¹ Baada ya jioni lishaka la sabato, mshenji paguweliti gwanguzama kwelekea lishaka la kwanja la juma, Mariamu magdalena, na yulii Mariam yumonga wiziti kulilola kaburi. ² Guroli kuweliti tetemeku likulu, kwa kuwela mahoka wa Mtua. Kasukula libuhi lilia, su kalivagiliti. ³ Sheni shakuyi shiweliti gambira umemi, na nguu zakuyi ziweliti meru mbuu gambira theluji. ⁴ Walii walinzi wamemitwi na hofu na kuwela gambira wafu.

⁵ Yulii mahoka kawatafanuliti walii wadara pakazumba,” Namtira kwa mana nimana kuwela mwansakula Yesu, yakasulubitwi. ⁶ Kwahela panu, viraa kafufuka gambira sikawagambiliti. Mwizi mloli mahali ambapu Mtua kagonjiti.

⁷ Mgendi kalongola mwakawagambiri wafundwa wakuyi,' Kafufuka kala kwa wafu, mloli kawalongelela Galilaya. Aku ndo amwoni.' Mlolineni niwagambira.”

⁸ Walii wadara waukiti palii pamakaburi kulongora pawawera na hofu na furaha nkulu, na watugiti kuwagambira wafundwa wakuyi. ⁹ Guloli Yesu kaliwoniti nawa na kuzumba, “Salamu.” Walii wadara wiziti na kubata nmaguru gakuyi, na su kumwabudu. ¹⁰ Su Yesu kawagambazia,” Namtira, mwakawagambili wafundwa wangu walongeli Galilaya. Kuli awamoni.

¹¹ Lishaka wali wadara pawaweliti wagender, guloli wamu walinzi wagenditi kumjini na kuwagambazia wakulu wa makuhani mambo yoseli yawaweliti galawila. ¹² Nawombeli makuhani pawaweliti waliona na wazewi na kulijadili jambu ali pamuhel ana wombeli, walaviiti shiasi saha pesa kwa wali askari ¹³ na kuwagambazia,” Muwagambili wamonga kuwela,' Wafundwa wa Yesu wiziti pashiru wawiwa shimba ya Yesu lishaka awenga patuweliti tugonja.' ¹⁴ Gambira taarifa ayi palimhola liwali, twenga atumzangizangi na kuwausilila namwenga mashaka goseri.” ¹⁵ Kwa ndambu ayi wali askari watoriti ziri senti na kutenda gambila ndambu ya walagalila. Habari azi zitangaliti sana kwa Wayahudi na iweliti hangu mpaka lelu.

¹⁶ Viraa wali mitumi kumi na yumu wagenditi Galilaya, kuli kulugongu kwa kaweliti kawelekeza. ¹⁷ Na wombeli pawamwoniti, wamwabudu. Viraa muwamu wau waweliti na shaka. ¹⁸ Yesu kiziti kwa wombeli na kawagambila pakazumba,” Niwapanana mamlaka goseli duniani na kumbingu. ¹⁹ Kwa ndambu ayi mgendi mwakawatendi wamaisi yoseli kuwela wafundwa. Muwabatizi mu litau la Tati, na la Mwana, na la Rohu mnanagala. ²⁰ Muwafundi kugajimila mambu goseli yaniwamuriti neni, na mloli, neni na pamuhela na neni daima, handa mpaka umwishu wa dunia.