¹ Ma huadxi, dxi guenda rizi ladxi, ne derupe si ira gue'la nirú dxi xti semana, María Magdalena ne xti María qe la? beda guya cabe ra Jesús bigachi' que. ² Ne malasi guca' ti xhuu naro'ba, pur ti ti Ángel xti Señor biete dede iba'; beda ne binibi guie' que ne guri luni. ³ Ne labe rusanibe casi xpiani rayu, ne xhaba be naquixhi' casi nieve. ⁴ Ca ni cayapa ca que la? cayaca diti ca de dxiibii ne bichonga cabe casi ti hombre ni ma guti

⁵ Ne Ángel que gudxi ca gunna que: "Que guidxibiditu, pur ti naa nanaa sedayubitu Jesús, ni guti lu yaga cruz. ⁶ Labe ma que nudibe rari', si nu que ma bibani be xti tirú, casi ca Labe gunibe. Lataguya ra Señor gutá.

⁷ Laguxhoñe ne la chitidxi ca discípulo: "Labe ma bibanibe de lade gue'tu. Laguya, Labe sa nirú be lutu ndani guidxi Galilea. Raca latu suyatu labe. Laguya, naa ma gudxe latu"

⁸ Ne oraqueca ca gunna que biza'na cabe ra bigachi' Jesús que la? ne xtale dxiibii peru ne zaca' ca ne xtale guendanayeche', ne biré guxhoñe cabe sitidxi cabe ca discípulo. ⁹ Malasi Jesús bidxela laca'be ne gudxi laca'be: "Pa diuxi." Ca gunna que bidxiñaca ne gudidxi cabe ñeebe ne bisisaca cabe labe. ¹⁰ Ne ora que Jesús gudxi laca'be: "Que guidxibiditu. Lache ne lagabi' ca bichee checa Galilea; raca laca'be suyacabe Naa"

¹¹ Laaga ca gunna que seeca la?, tudxi de ca ni rapa' guye ndani guidxi que ne gudxi cabe ca xhaique ca sacerdote guira xhixhe ni guca di. ¹² Ne ora ca sacerdote ne ca binni gola gucua' liza' cabe lacabe guni' liza' cabe de ni guca di, laca'be bidi cabe xtale bidxichi' ca dxu ¹³ ne gudxi cabe laca: "La guini de que ca discípulo xti Jesús bedaca lu gueela ne gulana ca cuerpu xtibe laaga ladu cayasidu" ¹⁴ Pa ni guca di gana xhaique guidxi di ni la?, ladu suca' ludu pur latu. ¹⁵ Ne ora que ca dxu gucua' ca bidxichi' que la? ne bini ca modo gudxi cabe laca. Ne ni guca di la? birecheni lade ca Judiu ne nuruni de nagasi.

¹⁶ Ne ca chii ne tobi de ca discípulo guyeca Galilea, lu dani ni Jesus gudxi laca'be. ¹⁷ Ne ora laca'be biiya cabe labe la?, bisisaca cabe labe, peru tudxi de ca discípulo que ñuni cree di cabe labe. ¹⁸ Jesús beda ra nu cabe ne gudxi laca'be: "Guira xhixhe guenda' xti iba' ne guidxilayú ma bidii cabe ni Naa." ¹⁹ Lachee yana, ne laguni jma discípulo. Ne lacu nisa laca'be lu lá Bixhoze, Xhiiñe ne Espiritu Santo. ²⁰ La gusidi laca'be guna cabe guira ni Naa ma bisenda laca'be. Ne laguya, Naa nua nia latu dede guira dxi, dede ora guiluxhe. guidxilayú