¹ Ouganjealounje, nawe waeiloungwalongwa. ² Alounje shouloonga nawei waeiloungwa na shuobhapeimila abhantu nawei waipimilwa sheishou. ³ Yeenu uhwenya eishipaande shikwi sheishili mweileinso lya holo waho huje soumeinye eishipande shikwi sheishili mwiliso lyaho? ⁴ Oungaanda weili ayanje hwa holo waho aje einefwe eishipande sheishili mwiliso lyaho, eingabha nawee uleinashoo mwiliso lyaho? ⁵ Gulugulu efwaa nasouti eishipande sheishili mwiliso lyaho nkoulole shinza, nkouyeefwe eishipande eisha mwiliso lyaholo waho.

⁶ Ousahazipele eimbwa eivintu eivinza, ouganjeziponyezye eingoulubhei eivintu eivyeinshinshi hwitagalila lyabho huje zisahakhanyanganye na zeimbulanye.

⁷ Labhaji namwei mnzapelwe. Anzaji, namwei mubhazyaje. Iguzyaji namwei munzahwiguliwe Ulyango. ⁸ Pipo ya labha aposhela, na wowonti yahwanza azyaga. Oumuntu yahwiguuzya ahwigulilwa.

⁹ Awe ahweili oumuntu oumwana wakwe nkalabha ikati ahupela iwee? ¹⁰ Au nkalabha einswei ahupela izoha? ¹¹ Nkashele amwei, mwamulibhabhibhi mumeinye abhapeele abhana bheinyu eivintu eivyinza, eishi! Ouise weinyu uwahumwanya sagabhabhapeele bhala bhabhahulabha?

¹² Shila shamuhwanza abhombelwe na bhantu namwei bhabhombelaji sheisho. Eizyo zyei ndajizyo nakuwe.

¹³ Injilii mulyango ounyeela. Pipo, ulyango oubaaba neidaala eibaaba lyalilongozya hwabhateega humwoto abhantu abhiinji bhabhabhala idala eilyo. ¹⁴ Ulyango ounyeela gwagubhala huwoumi bhadoodo bhabhagulola.

¹⁵ Mubhe maso nakuwe abhilenga, bhabhahweinza bhakweite eikwembe eilyeingoole, lelo muhati eimbwa londe eihali. ¹⁶ Mubhazimanye eimbombo zyabho. Eishi abhantu bhabhajiiye atoungoule amadoundou mumiinvwaa, na mwikwi lyeimbeyu zyei miinvwaa? ¹⁷ Ikwi eiliinza lipapa amadoundou aminza, lelo ikwi ibhibhi lipapa amadoundou amabhibhi. ¹⁸ Ikwi eiliinza seligapapa amadoundou amabhibhi, ni ikwi ibhibhi seligapapa amadoundou aminza. ¹⁹ Ikwi lyolyonti lyasagalisanga eindoundo aminza litemwa na pembwee mumwoto. ²⁰ Eisho pamubhabhamanye aleingane neimbomboo zyabho.

²¹ Sigabhounti bhabhakwizya gousi gousi, bhabhayinjila huwumweinei uwahumwanya, leelo yayula yabhomba zyazihwanziwa nou Ngulubhei ouwahumwanya. ²² Isiku eilyo bheinji bhabhaiga gousi gousi, sigatafumyaga ukuwe hwi tawa lyaho, seigatasheimbeizyaga eimpepo eimbibhi hwi tawa lyaho, nabhombe amayele gamiinji whikhone lyaho.’ ²³ Anei naibhhabhoula huje eipi hulinei amwei mwamubhomba eimbibhi!’

²⁴ Eishi oumuntu yahwounvwa amazwi ganei na hugeiteishe aleingana nou muntu ouwenjeele yazeinjile einyumba yakwe pamwanya pilyaalawe. ²⁵ Einvura yatonya, ameinzei gamema eihaala yahavugula einyumba eila seiyagwiye peipo yazengwilwe pilyalaawe. ²⁶ Lelo oumutu wowonti yalyounvwa uzwi lyanei nalikhaane ouyo aleingana nou muntu oulema, yazeinjile einyumba yakwe musaanga. ²⁷ Einvula yatoonya, amasoho gamema eihala yavugula naibunshe einyumba, einyumba eila yauguha nagwe.”

²⁸ Ou Yesu na waamala ayanje amazwi eigo, abhantu bhaswijile namanyizyaga. ²⁹ Pipo sigamanyizyaga neishi shabhamanyizya amanyizi bhabho abheindajizyo nasiimbi bhabho.