¹ Oulyo, ou Herode ahounvweizye einongwa zya Yesu. ² Abhabhoula abouyi bhakwe, “Ounou you Yohana Oumwouzyi azyousheile afume hwazimu. Eishi eikhone lila lili noumwene.

³ Ou Herode akheite ou Yohani na hupinye na hutwale mwijela hunongwa ya Herodia, oushe wa Filipo oukoulou wakwe. ⁴ Ou Yohana abhouleile huje, “Sagashinza ahumweje aje abhe shei waho.” ⁵ Ou Herode ahanzaga hugoje ou Yohani lelo abhougoupe abhantu peipo abhantu bhameinye ou Yohani huje kuwe.

⁶ Nahayafika eisikulukulu eiyapapwe ou Herode, oumwalei wa Herode ahanjile pabhantu bhabhaheinzeile husikulukulu ouyise wakwe ou Herode asoungweilwe. ⁷ Nahulaganye huje abhahupeele hahonti habhalaabhe. ⁸ Ounyina wakwe asulishe oumwale huje eihwanza huje oumpeele itwe lya Yohani oumwouzyi.” ⁹ Oumweinei azugumiye eishi peipo alapile hwa bhantu wabhabhoula huje apeelwe neishi shalaabhile. ¹⁰ Ou Herode walajizya huje bhadumule itwe lya Yohani mula mwijela. ¹¹ Itwe lyakwe bhalileta mubheto nahupele oumwale wakwe wopee walitwala hwanyina. ¹² Abhaazi bha Yohani bhahega oubeili gwakwe na bhale asyeile. Bhaabhala hubhoule ou Yesu. ¹³ Ou Yesu nawounvwa eiga, wahwibagula nasogole paala wabhala akhale mweene. Abhantu nahabhamanya hwilii, bhahalondola lweimanama afume mukhaya zyabho. ¹⁴ Ou Yesu nahafiha alola abhantu bhinji munsheinje yei nsoumbei, abahasaajila na bhaponie abhinu bhabho.

¹⁵ Nahwabha lyabheela, abhaazi bhaheinza naje, “Apantu eipa gweleele weene, nisiku lishilile. Bhalaje abhantu bhabhale amwabho akale eishalye.

¹⁶ Ou Yesu wabhabhoula huje bhaganje asogole, “bhapeili eishalye.”

¹⁷ Bhabhoula huje, “Eipa tilinamakati gasanu nei nswei zibheilei weene.”’

¹⁸ Ou Yesu waga, “leeti.” ¹⁹ Ou Yesu waga bhakhazyii abhantu pamasole. Weega amakati nei nswei zila, wenya humwanya wavisayila, namensulanye amakati gala. Wabhapela amanyizi bhope bhabhagabhila abhantu. ²⁰ Bhonti bhaly, bhakuta. Bhape abhaazi bhabhonganya amasagalilo eitoundou ilongo na zibheile. ²¹ Abhantu bhabhaaliye bhahali alume eilufu zisanu nabhaazyee abhashe na bhaana.

²² Ou Yesu wabhabhoula abhaazyi bhakwe huje bhinjile mwitouli, bhatagalile hwisyeila lyei nsoumbei, oumweine nabhalagaga abhantu. ²³ Nawabhalaga abhantu oumwene ahazubha mwigamba apuute. ²⁴ Nahwabha lyabhela ou Yesu alimwene ouhwo Itouli nalyafiha pahati yeinsoumbei lyahanda azyenzyelwe hunongwa yei mabhilingwa galikhomaga itouli peipo eihaala yavugulaga. ²⁵ Nahuhwanda ashe ou Yesu abhasojeileiye ajenda pamwanya yeimeinze. ²⁶ Abhaazyi bhakwe nabhalola ajenda pamwanya yei nsoumbei, bhahogope nakhole eiholo,” bhagaga zimuu. ²⁷ Ou Yesu waga leishi ayeete neinei.”

²⁸ Ou Petro waga, “nka wewe mboule nanei eineinze huliwe pamwanya yeimeinzei.”

²⁹ Ou Yesu waga, “Einza.” Ou petro wafuma mwitouli wajenda pamwanya yeimeinzei abhale hwa Yesu. ³⁰ Ou Petro nawagalola amabhilingwa, ahougoupe, na hwande adwine, pansi, akhoola na akwizye, “Gousi, navwee!”

³¹ Ou Yesu wagolosya oukhono gwakwe nahukhate ou Petro, na hubhozye, “Awe weilweiteiho oudodo, yenu ouhwogopa?” ³² Nabhiinjila mwitouli eihaala yaleha avugule.

³³ Bhonti bhabhali mwitouli bhafugamieye nahuje lyouli awe ouli mwana wa Ngouloubhei.”

³⁴ Nabhalobhoha hwisyeila bhahafiha hunsi ya bha Genesareti. ³⁵ Abhantu bheinsi eila nabhamanya ou Yesu bhahabhala abhabhounganye abhantu bhounti nabhaleete abhinu bhabho bhounti.

³⁶ Bhalamba huje bhinu bhabho bhapalamansye gameenda gakwe bhope bhabhapone, bhonti bhabhapalamansizye bhapounile.