¹ Ijaò rexitare ibutumy taaõnaõna-di, kia Bersebaòhòkỹle, tai rexitòenyreki, tyby Deuxu-ò. ² Kua ruu Deuxu tamy rarybere rasimy, tamy ryryre myỹ : —Ijaò! Jjaò! —Diarỹ kakile watxireri rirawyònyre tii. ³ —Diarỹ Deuxu rare, bu Deuxu wahe. Uritre brebuõmy Egito-ò makremy, kia tai dori-diarỹ ariwinykre ariòreriòrereny ròòsekremy hãwãdu hãwã nihikỹmy. ⁴ -diarỹ arakre Egito-ò ahemy, kia ixybyle adidykre ariòreriòrereny kaa su-ò. Kia kai burukreu, Jyje aweribihyyle rarekre. ⁵ Taita Ijaò rare Berseba-ò. Kia carretas Egito Iòlò riteònyre-di, kia Ijaò riòre boho ridyrenyre tyby, tyby hãwyy boho, kia iriòrexõmoxõmo. ⁶ Ijaò, kia ibutumy iaõnareny Egito-ò ròirenyre, kia tabrorenireny ridyrenyre, kia ibutumy aõnaõna Kanaã ki rimyrenyre. ⁷ Ijaò ixihemy ibutumy ridyrenyre tariòreriòrereny, kia boho tariòre hãwyy, tariòre hãbu, tariòreriòrereny weryry, hirari boho. ⁸ Israelitas mahãdu Egito-ò ròirenyre, kia heka Ijaò tariòreriòre boho wana, ka boho: Ruben heka Ijaò riòre adela rare, ⁹ kia Ruben riòre boho: Elaõ (Enoque), Palu, Hezrom kia Carmi. ¹⁰ Simeaõ kia iriòre boho Jemuel, Jamim, Oade, Jaquim, Zoar kia Saul, ka boho Kanaã hãwyy riòre roire. ¹¹ Levi kia iriòre boho Gerson, Coate kia Mirari. ¹² Juda kia iriòre boho Sela, Peres kia Zera, (iwitxira iriòre boho inatxi, Er kia Onã, kia Kanaã ki rururenyre). Kia Peres riòre boho Hezrom kia Hamuel. ¹³ Issacar kia iriòre boho Tola, Pua, Jasube kia Sinrom. ¹⁴ Zebulom kia iriòre boho Serede, Elom kia Jaleel. ¹⁵ Ka boho heka Leia riòre bohorenyre Ijaò-ò riwahinyre Mesopotamia ki, kia ihãremy tariòre-dina ribi. Ijaò riòreriòrereny Leia wana, kia 33-my sõereny. ¹⁶ Gade kia iriòre boho Zifiaõ, Hagui, Suni, Esbom, Eri, Arodi, kia Areli. ¹⁷ Asser kia iriòre boho Imna, Isv a, Isv i kia Berias, kia iseriòre ihirenyta Sera inire. Beria riòre boho Heber kia Malquiel. ¹⁸ Ka boho 16 my sõereny Ijaò riòreriòre boho Zilpa wana, kia wetxu Labaõ riwahinyre tariòre Leia dee. ¹⁹ Rakeli Ijaò hãwyy, inatximy uladu riwahinyre: Jyje e Benjami. ²⁰ Jyje riòre boho Asenate wana, Manasses e Efraĩ, kia Egito ki uladumy ruarenyre. Asenate heka Potifera riòre rare, kia rybe-di ijohodu Heliopolis cidade hãwãki. ²¹ Kia Benjami riòre boho Bela, Bequer, Asbel, Gera, Naamy (Naamã), Ei, Rôs, Mupim e Arde. ²² Ka boho 14-my Ijaò riòreriòrereny Rakeli wana. ²³ Dã kia iriòre Husim. ²⁴ Natali kia iriòre boho Jazeel, Guni, Jazer e Silem. ²⁵ Ka boho 7-my Ijaò riòreriòrereny Bila wana, kia wetxu Labaõ riwahinyre tariòre Rakeli-ò. ²⁶ Kia ibutumy Egito-ò ròirenyre 66-my Jaò riòreriòrerenytyhy, kia tariòre boho hãwyky-di rariaõmy. ²⁷ Kia inatxi my Jyje riòre boho uladumy Egito-ki ruarenyre. Kawesemy tahe 70-my butumy sõereny, Jaò riòreriòreny boho, kia ròiremyre Egito-ò.