kamba. ¹⁴ Kono ke nako fwihi akanyundwe o luho luzwa kubu zwe, lokutanga okuhunga hawa kudama luli hetu kuzwamushilya lye oongo. ¹⁵ E chisepe aha chiriwana na ka nyundwe e chisepe kali kachi wora okulitonderera na ka nyundwe. ¹⁶ Tokubutuka bulyaho naka nyundwe kokutukukisa, tokuyenda kobukababu mukabaka kanini kwi mbali ye oongo likuiwa Cauda ; kobukababu tokuwora oku haza o bwato bwa mahaliro. ¹⁷ Haha shibana nanuni, boku sebelisa e mihara noku shumina e chisepe okutee chisa fwi. Kaba tiite ye echisepe mbochi kakatire mwi sheke sheke lya Syrtis, bokuwisa ezizikwata e chisepe mwi wate okutee e chisepe chisa kukiswi ku kanyundwe kono bokukukiswa. ¹⁸ Ni twa damiwa hawa ku ka nyundwe Eli lizwa bokutanga oku shohera e zibya ezi kaba longete mwi wate. ¹⁹ Ke zyuba lyobutatu aba zuhi be chisepe bo kushoha e ziraho namaanja abo. ²⁰ E zyuba ne ntungwezi kaza tumuniki kama zyuba mangi mi a ka nyundwe kanene kena ho ka ndama hetu e nsepo yoku tuswa kali shika inako. ²¹ Aha shibana kali hawa nikwaazya e zilyo. Paulusi akuzyimana mukati kabo abo ka ba zuwa mi akuta yee,'' Bakwame ni mwanditeezi, kali nitwa ka zuwi okuzwa kwa Crete, okutee mani kube nezi nkorofaro noku shinyeherwa. ²² Hanu ndimi susueza okutee mugore, kaho kali kakube na mafu mukati kenu, kono e chisepe checho chifwe. ²³ Kakuli masiku anamani e ñiloyi lya Nyambe oku ndiwira ozyu hape ndirapera-E ñiroyi lyakwe lyakuzyimene he mbali yangu ²⁴ lyokuta yee, washa tiii, Paulusi. oswanera kazyimana ha buso bwa Ceasar, noku ta yee o bone, O Nfumu muchishemo cha kwe na kuhi na ba bonshe aba ba yenda newe. ²⁵ Cware, bakwame mugore, kakuli eme ndisepete Nyambe, okutee mbochi tendahare bulyaho niza ambiwa kwangu. ²⁶ Kono mbotu ka yaye e chisepe kwi oongo limwi. ²⁷ Kezyuba lye kumi ni to nee aho shekuba masiku, aha nitwa timbirwa kukunu mi mwi wate lya Adriatic, hakati ka masiku aba kaba zuha boku hupula yee shiba hura kwi kamba. ²⁸ Bokuhinda ezisebeliso ezi zi sebeza kukuwana yee mbuti kuzungite bo kuwana yee kuzungihite kama kumi obire mi aha ba kara kara bokuwana yee she kumi nitwe yanja. ²⁹ Shikaba tiite ye mbuba chaise he chweee bokuwisa ama kwatiro echisepe o nee kuma shara acho nokurapera ye nali lihwere lizwe. ³⁰ Aba zuhi kaba shaka e njira yokusiya e chi sepe mi shika ba bikite amato ama halilo mwi wate, nokuyerekeza yee bana zibiki kubuso bwe chisepe yee ba fuwika. ³¹ Kono Paulusi akuamba ku mukuru we chi sore na ma sore , mbita haiba aba bakwame mbuba kare muchisepe kali ko hazwe. ³² Mi ama sole bokukoshaura e mihara ku mato noku siya a mato ye a kukee. ³³ Aha selizwa e zyuba, Paulusi aku ba shikashika ye ba hinde e zilyo. aku cho yee, Eli zyuba lye kumi nito neee nje zyuba shimwalindili nikwaazya echo mulya. ³⁴ Cware ndimi kumbira muhinde e zilyo kakuli mbo buharo bweenu. kono kwaazya na nga olushuki lonke kaluzyobe kwenu.'' ³⁵ Aha mana kuamba ezii, akuhinda e nkoko akuli tumera kwa Nyambe habuso bwa bantu bonshee. Mi akuchamuna e nkoko no kulya. ³⁶ Mi bonshe kaba susuwezwe nabo boku hinda e zilyo. ³⁷ Mi katuli bantu bali 276 muchisepe, ³⁸ Aha sibamana, okulya boku shohera mwiwate obuloto okutee e chisepe chi hube. ³⁹ Aha shekuba kamwi, kali niba lemuha ye shibana huli he buu,bo ku bona he kamba bokukandeka yee haiba ba wora oku zuhila ko noka hura koo. ⁴⁰ Cware boku koshaula e mihara eeyi ikwata echisepe nokuisiya mwi wate. Mi ke nakoiswana boku shumununa e mihara eyii ikwata e chisepe boku nanuna ne sila eli liyendesa echi sepe cware bokuya kwi kamba kuchibakan echi china menji noku noku. ⁴¹ Bokezya hachibaka aha kakukopanera e zibuba zo bire mi e chisepe chokuya mwibuu. mi omutwi we chisepe okukakatira mo mwibuu nokusiyara mo neu sanyanganyi mi kumashara e chisepe okutanga okuchoka kebaka lya mandinda; kaaa kalihite. ⁴² Omurero wa masore kauli okuyaya aba kwatiwa okutee kwaazya ozyo a shambe noku lendera . ⁴³ Kono ozyu mukurwana wa masole kashaka okutusa Paulusi, Aku zyimika o murero wa bo, mi akuraela aba kaba wora okushamba yee ba shambe ye ba shotoke ba zwe muchisepe bayende aha hazyumite. ⁴⁴ Cware bantu bonshe ba chilile, bamwi hama pulanga bamwi hazimwi ezi kazizwa kuchisepe. Ka bulyaho twense to ka hura nikwaazya chimwi hanshi.