¹ Gule' si Jesús guidxi Belén xti Judea ca dxi naca Herodes xaique, cadxi hombre nuu xpiaani ni zeedaca de ca neza rindani gubidxa yendaaca' Jerusalen canaba diidxa ca: ² "¿Paraa nuu Xaique xti ca Judiu ni gule pue? Viiyadu xpeleguibe de neza rindani gubidxa ne zeda gusisacadu laabe."

³ Ra bedanda ndi ra diaga rey Herodes, laa ne guidubi naca Jerusalén bidxibica. ⁴ Herodes bichiña guira' ca sacerdote gola ne ca ni rucaa xtiidxa Diuxi de guidxi que que gunabadiidxabe laaca: "¿Paraa chi gale ni naca Cristu ca?" ⁵ Laacabe bicabicabe laabe: "Guidxi Belén xti Judea, purti maca bicaa profeta que ni: ⁶ 'NE LII, BELÉN, NI NUU XQUIDXI JUDÁ, CADI TUTUTIICA SI LII LADE CA GUIDXI RO' XTI JUDÁ, PURTI DE LII ZEDANDA TI XAIQUE NI GU'YA' CA XPINE' NI NU NDANI ISRAEL.

⁷ ora que Herodes bisendacaa ca hombre nuu xpiaani que para guinabadidxa chaahuibe laaca pora pe nga guihuini belegui que. ⁸ Laabe biseendabe laaca guidxii Belén ne nabe: "La ché ne laguyubi chaaui xcuidi' ca. Ora guidxelatu laabe lagabi' naa, ti chaa ra nuube ne lacaa gusisaca laabe"

⁹ Bicaadiaga si cabe rey que ra que zecabe ne xa belegui bi'yacabe de ladu rindani gubidxa que zaaniru lucabe ne bizuhuaadxi ra nuu xcuidi que. ¹⁰ Ora bi'ya cabe belegui que nabe biechecabe ne bisisaca cabe ¹¹ Laacabe guyecabe ra yoo que ne biiya cabe xcuidi que, ne Maria ñaa. Laacabe bisuxibicabe ne bisisaca cabe laabe; bixalecabe ca ni zineecabe que, ne bidiicabe laabe regalu de oro, gu'xu ne nisa ziizii xti mirra. ¹² Diuxi bisaniru' lucabe lu ti bacaanda' jma que ibiguetadi' cabe ra nuu Herodes; nga' runi guye cabe xquidxi cabe xti ladu neza.

¹³ Zeesicabe' que, ti Ángel xti Señor biree lu José lu ti bacaanda ne rabi laabe: "Biasa, gucuaa xcuidi ca ne ñaa, ne laguxooñe lache Egipto. La guiaana raca de ora naa gabe laatu, purti rey Herodes zuyubi xcuidi ca para guutibe laa." ¹⁴ Gueela que José biasa, ne gucuaa xcuidi que ne jñia, ne zeecabe' Egipto. ¹⁵ Laabe guyuube raque de bedanda dxi guti Herodes. Sacari bizaa ni guni' Diuxi gudxi profeta que, "DE GUIDXI EGIPTO NAA BIZENDACAA XIIÑE."

¹⁶ Ora gunna Herodes gudxite ca hombre nuu xpiaani que laa, naabe' bidxiichibe. Laabe biseenda guutibe guira ca hombre huiini nuu Belén ne guira' ca guidxi que, ni ñapa chupa iza o xcaadxisi nahuiini', bia'si pe iza gudixe xa hombre nuu xpiaani que. ¹⁷ Ti ora que guca' guira ni maca guni' profeta Jeremias que: ¹⁹ Dxi Herodes guti', ti Ángel xti Señor biree lu bacaanda xti José ra nube ndani Egipto que ne rabibe laa. ²⁰ "Biasa ne gucuaa xcuidi ca ne ña, yene laacabe guidxi Israel purti ca ni canayubi guuti laabe que, ma guti ca'." ²¹ José biasa ne gucuaa xcuidi que ne ñaa, ne guyé guidxi Israel.

²² Peru ora laabe binadiagabe naca Arquelao xaique guidxi Judea, luxcar bixoze Herodes, bidxibibe ñee be' ra que. Ra ma gudxica Diuxi laabe lu ti bacaanda xi chi izaaca, bireebe zebe guidxi Galilea, ²³ ne yebi'be guidxi Nazaret. Bedagaca ca ni modo guni' ca profeta de que Labe sabi binni labe Nazarenu.