Sula 18
1
Chipindi icho icho wanampina weza kwa Yesu na kumgambila Ni yuhi ekale mkulu mo useuta wa kwembingu?
2
Yesu niy amwitanga mwana mdodo amwika hagati gati hawe.
3
Na kulonga, chindedi nawagambilani hegu namkeila na kutenda wana wadodo hamdahe kwingila mo useuta wa Chohile.
4
Ivyo yoyose akweseleza saviya mwana mdodo mntu sa uyo ni mkulu mo useuta wa kwembingu.
5
Naho yoyose akumhokela mwana mdodo kwazina dyangu anihokela miye.
6
Mna yoyose akuhosa uymwenga hagati hawadodo wano wakunizumila naitende ni vyedi kwa mntu uyo yuwe kulu dykusagila nadifungwe mwe singo yakwe na kujelwa hatali mwe ibahali.
7
Nailuwone isi kwaviya chipindi cha kulumizwa kwaviya vyaungwa kwa chipindi icho kwiza, mna naluwone kwa mntu yudya chipindi icho nachize kwachausa chakwe!
8
Hegu mkono wako hegu chiga chako chikakuhosa kwihiwa ukate hegu uudule hale na weye. Nivedi vitendese kwako weye kwingila mo ujima ukatenda huna mkono hegu chilema kukaleka kudulwa ko moto mazuwa yose ukatenda n miono yose hegu viga vyose.
9
Hegu ziso dyako dikudamanyiza yehiye ding'ole na udidule hale na weye ni vitana vitendese kwako weye wingile mo ujima na ziso dimwenga kuliko kudulwa mo moto wa mazuwa yose ukatenda na meso maidi.
10
Kaulani kugamba mnasekmbela yumwenga ywa wadodo wano kwaviya nawagambilani kugamba kwembingu wandima wake mazuwa yose waukaula uso wa Tate wa kwe mbingu
11
12
Mwafanyanya mbwani? Uneva mntu ana magoto gana dimwenga na yumwenga ywawo kaga, Togola hawase tisini na chenda ko lugulu na kwita kumlonda yumwenga agile.
13
Naho akaheza kumpata chindedi amwelela kujinka wadya tisini na chenda hewagile.
14
Ivyo, ivyo hana mbwedo Tati yenyu ywa kwembingu kutenda yumwenga ywa wadodo wano kwaga.
15
Saviya mlukolo ywako akakubalanga hita ukamhaze ikasolo iyo iyaho, hagati hako na yeye akatenda echedu kwakwe, uneva anakwetegeleza nautende kuuvuza mlukolo ywako.
16
Mna hegu hakukutegeleza mguhe mlukolo ywako yumwenga hegu waidi kongezekela hamwenga na weye kwaviya kwemilomo ya ukuzi wa waidi hegu watatu chila ulosi na udahe kukauliswa.
17
Naho hegu akabela kuwategeleza, digambile idivikilo imbuli iyo, uneva anabele ivyo ivyo kuditegeleza idivikilo ivyo natende mntu ywa si na mtoka maliho.
18
Chindedi nawaambileni chochose chiya mkunga mchivugaile mwe isi na kwembingu chivugalwa na chochose mkuvukala mwe isi na kwembingu chivugalwa.
19
Naho nawagambilani kugamba hegu wantu waidi hagati hegu wakevana kulanga kwe mbuli yoyose mwe isi wakalombeza idyo tate ywangu ywa kwembingu nadidamanye.
20
Kwaviya waidi hegu watatu wakadugana hamwenga kwa zina dyangu miye niyaho hagati gati hawe.
21
Naho Petulo keza nakumgambila Yesu, Zumbe ni nkana nyingahi mlukolo ywangu akanibalanga miye nimlekeile? Hata nkanana mfungate?
22
Yesu awagambila sikukugamba nkanana mfungate, mna hata milongo mfungate nkanana mfungate.
23
Kwaviya useuta wa kwembingu uligana na useuta wa hantu nendile akaunga aliganye uwaza kulawa kwa watumwa wakwe.
24
Eze akonge kuliganya uwazwa mtumwa yumwenga niyo kaletwa kwakwe ambaye nendile amdai talata elufu kumi.
25
Kwaviya hakuna sila ya kuliha Zumbe ywakwe niyo asigila atagwe mvyele ywakwe hamwenga na wanawe na chila chintu atendile anancho na maliho yatendeke.
26
Ivyo mtumwa niyo kafika madi kulongozi kwakwe akalonga zumbe utende na ujijimizi hamwenga na miye naulihe chila chintu.
27
Ivyo zumbe ywa yudya mtumwa kwaviya na kasindikwa vidala ni mbazi niyo kamlekeila na kumlekeila ideni idyo.
28
Mna mtumwa yudya niyo afosa na kupata yumwenga mgati ya watumwa weyewe, yudya nendile akadaiwa dinali imwenga mgati mwa watumwa weyewe, yudya nendile akamdai dinali miya, niyo amvuta niyo amjela limelo na kumgmbila niliha chiasi kukudai.
29
Mna yudya umtumwa mnyawe niyo kagwa na kumlombeza vidala akalonga utende na ujijmizi miye nahulihe
30
Mna mtumwa yudya ywa nkongo nakalemela badala yakwe niyo aita na kumdula kwedijela kubula aho na mlihe chiya akumdai.
31
Naho eze awone watumwa weyawe chiya chiwalaile niyo walumila vidala weza na kumgambila zumbe dyawo chiya chiwalaile.
32
Ivyo yudya zumbe ywo mtumwa yudya amwitanga na kumgambila weye mtumwa mwavu nasikulekeila weye deni dyangu dyose kwaviya nakulombeza vidala.
33
Togola hamkungwa kutenda na mbazi kwa watumwa wenyu saviya miye viya hufile mbazi weye?
34
Zumbe ywakwe niyo kehiwa na kumwinka kwa yudya wakusulumiza kubula aho nalihe chiyasi chose nakadaiwa.
35
Ivyo nivyo Tate ywenyu ywa kwembingu ahoakunga awadamanyize saviya chila yumwenga ywenyu hamlekeile mlukolo ywakwe kulawa mwe imyuye yenyu.