Sula 24
1
Yesu nakafosa mwenyumba nkulu ya chohile nakwita zakwe wanampina wakwe nawambasa chani wamlagise mazengo yenyumba.
2
Mna awahitule nakuwagamba vino hamkuona izimbuli zino zose? Chindedi nawagambila hahana yuwe nedisigale mlanga mwetuhu ambadyo hadikandulwe.
3
Naho eze ekale mwe ulugulul lwe mizeituni wanampina wakwe wambasa kwa chinyele nakugamba chigambile mbuli zino nazilaile ini? Chintu chani nachitende chilagiso choukwiza kwako no udumo we isi?
4
Yesu ahitula nakugamba msinyise kugamba asekwiza mntu kuwadanta.
5
Kwaviya walozize naweze mwe zina dyangu wagamba miye nuyo kulisito na wawadante walozize.
6
Namwive nkumbizi na mbuli ya nkumbizi mkaule mnasekutenda mkatiswa kwaviya mbuli zino lazima zilaile mna udya udumo nahaunati.
7
Kwavia isi nainuke na isi ntuhu no useuta na useuta nakutende na gumbo singisiko dya hasi hantu na hantu.
8
Mna izimbuli zino zose ni nkongodu wa usungu wakwefungula.
9
Nivyo nawawalavye vya masulumizo na kuwakoma namwihiwe ne isi yose mwe via vye idizina dyangu.
10
Nivyo walozize nawakobadike nawaihiane wenye kwa wenye.
11
Wawoni walozize walulimi nawalaile na kuwadanta walozize.
12
Kwaviya uwavu naujenyele ungi wa walozize nauhole.
13
Mna yudya naujijimize hata udumo nambulwe.
14
Ino imbuli yo useuta nailongwe mwe yose enga ukuzi mwe isi zose naho udya udumo naubule.
15
Mweivyo mnezakuona maihizo ya ubanasi ulongigwe ni muon danieli dichimala hantu hakukile akusoma na amanye
16
Nivyo weyuko yuda wagulukile kolugulu.
17
Na yudya eyuko kulanga mwe msomo wa nyumba asekudaha kusela hasi kuguha chintu chochose kulawa mdani mwakwe.
18
Uyo eyuko kwenkonde asekuya kuguha suche yakwe.
19
Mna nkondo yao wanawana wadodo na wadya ambao wonkeza mwa mazuwa ayo.
20
Lombezani kugamba kuguluka kwenyu kusekutenda ichipindi cha mpeho naho zuwa dya sabato.
21
Kwaviya nakutende na nkung'unto nkulu idya heinati kulaila kukongela ukumbwa kwe isi hata haluse na naho hailaile naho
22
Enga mazuwa ayo heyahungigwe nehehana endile agomboke mna mwe via wadya wasagulwe mazuwa ayo nayahunguzwe.
23
Naho uneva mntu yoyose anawagambila kaula kulisito ehano au naho ekudya msekuzumila ulosi uo.
24
Kwaviy amakulisito ya udanti na waoni waudanti na weze na kuwaonyesha mpituko nkulu zikwehela kwaviya vyo udanti hegu navikadahika hata na wasagulwe.
25
Kaulani silonga kuwagambilani heyanati kulaila.
26
Kwaivyo uneva wana wagambilani kulisito ekwenyika msekwita uko kwenyika au kaulani emdani mwe nyumba msekuzumila ulosi uo.
27
Enga viya mbaula ikumulika kulaila mashaliki na kung'aza mpaka mangalibi nivy navitendeke kwiza kwe mwana wa adamu.
28
Hohose hana chibudu uko nuko wadege wakudugana
29
Mna aho hanajinka ukukunta kukulu vya mazuwa yadya zuwa nadijelwe chiza mnenge haulavye ulangazi wakwe ntondo nazilagale kulawa kulanga naho nguvu youlanga nazisingisike.
30
Nivyo mpituko ya mwana ywa adamu naionekane kulanga na amakabila yose ye izisi nawaile na wamuone mwana ywa adamu akeza mwe amaingu ya kulanga mwe nguvu na ukuka mkulu.
31
Na wasigile wandima wakwe kwa izwi kulu dya gunda nao nawawachisanye hamwenga wasagulwe wakwe kulawa ndendele nne zeisi kulawa udumo umwenga wo ulanga kwita mtuhu.
32
Mhine somo kulawa mwe mti mtini ahodu tambi dikasuka na kulavya mani mmanya kugamba chipindi cha zuwa chihaguhi.
33
Ivyo naho mnezakuona mbuli zino zose mongigwa mmanye kugamba ehaguhi ne izinyivi.
34
Chindedi nawagambila cheleko chino hachijinke mpaka mbuli zose zino nayatende yalaila.
35
Ulanga ne isi navijinke mna ulosi wangu haujinke mazuwa yose.
36
Mna idizuwa idyo neisa hahana mntu amanyize na wazumbe wo ulanga hata mwana mna Tati yakwe ichedu.
37
Enga viya mwa zuwa dya nuhu nivyo navitende kwaviya kwa mwana ywa adamu.
38
Kwaviya mwamazuwa ayo heinati vye igalika wantu nendile wakadya na kunywa wakasola na kusolwa mpaka idizuwa diya ambadyo nuhu engilaga mwe ngalawa.
39
Naho hawamanyize chintu chochose mpaka igalika izeize niyo yawaguha wose nivyo navitende kwiza kwa mwana ywa adamu.
40
Nivyo wantu waidi nawatende kwenkonde hamwernga na aguhigwe yumwenga aswa kunyuma.
41
Wavyele waidi nawatende wabunda hamwenga yumwenga na aguhigwe na yumwenga aswa.
42
Kwaiyo tendani kwaviya hammanyize ni zuwa dihi ambadyo neze Zumbe ywenu.
43
Mna mmanye kugamba uneva Zumbe umwenye inyumba amanyize ni sanyingahi ambayo mbavi neze naakacheleza naho asekulekela inyumba yakwe kubalangwa.
44
Ivyo naho mongigwa mwemalanye mwajike kwaviya mwana ywa adamu neze mwe saa hemwimanyize.
45
Nivyo niyani atendile ywedi mndima mta fanyanyi chani Zumbe ywakwe kamwinka ulongozi mwe wadya we inyumba yakwe chani awenke nkande mwe chipindi chikufaha?
46
Ajimbikwe mndima uyo ambae Zumbe wakwe na ambwile akadamanya ivyo aho akwizila.
47
Chindedi nawangambila kugamba Zumbe namwinke mlanga mwe chila chintu chili chakwe.
48
Mna enga mndima mwavu anagomba mo muye wakwe Zumbe wangu ak
49
Naho akakonga kuwatowa wandima wakwe adya na kukolwa vikukola.
50
Zumbe wakwe uyo neze mwe zuwa ambadyo hedimanyike na mwesa ambayo haimanyike.
51
Zumbe wakwe na amsenge vipande vidi na kumwinka mwe hantu hamwenga haligane na wasongaganyi ambako nakutende na ndilo na kusiginta meno