¹ Haho, Festus aku kabira mwi chikiriti, aho kuhita mazyuba o tatwe, nakaya kuzwa mwa Caesarea kahura kwa Jerusarema. ² O mupurisita mukuru no Mujuda a sepahara aku reta enyanso hewiru lya Paulusi nikwa Festus mi boku amba bugorete kwa Festus. ³ Mi boku kumbira Festus e nfuyauzi kuamana ne Paulusi, okutiye namu mu kuwire kwa Jerusarema okutiye naba muyaye munjira. ⁴ Kono Festus akutaba ye Paulusi kali mushuminwa mwa Caesarea, mi ye yemwini nanga naku boora ko. ⁵ ''Kabulyaho, abo bawora, ''aku amba, ''ba botere kuyenda neswe kwina. Heba kwina o bubbi ku mukwame , mu munyanse.'' ⁶ Aho shana kali mazyuba e enja niwo tatwe kapa ekumi, nakaya kwa Caesarea. Mi mwizyuba lichilira, aku kara mu chuuna che nkaturo noku ambira Paulusi oku mureta kwakwe. ⁷ Aho shahura, a Bajuda bazwa kwa Jerusarema kaba zyimene hafwihi, boku reta e mirandu minene eyo kali kaikwina. ⁸ Paulusi akuli ambilira yemwini mi akuta ye, ''Kwaazya echo ninda fosa kuamana no murawo wa Bajuda kapa kuamana ne tempere kapa kuamana ne Caesar.'' ⁹ Kono Festus kashaka kuwana enfuyauzi kuba Bajuda, mi aku taba Paulusi mi akuta, '' Nga oshaka kuya kwa Jerusarema noku aturwa kwangu kuamana nezi zintu kwina?'' ¹⁰ Paulusi akuta, ''Ndizyimana habuso bwe chuuna che nkaturo ca Caesar aho ndibotere oku atwirwa. Kakuli kali nda foseza yenshe Mujuda, shina omo muzyivire mwenshe. ¹¹ Nanga kali ninda fosa mi ati ninda tenda echo chi botere o rufu, ndaazya kukana o kufwa. Mi ati enyanso zabo kwaazya, kwaazya ozyo shake nandi tambike kwabo. Ndikuwa Caesar.'' ¹² Aho shamana kuamba Festus naba shinkuta, akutaba, ''Niwa kuwa kwa Caesar; nora yenda kwa Caesar.'' ¹³ Aho shekuhita mazyuba, Nfumu Agrippa ne Bernice aku hura ha Caesarea ke mpoto isepahara kwa Festus. ¹⁴ Aho shanakali mazyuba mangi, Festus akutwara entaba ya Paulusi ku nfumu; akuta, ''O mukwame nasiyara kurushara haho kwa Felix nali mushuminwa. ¹⁵ Aho kandina mwa Jerusarema, o mupurisita mukuru na bakuru ba Majuda niba reta o kunyanswa hozyu mukwame kwangu, mi niba kumbira ye ndi munyanse. ¹⁶ Kwezi ninda taba ye kali nchizo ku Baroma okuha o mukwame ye ibe infuyauzi; kono, ozyu mukwame a nyanswa abotere okuwana echibaka choku litonderera nabo bamu nyansa mi nokutiye ali tabilire kezi bamu nyansa kazo. ¹⁷ Kabulyaho, aho bakezya hatuhonke hanu, kali ninda lindira, kono lizwa ninda kara muchuuna ce nkaturo mi ndoku raera ye o mukwame aretwa mukati. ¹⁸ Cware aho bamunyansa shibana zyimani noku munyansa, ndoku azyara ye kwaazya ezo bamu nyansa kazo kali nzo vutokawa. ¹⁹ Kono kaba kwesi bulyo enkani kuamana nizo burumeli vwavo nokuamana nozyu Jeso zyo nafwa, ozyo Paulusi ata ye ahara. ²⁰ Ninda lyangana omo ndi shakisise eyi ntaba, mi ninda mubuza ati awora kuya kwa Jerusarema aku atwirweko kezi zintu. ²¹ Cware aho Paulus shakuwa oku bikiwa mwi mpabarero okutiye emperor a hinde muhato, ndoku amba ye abikiwe mbita shaka nandi mutumine kwa Caesar.'' ²² Agrippa aku amba kwa Fetus, ''Ndishaka neme kuteeza kozyo mukwame.'' ''Zyona,'' Festus akuta, ''Nora mushuwa.'' ²³ Cware ezyuba lichilira, Agrippa ne Bernice nakezya manzano manene; bokezya mwi mu muzyako woku shanganina na masore naba bantu basepahara bo mureneñi. Mi aho Festus sha amba koku raera, Paulusi naretwa kwabo. ²⁴ Festus akuta, ''Nfumu Agrippa, mi enwe menshe bantu mukere neswe hanu, mubwene ozyu muntu; chonshe chinalyanga cha Bajuda niba amba neme mwa Jerusarema mi nokunu hape, mi kaba jangaza hangu ye kabotere kuhara hape. ²⁵ Ndazyibi kwaazya naatenda chi botere ye nafwe; kono shina aho kumbili kuaturwa kwa emperor, ndaboni ye ndimu tumine kwakwe. ²⁶ Kono ndaazya echine echo ndiñore kwa emperor. Kebaka lyi, ndamu reti kwenu, sihuru kwako, Nfumu Agrippa, okuti ye ndiwane zingi zoku ñora kuamana neyi ntaba. ²⁷ Kakuli kubonahara kusha shuwahara kwangu ku tumina o mushuminwa mi kwaazya ku amba ezo nafosa.''