लिउ १४
1
ति तुज्येला (शासक) हेराेदकि येसुकि बारेला लेन काेसुङ ।
2
हेराेदकि दाक्पि यक्पु तिवाला सासुङ, “दि बप्तिस्मा तेरु युहन्ना हिन स्येतिवा नेसुर लाेङया सेन्बु जाेबु वाइ । तिकिकिसाला, दि ङार तिविकि तिला यक क्यानि वाइ ।"
3
चिला सिसिन हराेदकि दाक्पि नुक फिलिपकि माेरुङ हेराेदियासकि किसाला युहन्नाला जिम्नि तिला टानि (झ्यालखाना) ला लुगु नक ।
4
चिला सिसिन युहन्नाकि तिला साबु नक, “तिला दाक्पि पेर्मि जाेनि ज्यगु ख्यरे लागि ल्यामु म्याङुइ ।"
5
हेरादकि तिला सेथुबु नक, हिनसिनाङ हेराेद मि तिवातानि जिवा क्यासुङ, चिला सिसिन मितिविकि युहन्नाला लुङदेन लापुप मि सिरु नक ।
6
तिजाेला हेराेदकि केबु ङिमा लेसुङ, हेराेदियासकि पुमकि मितिविकि पार्ला छ्याम्नि (प्रशन्न) जाेसुङ ।
7
ति छ्यामुकि किसाला तिकि काङ लाङसिनाङ तेर्क्यु सानि हेराेदकि ना क्यालसुङ ।
8
दाक्पि मामिकि लाप्सिमा तिकि सासुङ, “ङाला देर्माचिकला बप्तिस्मा तेरु युहन्नाकि पिर्च्युङ नाङ
9
।"ग्याल्बु हेराेद तिक लाङु काच्येकि किसाला अाला सेम नागाल्सुङ, हिनसिानङ दाक्पि नाक्यालुकि किसादाङ हेराेद तानि नुप्ला सामा सासिनि वदु मितिविकि किसाला ग्याल्बुकि तिनकराङ वाेसित सानि का बिन्सुङ ।
10
हेराेदकि मितिवा ताङ्नि (झ्यालखाना) ला युहन्नाकि गाे तुप्सुङ ।
11
तेमे तिकि गाे देर्माङला ज्याङ्नि खनि ति पुम पेजाला बिनसुङ तेमे तिकि ति गाे दाक्पि मामि चाला खुन गाल्सुङ ।
12
तेमे तिकि लाेप्टुक तिवा लेम्निते युहन्नाकि राे ला खुर्नि उपसुङ । ति तिङ्ला तिवा गाल्निते येसुला साबिन्सुङ ।
13
तिजाेला येसुक ति काच्ये काेसुङ, येसुकि ति दासा ताङ्निते टु नेसुर राङ्सा दासाला गाल्सुङ । तिजाेला जाेबु मि तिविकि दि काच्ये काेसुङ, तिविकि येसुला काङबिकिराङ तिङ ङ्यासुङ ।
14
तितिङ्ला येसु तिविकि गमाला लेसुङ तेमे बाेबाे मि जाेंबु थाेङसुङ ।
15
तिजाेला नाम राेसुङ, लाेप्टुक तिवा येसु चाला लेम्निते सासुङ, “दि या दक्पुज्यिक काङ मेदु दासा हिन तेमे ङिमा गासिनसुङ । जाेबु मिला तिवाला ताङ बिन, तिवादि युलतिवाला डाे थुननिते दाक दाक्पिकि लागि साप्चेतिवा ङ्याे थुसित ।"
16
येसुकि तिवाला सासुङ, “दिवाला थारे डाे माेगाेउइ । दिवाला खिरेकि काङ साप्चे बिन ।"
17
तिविकि येसुला सासुङ, “अाेरुङतानि तेरिक किसिन डुमा ङाच्चक सिवाङ दाङ डुमा ङि ङ्या क्याजिक वाइ ।"
18
येसुकि सिक्यासुङ, “ति ङे चाला खलेक ।"
19
