लिउ २८
1
ता ङा श्वपकि ङिमा शिदु छाल्सिमा (हप्ता) कि तङि ङिमाकि मिरमिरेला मरियम मग्दलिनि दाङ मरियम मिन क्याबु राङ्सा पुम पेजा तुर्सा ल्हाप् लेसुङ ।
2
ल्हाेसा, त्या बाेबाे शहि गाल्सुङ, चिला सिसिन चाेवाे काेन्ज्यककि थुचिक देवाचेन नेसुर माे पाप्सुङ; तेमे दाे थेनितिकि खाला देसुङ ।
3
तिकि च्याङा काेपि दगेराङ नक, माज्या खा दगे कार्मु नक ।
4
(पहरेदार) तिवा जाेङाेङाे रुनि श्येप् मि दगेराङ गाल्सुङ ।
5
थुकि ति पुम पेजाला (सम्बाेधन) क्यानि सिक्यासुङ, “जिवा माकि, चिला सिसिन ङाला छ्या वाइ, खिराङ् ङ्याङ्सिङ्ला कालु येसुला छाेलिन वाइ ।
6
येसु द्ये मेत, तर येसुकि चिनक सिक्याबु नक तिनकराङ क्यानि येसु शेन्बा लाबु वाइ । लेम्नि येसुला ज्यागु दासा ल्हाे ।
7
श्यारि गाल्नि येसुकि लाेप्टुक तिवाला सि, 'येसु श्येप नेसुर शेन्बा च्युङ्नि लाबु वाइ । ल्हाे, येसु खिराङ् सिना तङ्ला गालिल ला डाेइ वाइ । त्याराङ् खिरेकि येसुला थाेङुइ ।' ल्हाेसा, ङेकि खिराङ्ला सिक्याबु वाइ
8
ति पुमपेजातिवा श्यारि जिवादाङ शेम ज्यापु क्यानि तुर्सा नेसुर थेन्सुङ, येसुकि लाेप्टुकतिवाला दि सिरु सिनि छ्यसुङ ।
9
ल्हाेसा, येसुकि तिवाला ठेनि सिक्यासुङ तेरिक्ला गासाे, “ति पुम पेजातिवा लेसुङ, येसुकि काङ्बा जिम्नि येसुला श्याबा क्यासुङ ।
10
तितिङ्ला येसुकि तिवाला सिक्यासुङ, “जिवा माकि । गाल्नि ङे नुक तिवाला गालिलला ग्युक सिनि सानाङ । त्या तिविकि ङाला ठेक्युइ ।"
11
तजाेला ति पुम पेजा तिवा डाेइ नक, ल्हाेसा, लाला (पहरेदार) तिवा ग्यासाला गाल्नि छ्येबु काेङ्यारला त्या वबु तेरिक यक तिवा सिक्या बिन्सुङ ।
12
तजाेला काेङ्यार तिविकि (एल्डर) तिवाला ठेनि तेरिक (घटना) कि बारेला तिवातानि (छलफल) क्यासुङ, तिविकि (सिपाहि) तिवाला अाला डेवा विन्सुङ,
13
तिवाला सिक्यासुङ, “तिविकि ज्येन तिवाला दुक सिक्यासुङ, “ङेराङ ङ्याल्नि वदु थक्ला येसुकि लाेप्टुक तिवा लेम्नि येसुकि श्येप राे कुन क्यानि खुन गाल्सुङ ।'
14
हुतुङराङ दि लेन (हाकिम) कि चाला ख्याेल्सिन, ङेराङ् (हाकिम) ला ग्याल्बु जेउइ तिकि किसाला खिराङ्ला चिन्दिङ (समस्या) हुङ मिजिउइ ।"
15
तेमे ति (सिपाहि) तिविकि डेवा लानि तिवाला चिनक का क्याबु नक, तिनकराङ क्यासुङ । दिराङ लेन यहुदि तिविकि नाङ्ला अाला फेल्सुङ तिकि किसाला हारिङ्कि ङिमा साक दिनकराङ वाइ ।
16
तर मिरा च्युपजिक लाेप्टुक तिवा गालिलकि ति दासाला गाल्सुङ त्यादि येसुकि ग्युक सिनि का क्याबु नक ।
17
तजाेला तिविकि येसुला थाेङ्सुङ, तिविकि येसुला श्यावा क्यासुङ, तर मिरा चाे जिगिदि हिनमिन सिक्यासुङ ।
18
येसु तिविकि चाला लेम्नि तिवा तानि ताम क्यानि सिक्यासुङ, “देवाचेनदाङ जाम्लिङकि तेरिक का ङाला बिदु वाइ ।
19
दिकिकिसाला, ग्युक तेरिक लुङ्बाकि मिरिक तिवाला लाेप्टुक जाे । पापा, पुज्युङदाङ थुचेङिकि मिनला तिवाला बप्तिस्मा बिन ।
20
ङेकि खिराङ्ला का क्याबु तेरिक काच्येतिवा (पालन) किरु तिवाला लाेप । ल्हाेसा, दि जाम्लिङकि तिङि छेमु साक ङा खिराङ् तानि हुङुइ ।"