Sula 23
1
Nyumani nakalonga ne dibunga dya wantu na wanampina wakwe agamba,
2
Wadolonya na Mafalisayo wekaila chiti cha Musa.
3
Ivyo chochose wakuwagambila kudamanya, damanyani kuno mkawazuguza mna mnase kutimila ntendwa zawo kwaviya wawo walonga mbuli hewekuzidamanya.
4
Ni chidedi wawo wafunga mizigo izamile ambayo ni vidala kuinula akaheza welaka wantu mwamayega yawo, mna wowo wenye hawakusogeza hata kwa kadole kuwinula.
5
Ntendwa zawo zo wazitenda chani wakaule ni wantu kwaviya wowo wapanula masanduku yawo na kongeza ukulu wa misilimbi ye izisuche zawo.
6
Wawo waungisa kwikala hantu ha chigoli mwe chinyemi na mwe viti vya kutunywa mndani mwe nyumba ye divikulo.
7
Na kulamswa kwa kutunywa mwe digwilo na kwitangwa wahinyi wa wantu.
8
Mna nyuwe hamkungwa kwitangwa wahinyi kwaviya mnanaye mhinyi yumwenga na naho nyuwe wose ni walukolo.
9
Msekumwitanga mntu yoyose hano he isi kutenda tate wenyu kwaviya mnanaye tate yumwenga du naye ekwembingu.
10
Aho usekwiza kwitangwa wahinyi kwaviya mnanaye mhinyi yumwenga du kugamba Kulisito.
11
Mna eli mkulu mgati mwenyu natende mndima ywenyu.
12
Yoyose akwinula naaselezwe na yoyose akweseleza naenulwe.
13
Mna nauvimanye weye wadolonya na Mafalisayo wasongaganyi mwawavugaila wantu useuta wa kwembingu naho nyuwe hamkudaha kwingila hamkuwalekeila wakwingila kutenda ivyo.
14
15
Namvimanye wadolonya na Mafalisayo wasongaganyi mwajinka mwe bahali n kubula kumtenda mntu yumwenga azumile yadya ukuyahinya naho akatenda saviya nyuwe mwamtenda nkana mbili mwana ywa kwedibome hedina uhelo saviya nyuwe wenye ivyo mwili.
16
Naho namvimanye Namluwone vilongozi hemkuwona nyuwe mkulonga yoyose akwelisa kwa nyumba nkulu ya Chohile siyo chintu mna kwelisa kwa zahabu ya nyumba nkulu ya Chohile kafungwa na cheliso chakwe.
17
Nyuwe matuntu wahezi ni chihi chikulu kusinda chituhu zahabu hegu nyumba nkulu ya vikilo ivyo ikiye ukukile zahabu kwa Chohile.
18
Naho yoyose akwelisa kwa zahabu siyo chintu mna akwelisa kwa jeleko imlanga mwakwe kefenya kwa cheliso chakwe.
19
Nyuwe wantu matuntu chihi ni chikulu kusinda chituhu sadaka hegu zahabu viya vyaika kukuka jeleko dikulavigwa kwa Chohile?
20
Kwaviya yeye akwelisa kwa zahabu elisa kwa ivyo na kwa vintu vyose vimlanga mwakwe.
21
Nauyo akwelisa kwa nyumba nkulu, elisa kwa idyo na kwa yeye akwikala mndani mwakwe.
22
Na yeye akwelisa kwembingu elisa kwa chiti cha kale cha Chohile na kwa uyo akwila mlanga mwakwe.
23
Namluwone nyuwe wadolonya na Mafalisayo wasongaganyi, kwaviya mwaliha mlongo kwa bizali vitago na mchicha mna mwaleka mbuli izamile ya sigilizi na wedi, mbazi, na uzumizi, mna yano mwaungwa kutenda myadamanya naho siwo kuleka amatuhu bila kuyajesa.
24
Nyuwe vilongozi matuntu nyuwe ambawo mwafilihiza kadudu kadodo mna mwamela ngamiya.
25
Namluwone wadolonyi na Mafalisayo, wasongaganyi, kwaviya mwelengusa kuse iviya mna mndani mmema uhoki na kwevutila.
26
Nyuwe Mafalisayo matuntu kwelenguseni nkongo mndani mwe viya na mndani mwe vihungu chani upande wa kuse nawo utende wedi.
27
Namluwone Mafalisayo na wadolonyi, wasongaganyi kwaviya mligana na mbila zihakigwe chokaa ambazo kwa kweise zawonekana ni ntana mna kwa mndani zimema mavuha ya wabanike na chila chintu chizavu.
28
Seivyo nyuwe kweise mwasinyika wata wedi kulongozi kwa wantu mna mndani mmema usongsgsnyi ns mssa.
29
Namluwone wadolonyi na Mafalisayo, wasongaganyo kwaviya mwazenga mbila ya waoni na kuika utanda mbila ya wata wedi.
30
Nyuwe mwagamba hegu chekalaga, mazuwa ya tate zetu hachendile chehanga hamwenga nawo kwitila sakame za waoni.
31
Kwaviya mweukuila mwenye kugamba nyuwe ni wana wa wawo wawakomile waoni.
32
Naho nyuwe makomeleza kumemeza hantu hakuwagila masa ya tati zenyu.
33
Nyuwe nyoka wana wa mazoka kwa sila yani namyenege nkanto ya bome hedine uhelo?
34
Kwaviya kaula nawasigila kwenyu waoni, wantu wenye ntunyo na wadolonya, wamwenga namuwakome na kuwasulumiza naho watuhu namwahute mndani mwe nyumba ye divikilo dyenyu na kuwagulusa kulawa mzi umwenga kubula mzi mtuhu.
35
Malailo ni kugamba mlanga mwenyu namlaile sakame zose za wenye kuwagila zitilwe mwe isi kukongela sakame ya Habili mta kuwagila kubula sakame ya Zakaliya mwana ywa Balikiya yudya mumkomile mgati mwa hakukile ne ikilinge.
36
Chindedi nawagambilani, buli zino zose nazipate cheleko chenyu.
37
Yelusalemi, Yelusalemi weye ukuwakoma waoni na kuwahuta mayuwe wadya wambawo watumwa kwako! Ni nkanana nyingahi sunga mwechisanye wana wako hamwenga saviya nguku ikuchisanya wanawe kwakwe hasi ha mawawa yakwe mna hauvyungile.
38
Kaula nyumba yako naisigale uchiwa.
39
Nami nakugambila kukongela haluse na kujendeleza hamniwone kubula aho namulonge kajimbikwa yeye akwiza kwa zina dya Zumbe.”’