तेमे येसुकि जाेंबु मिला (चाैर) ला देत सिनि का बिनसुङ । येसुकि डुमा ङा सिवाङ ताङ ङ्या ङि लासुङ । नाम्ला देवाचेनला ल्हाहिदाङ येसुकि तुचिछ्ये बिनिते सिवाङला च्याक्निते लाेप्टुक तिवाला बिनसुङ । लाेप्टुक तिविकि जाेंबु मि तिवाला बिनसुङ ।
20
तिवि तेरिक मिकि साेनि डासुङ । ति तिङ्ला तिविकि सिवाङ दाङ ङ्या साेनि ल्हागु लुबुदि स्याेम च्युब्ङि रुसुङ ।
21
त्ये सा मि तिवा पुम पेजा दाङ पेजा तिवा सिना ज्येन तिवा क्याजिक ताेमिदा (हजार) ङा नक ।
22
येसुकि दाक्पि लाेप्टुक तिवाला स्यरि टुला ज्येनि येसु सिना तङ्ला फार्केनला डाे चिसुङ, तिजाेला जाेंबु मितिवाला दाक्पिकिराङ (बिदा) किरु सेम क्यासुङ ।
23
येसुकि जाेंबु मि तिवाला ताङ्सिमा येसु दाक्पुराङ गाङ्ला माेपार किरु गालसुङ । तिजाेला ल्यामु क्यानि नाम राेसुङ, येसु त्ये चिकराङ वसुङ ।
24
ति बेला टु सिनि चङ्बुकि पार्ला नक, लुङ राङ्सा नेसुर लेबुकि किसाला (छाल) कि ति (अनियन्त्रित) वसुङ ।
25
टाेप्ला (तिन बजे) ठला येसु चङ्बुला युगिन तिविकि चाला गालसुङ ।
26
तिजाेला लाेप्टुक तिवि येसु चङ्बु युगिन वदु थाेङ्सुङ, तिवा जिवा क्यानि सासुङ, “दि या ह्रेड हिन" तिवा जिवाकि कारेकिरु ज्युसुङ ।
27
येसु तिवातानि ताम क्यानिते सासुङ, "(ढाडस) कि! ङाराङ हिन! जिवा माकि ।"
28
पत्रुसकि येसुला कालेन क्यानिते सासुङ, “चाेवाे, ख्याेराङ हिनसिसिन, ङाला छ्युनाङ्ला हुङु का नाङ ।"
29
येसुकि सासुङ, “स्याक ।" तिकि किसाला, पत्रुस टु नाङ्नेसुर फिला थेनि येसुकि चाला ड सिनि छ्यि खाला युसुङ ।
30
तिजाेला पत्रुसकि लुङला थाेङ्सुङ, तिकि कारे किइदाङ सासुङ, “चाेवाे, ङाला थार्वा नाङ!”
31
येसुकि स्यारि दाक्पि लाक्पा क्याङ्सुङ; पत्रुसला जिम्निते तिला सासुङ “हाउ फेचाे माेवा वत्पा! ख्यरेकि चिला सेम्ला (शङ्का) क्याबु?”
32
ति तिङ्ला तिजाेला येसु दाङ पत्रुस टुला गाल्सुङ, तिजाेला लुङ लुसुङ ।
33
ति तिङ्ला टुला वदु लाेप्टुक तिविकि येसुला साेवा ताम्निते सासुङ, “हुतुङराङ ख्याे चाेवाे काेन्ज्याककि पुज्युङ हिन ।"
34
तिजाेला येसु चङ्बु फार्केन ख्याेलसुङ, तिवा गनेसरेतकि स्यिङला लेम्नि ख्याेलसुङ ।
35
तिजाेला ति दासाकि मि तिविकि येसुला ङाे स्येसुङ, तिविकि फारछुरकि तेरिक दासाला ति लेन क्याल्निते तिविकि तेरिक नाबु मि तिवाला येसुकि चाला खसुङ ।
36
तिविकि येसुकि माज्याकि नामु क्याजिक रेगु ङेसिन गाउइ सिनि ना क्याल्सुङ, चाेकि रेक्सुङ ति तेरिक टेक्सुङ