¹ Akam Atua i preg akam umer gmol nmaten nrakeskei skot Yesu Kristo.Akam ko lekor nafet sernale nen ru to elag, naor nen Yesu Kristo i tok toktan nanre matu nig Atua. ² Akam ko mro ki sernale nen ru to elang ngo nafet sernale nen ruto emermen nen. ³ Laken i taos akam upe matsu, akam upe skot Yesu Kristo. ⁴ Malen Yesu Kristo kemai, go akam me kofo mai skot namolien nega, akam me kofo mai pakor elagsau. ⁵ Akam komai pak naor keskei go ko fregi nen ko tpog nafolflonsa ni emermen nen, tenen nafet sup nen natamol rutok pregi isa skot nafet nmatu go nafet nmatu rutok pregi ki nafet nanwei, ruto preg nafet sernale nen itok pregi tuto malier. Nafet nanwei ru to mur nafet nmatu, go nafet nmatu ru to mur nafet nanwei, go gar ru to preg tapar, go rumur silu sernale taos ruto lot ki nafet Atua potae. ⁶ Nlaken nafet sup teflan, Atua kefo pestaf natamol nen rukano takinrog kin, go kefo tuer suptap. Tetwei ⁷ nafet sernale nen rupi telekor akam. Akam uto preg nafet sup nen. ⁸ Me malfane akam ko fregi nen ko tpog lu nafet sernale nen rukfak emae ki namolien. ⁹ Akam kofo mer ta Sursur tepotae mau laken akam u pe mal ki namolien twei gamus su. ¹⁰ Ngo akam kofus Namolien faum nen akam ku mer wi taos ngal gamus,Atua gmas ipi nlaken. ¹¹ Namrun nen tete runa kinew api mak ni Israel,go tete runa kineu atapi mark ni Israel mau.Tete ru Sekomsaes go tete ru ta sekomsaes mau,tete ru Faitau go tete ruta feitao wi mau,tete rupi natamol ni namlas go tete rutap bi natamol weswes top go tete rupi natamol nen ru pi atlak Namolien faum nen Yesu Kristo iprig silu sernale emrom namolien negakit su. ¹² Atua kipe Mtalu mus su,akam u tap,akam upi natamol ni Atua.Nga imur akam, akam ko tpog pilak nanromien gamus.Akam ko tpong prig wi ki natamol tmat.Namroan ga mus ke tpog pram. ¹³ Akam ko tpog welu akam go ifuel nat ipilak namroan takelkel toklos natamol karu,gar rak tpog sraletu gar taosi kin telekor gakit ito seraletu takpar negakit. ¹⁴ Go sernale nen,akam ko tpog mur natamol laken i tae preg silu sernale rumai pi iskei. ¹⁵ Akam ko tpog tao tmat nen Yesu Kristo ito tu putsok nakp mus, go Atua i sos akam, go ito pus akam taos namolien ni namol natamol iskei mas,go sermal akam ko tpog psawi ki Atua. ¹⁶ Akam ko tpog tao nafsan nen ni Yesu Kristo nen i pakor wi ki nafet sernale wi lap ru to sermal to namroan gamus ,sermal akam ko tpog tafnao akam ki nafsan nen i metmatu nen ke te pei ki napu ki akam,go akam uto lag pak Atua go totur nap mus i tok psawi ki Atua. ¹⁷ Silu sernale nen akam u pregi go nen nafsan ne akam u tli,me akam ko tpog prigi nagi Yesu Telekor gakit go ko Psawi ki Atua nen ipi Apap gait . ¹⁸ Akam nafet nmatu akam ko tpog takinrog ki nafet nanwei gamus,ileg mas nen ko mtir lu akam ko takinrog telekor. ¹⁹ Go akam nafet nanwei nen upe lak,akam ko tpog mur nafet nmatu gamus,akam ko ta prig kekerkrai kirt mao,sermal akam ko tpog prig wi kir. ²⁰ nafet tesa akam ko tpog takinrog nafet tem mus go rait mus,sup teflan i prig telekor gakit i semsem akam. ²¹ Nafet Apap ko Yak,akam ta prig nafet sernale nen i prig nafet tesa gamus ru met Ifuel akam u prig teflan namroan gar ke mgel. ²² Namer wewes top sermal ko tpog nakinrog akam nen gar nen ru pi telekor gamus,namolien ni emermen.Go akam ko ta prig ke takinrog akam mao,malen ruto mag akam, tena i taosi kin akam uto prig natamol nen ru semsem akam,akam ko tpog weswes skot nap wi go ko Mtak ki Telekor. ²³ Sef nawesien nen akam u prigi,me akam ko tpon ki nap wi gamus taosi kin uto ni Telekor weswes,akam ko ta prig nawesien ni natamol mas mao. ²⁴ Iwi akam ko tae na telekor gakit kefo to pakot akam kin,tenen nafet sarnale ne ipe psi ito reki nafet natamol ga.Telekor wi nen uto ga weswes ipi Yesu kristo mas. ²⁵ Me natamol nen ito prigi ita leg mao ga kefo kraksok Nfakotwen leg mao,laken Atua ito prigi Iwi ki nafet natmol.