¹ Tulekor,tuk weswes, nafte kin i leg go iwi. Iwi nag tuk tae nag akit telekor me tuk tae nag telekor gakit me ito Elagsau. ² sermal tuk to lot nen namroan gakit ke tap tarup mau,me tuk le pak elag go tuk to psawi kin. ³ Tuk to lot naor keskei sermal, nen Atua kefo pelgat nmet raki nafsan nen tu fes til nawesien nig Yesu Kristo.Atil nafsan nen nlaken malfanen kineu ato nasum malik. ⁴ Me amurin nag ko lot nen kinew me kafo tae til nafsan nen ke Malmal. ⁵ Ko siwer skot Nametmatuan nen ko pestaf tenen ru to nmalko negar me ruk sel tae. ⁶ Nafsan gag sermal ke fi nafsan nen i pur ki Nanromien,go i maomao,selwan natagmol ruk nrogo go ipi atlak nfauswen, me ku pi atlak nafsan wi pa tua kin nen nega me kefo nrog wi kin. ⁷ Tenmatun nen ku mur pa faus ki kinew kin,Natamol nen nagien Tikikas,kefo tae pregi ke malmal pak mus. Ga me ipo bi paluk wi nen ito welu kineu Nawesien nig Yesu Kristo. ⁸ Ito welu kineu ipi nlaken a tpolua inet nen ke welu mus nen kin akam me ko tae nawesien nen komam ra to weswes kin ,nen ke tae welu nap mus. ⁹ Me a tpolua skot Onesimas nen ga me ipo pi paluk wi go ga me ipo skot mus. Go negar kin rukfo nrik mus ki nafte,nen kin i pakor ki mam ¹⁰ Aristakas ga me ipo tok nasum malik skot kinew.Ga me ipo skot mus go mak nen ipi pal Barnapas amur ka tli teflan ifuel imai pakor kik a frak pa fatlasi. ¹¹ Me amer murin til Yesu nen nagien karu ipi Jastas nega me imurin patlas mus go komam utol kin uto siwer naor iskei,nen ko til usus Nlaun nig Atua,Apap elag. ¹² Epafras me ipo mur. Nega iskot mus go ga me ibo pi te weswes nig Yesu Kristo. ¹³ Kinew a tae nag ga me ipo weswes top raki mus nen kin uto Lautosia go tenen ruto Hierapolis. ¹⁴ Luk nen kin ku nromi itop go Demas, ngar me ra po murin patlas mus. ¹⁵ Ramurin patlas mus pal mam nen uto Laotosia go nmatu nen Nimfa, go nasumtap nen itok emrom nasum nega. ¹⁶ Malen ufe natus nen su ato paus ki nen ko mer tu nasumtap nig Laotosia nen ruk mer fea, go ser natamol nig Laotosia. ¹⁷ Go pa nrik Akipas ki nen ke fan papnot nawesien nen Atua i nrikin ki nag ke fan weswes kin tkal nametpagon. ¹⁸ Nafsan nen kin atli, i skot kinew, go ito naruk. Ko mro perkat wow ato nasum malik , go nmarit kerkrai nen ru mot wow kin, go amurin tli iteflan nag nafsawian, ke skot mus.