¹ Ne ca dxii que Juan ni rigú nisa beeda ne cana yuii xtiidxa Diuxi lu ca layu ndá xtii Judea ná: ² La gusaana ni cadi xneeza, ti ma gaxha nuu guenda runi mandar ni zeeda de ca guiba'. ³ Ti de laabe ngá guní profeta Isaías, dxi ná "RIDXI XTII TUUXA CUCAA RI'DXI LÚ CA YUDE', LA CUAQUI' CHAUI' NEEZA XTII XPIXUAANA NU, NE LAGAXA RA NAPANDU LU CA NEEZA XTIIBE."

⁴ Yanna la? Juan na'cu'la'ri de guiidi laadi cameyu, ne xii ti cinturón de guiidi ndaanibe, ne ni roobe ngá gusú ne dxiña yúga. ⁵ Ne ca binni de Jerusalén, ne guidubi na'ca Judea, ne de guiraa ca guidxi ni nuu guidubi na'ca guria' guiigu Jordán bee daca' ra nuube. ⁶ Ne guyuu nisacabe ra guiigu'Jordán, gulee ruaa cabe diidxa' de guira'ni bichee cabe.

⁷ Ne ra biiyabe xtale de ca Fariseu ne ca' Saduceu cayeedaca' ra nuube ti chú nisaca, laabe ra'bi be laaca': "laatu ca' xiiñi beenda ni napa venenu, ¿tu gudxii laatu ne guxhooñetu de xia'na zeeda lu guiaatu? ⁸ La gudii cuananaxhi ni gusihuinni ma bisaanatu ni cadi xneeza. ⁹ Ne cadi guinii iquetu ne guinii saatu: "laadu na'padu Abraham de bixhoozedu." Laga naa zabe laatu Diuxi la za'nda guindisabe caxiiñí Abraham neca de lade ca guié di'. ¹⁰ Ma nexhe chaaui' Jacha para uga' xcú ca yága ca. Nga' runi guiraa yága que gudii cuananaxi chahui la' zagá ne za laa lu be'le.

¹¹ Naa caguaa ni' sa laatu ne nisa ti guihuini ma bisaanatu guenda ruche xtiitu. Peru ni gueeda deche ca la? jma nandxho' be que naa ne naa que iquiñe para chiniaa xquela guiidibe. Ne laabe zugú nisabe laatu ne Espíritu Santu ne be'le. ¹² Ma naazebe orqueta ni rusa'bi ne be guixi ti gusiaabe dede ra bidúbi la yú xtiibe ra ma bi biibi semia' ne guidopa ca semía' chee troja. Ne laabe zuza'quibe ca guixi que lu be'le ni que ziuu dxii ganda guizuii.

¹³ Ne de raque' biree Jesús de Galilea beeda ra guiigu Jordán ti cú nisa Juan laabe. ¹⁴ Ne Juan que ñaana de ñaca laadxi' nu cueeza laabe na' rabi laabe: "naanga naquiñee cú nisalu', ¿ne laga lii zeedu ra nuaa la?" ¹⁵ Bica'bi Jesús laabe ne na' rabi laabe: "Bidii ga'cani yánna ti jneza para laanu gúninu guiraa ni jneeza xtii Diuxi." Ti ora que ru guná Juan.

¹⁶ Ne gudiidi si laabe gúyuu nisa be la?, Jesús biree nague'nda de ndaani nisa, ne raque, bixheele guibaa para laabe. Laabe biiyabe Espíritu xtii Diuxi zeda yete casi ti paloma ne biaana lu guiaabe. ¹⁷ Ne rarii beeda ti ridxi de ca'guiba' na': "ndiinga xhiiñe ni nadxiee ne guizaa nayeche' nuaa ne laabe."