¹ Amango Yezu amalaga oku bamanyusa ana rheng'EGalilaya anaja omu cirungu ce Yudeya ana jabukira eluhandelwo lwishi lwe Yorodani. ² Ehitu hyabantu hyana mushimba, n'eyomunda anabaciza amalwazi.

³ Abafarisayo baguma banamuyishira bamu rhangula; Bana mudosa: Kabishinganin'emwirhu okuha omukazi amaruba koku lekana hanyanya lya mabi?

⁴ Anabashuza: Kamurha somaga kw'omulemi omundangiro, alemire omulume n'omukazi? ⁵ Anaderha: “Cocirhumire omulume asiga ishe n'anina acishwekere kw'omukage, nabo babirhi baishi ba mubiri muguma? ⁶ N'oko, barhachiri babiri, ci bakola mubiri muguma kandi omuntu yeshi arha humanul'ebyo Nyamuzinda ahumanyanyagya.

⁷ Carhumire Musa arhu bwira kwo rhu kwanine rhuyandikir'omukazi amaruba gokulekana?

⁸ Ana babwira: Hanyanya lyokurhayunva kwinyu byo bya rhumire Musa ababwira mubalibirhe ko. Ci burhangiriza birhal'intyo. ⁹ Cikoki mbabwizire, ngasiye wana hive mukage, kuleka arhali hanyanya z'ecaha cobugonyi anarhole owundi, anabe agonyire naye. N'omulume waya rhole omukazi balekaga, naye agonyire.

¹⁰ Entumwa zage zana mu bwira: erhyankaba oko kobiri, okumulume hanyanya lya mugage, omuntu arha kwanini okurhola.

¹¹ Anabashuza: Arhali boshi banka yunva ogumugani ci kone balya bahabirw'ineema. ¹² Bulya halin'entazi yaburhagwa intyo kurhenga omunda ya nina, hali nabandi bajiragwa nabantu, halinabandi bacijijire intyo bonene, hanyanya ly'obwami bw'empingu. Ngasiye wa yunva ayunve.

¹³ Bana mulerhera abana barho, mpu abalambulire amaboko anabahunire, ci koki entumwa zanabasunika. ¹⁴ Yezu ana babwira: Muleke abana barho baish'mwani kandi murhalahizagya. Bulya obwami bw'empingu buli bwa balya ba ci jijire nkabana barho. ¹⁵ Anabalambulira amaboko anyamirheng'eyo.

¹⁶ Alaga muntu muguma anmuyegera, anabwira Yezu, Mwigiriza, kantu kqci nakajira lyo nyishibona akalamu k'emyakula?

¹⁷ Anamushuza: Cirhumire wandosa hanyanya lyo shinganine? Hali muguma yene oshinganyire. Erhi wankalonza okuba n'akalamo oshinganine oshimbulire amarhegeko, anamudosa, gangahigi?

¹⁸ Yezu ana mushuza: Omenye irhondo, orhayirhaga, orha gonaga, orha zimbaga, orha hamirizagya akanwa kobunywesi, ¹⁹ okenge sho n'anyoko, ozigire mulungu wawe inkakulya ocizigira wene.

²⁰ Gulya musole gw'omurhabana gwamubwira: Ebyo byoshi nabiyigirizibwe mira, bici bindi bibuzire?

²¹ Yezu amubwira: Erhi wankalonza obe mushinganyanya, ogende oguze ngasi hyoshi ogwerhe, ogabire abagalaganda. Lyo waishi ban'omuhako, omumpingu. Hanomal'okujira intyo, onayishage onshimbe. ²² Erhyamala okuyunviriza eyo myanzi, oyomwana rhabana anagenda agayire; bulya aligwerh'obugale bunene.

²³ Yezu anabwira entumwa zage: Okuli mbabwizire, kurhali kulembu omugale okuyinjira omubwami bw'empingu. ²⁴ Kandi mabwizire: biri bilembu bwenene aho ecihesi canagera omwisu lye inshindani kulusha kwomugale angayinjira omubwami bwa Nyamuzinda.

²⁵ Amango entumwa zayunvagya intyo, zanasomerwa. Baderha: Indi wanka cungulwa?

²⁶ Yezu anabalolekeza, anababwira kuli mwene muntubirha hashikini, cimwa Nyamuzinda byanahashikana.

²⁷ Cikone Petero anashubirira: anamubwira; rhwe rhwa lesire ebirhu byoshi rhwa kushimba, bicigi rhwana bone?

²⁸ Yezu anashubi bashuza: Okuli mbabwizire: Ahakarhi kigulu lihyahya omwana womuntu anahindul'ebintu byoshi. Amango anabwarhale okuntebe yobukuze, mwemwa mushimbire, ninyu kwo mwananabe, mwana bwarhale okuntebe ikumi n'ibirhi n'okuhana eyomilala ikumi n'ibiri y'e Isiraeli. ²⁹ Nangasi yeshiwalesire bashinja bage, nabali bage, asiga n'ishe na nina, na mukage n'amashwa, n'enyupa yage anayunguke kaligana, anayime akalamo k'emyakula.

³⁰ Ci abarhanzi baanabe babuzinda, nababuzinda babe baburhanzi.