Sula 17
1
Mazuwa mtandatu badae Yesu niy kawaguha hamwenga naye Petulo na Yakobo na Yohana mlukolo ywakwe na kuwaguha kubula kulanga ko lugulu mtali wowo wenye
2
Kahituila kulongozi kwawo uso wakwe ung'ala saviya zuwa ne izisuche nazionwa zina ng'ala saviya mwanga.
3
Sinya hadya wajinkile Musa na Eliya wakalonga naye.
4
Petulo ahitula na kumgamba Yesu, Zumbe ni vyedi kwetu suwe kwikala hantu hano hegu ukaunga nanizenge hano wazumba watatu kamwenga kako na kamwenga kwachausa cha Musa na kamwenga kwachausa cha Eliya.
5
Cipindi akalonga nasinya ingu ding'aile diwagubika yuno ni mwanangu hungisa huwagilwa naye mwetegelezeni yeye.
6
Wanampina weze weve ayo niyo wagwa chifudifudi naho wogoha vidala.
7
Niyo Yesu eza na kuwadakula na kulonga inukani naho msekogoha.
8
Nawo wenula izinyuso zawo kulanga mna hawamuone mntu mna Yesu ichedu.
9
Umo wakasela koluguluYesu niyo awasigila akalonga msekulavyo imbuli yo uwoni uno mwana ywa Adamu aho akunga auyuke kulawa kwa wabanike.
10
Wanampina wakwe niyo wamuza wakalonga ni kwambwani wano wakuwasindika hambwe Eliya neze nkongo?
11
Yesu awahitula na kugamba, Eliya neze chindedi naho navuze izimbuli zose.
12
Mna nawagambilani nyuwe, Eliya kaheza kwiza mna hambunkule bada yakwe kawadamanyiza mbuli wakunga wowo.
13
Ivyo wanampina wabunkula kutenda aklongela mbuli za Yohana mwambula.
14
Weze abule mwe bunga dya wantu mntu yumwenga niyo amwitila kufika madi kulongozi kwakwe na kumgambila.
15
Zumbe mfile mbazi mwanangu kwaviya katenda na chifafa kusumbuka vidala kwaviya nkanana zilozize agwa mo moto hegu mwe mazi.
16
Nasimleta kwa wanampina wako mna hawakudaha kumnyonya.
17
Yesu awahitula agamba, Nyuwe cheleko hechikuzumila naho chibanike namwikale hamwenga na miye kubula ini? Naniwajijimize nyuwe hata ini? Mlete hano hangu.
18
Yesu niyo amkwahila naho jini niyo dyamfosa yudya mbwanga niyo kahonywa kukongela isaidya.
19
Akaheza wanampina wamwitila Yesu kwa chinyele na kumuza kwambwani hachikudaha kubalaza?
20
Yesu awagambila kwaviya utondowazi wenyu ni mdodo chindedi nawagambilani hegu na mtende na utondowazi hata chidogo saviya mpuluzi ya mbeyu ya haladali namdahe chochose cha kuhigana kwenyu.
21
22
Chipindi wechei Galilaya Yesu awagambila wanampina wakwe Wana ywa Adamu najelwe mwe mikono ya wantu.
23
Nawakome mna zuwa dya katatu nauyuke wanampina wajela mbazi vidala.
24
Nawo weze wabule Kepelanaumu, watu wa kuchisanya maliho ya nusu ya shekeli wamwitila Petulo nakugamba Togola mhinyi wenyu aliha maliho ya nusu shekeli?
25
Niyo agamba heye, mna Petulo eze engile mndani mwe nyumb Yesu niyo alonga na Petulo nkongo, na kugamba, Wafanyanya mbwani Simoni? Kwa wadya wakuwalongoza kulawa kwa wajeni?
26
Naho chipindi Petulo eze alonge kulawa kwa wajeniYesu niyo awagambila ivyo wakulongozwa wauzwa mo kuliha.
27
Mna ninase kuwatenda wakutoza maliho niyo wadamanya masa, hita kwe bahali dula indowana, niyo wguha idya isamaki ya nkongo. Bada ya kukufungula umlomo wako nobwile mudya shakeli imwenga. Iguhe na uwenke wakutoza maliho kwachausa changu na weye.