¹ Mamuna jya kwera nkya ya sabato, ghari bulya ibashalaga egera nkya jya kwanza ya juma, Mariamu Magdalena, na Oyo Mariamu unge bakeja ebana Kaburi. ² Raberya kubale kibodani lineni, kwa bulya Malaika ba Jaghamba akahoroka aboka sungurutyai ebwe kisha akalimiterya. ³ Sura yehe ghale ekola ya bumeme, Na ngobi jiehe jibale jelagu ekola saruji. ⁴ Balinzi balya bakojolwa ni bwobi na bakaba kola bakire.

⁵ Malaika ulya akabamanyerya baka balya akabuga, “Muhabe ryala kwa bulya muje ebuga mtubegerate Yesu ulya aba sulubiirye. ⁶ Atiho oho, ale naryokire kola bulya ababiere. Enjoi mubane hantu jaghamba abarare.

⁷ Gerai ebosabosa mkebabiele bamanyerigwa behe, ‘Abaroka eboka kwa baryokire, raberya ababanetelu Galilaya. Kokyo ndyo mkebanai.’ Raberya nie nimbabiela.”

⁸ Wabaka balya bakagera ajio hale kaburini ebosabosa bale na bwobi na eghamela neni, na akababiela bamanyerigwa behe. ⁹ Raberya Yesu akakolana nabo akabuga “Salamu!” Wabaka balya bakagera na bakadaba magolo jiehe na kilsha bakamwabudu. ¹⁰ Kisha Yesu akababiela, “Haberyai, gerai mkababiele ndogo jiawa bahetelei Galilaya. Kokyo mkembana.”

¹¹ Ngara ilya wabaka balya babageraga raberya bariri ya balinzi bakagera mjyene na bakabaiela bakolo ba makuhani makalaga jonse jalya jabaghubukire. ¹² Nabo Makuhani bulya babale ba kolana balakolo ne eboranya ekalaga lelyo nabo bakehumia kiasi kikolo cha robya kwa balya sigari. ¹³ Na babiela, “Babielei bange ebuga, ‘Bamanyerigwa ba Yesu bajire na budi bakajweba mubele jwa Yesu ngeri eshe bulya tubale turare.’ ¹⁴ Kola masikelo eno ikekukuhikela Liwali, eshe eshetukembiela na ebekereria enyie Mashaka jonse.” ¹⁵ Kwa bobyo, balya sigari bakajitola jilya robihya na egita bulya bale baberwe. Masikelo jaja ekamanyekana muno kwa Bayahudi na niboba bwobo ngorieda kyeno.

¹⁶ Ale balya batomwa ekomi na enywe bagerire galilaya hale ngita eyo uliabale ababandye. Na bobulya bambande ¹⁷ bakemwehela. Ale bariri yobo babande shaka. ¹⁸ Yesu abaja kwobo akababilea akabuga, “Nibahebwa bwegeri jonse nsee na kwegolo. ¹⁹ Na balya erai mkabaghanyie matongo jonse ebuga Bamanyerigwa. Babatizai kwa ebina lya Baba, na La Mwana, na Nkolo Mseri. ²⁰ Bamanyerei kutii Makalaga jonse niliyowaamuru, Na raberya, nie nale hamwe nenyie kala na kala, ejagha mpaka egera jwa nseeno.”