¹ Kia-dina rexiywinyre, Ijaò riòre Léia wana iriòre, kia rare itxeremy, kia ijadòòma mahãdu hãwãludu-di itxeremy. ² —Hamor, Hev eu wana kua hãwã ridinodunymy roiremyhỹ, kia iriòre ijõdire Siquém inire. Tii-dina my robire, kia rimyre tarurumy-òtaòta iki wana riwinykemy. ³ —Kia tii tai awimy rahãre tuu rõhõtinyre, kia riemy raremyhỹ tuu rerinanykemy. ⁴ —Irahudita rarybere tyby-ò: —Kia ijadòòma wana aroikemy rexitòenyreri. ⁵ Ijaò bede rieryre, kia Siquém ibinamy iriòre-dina risỹnyremy. Kiaremyta iriòre boho bederoki ratximyhỹreny broreni-di, kia aõmy rarybeõhyyre, kia tii boho taheto-ò ròòserenyre. ⁶ —Iwana wana Hamor, Siquém tyby rare Ijaò-ò rybemy. ⁷ —Kia Ijaò riòre boho ritehemynyrenyreu bedero ribi, kia bede rieryrenyre terỹreny bededỹỹnanamy, sõemy reburerenyre, kia Siquém Israel ki hãwãdu mahãdu ibinatyhymy terỹreny risỹnyrenyreki, aõhỹỹmy Ijaò riòre risỹnyreki. Kia tuu riwinyrenyke aõkõ heka roire. ⁸ —Kia Hamor rarybere: —Wariòre Siquém ariòrereny-di rõhõtinyiny ratxireri.-diarỹ rexitòenyreri adeereny biwabinybenykemy tii wana roikemy. ⁹ —Iny boho sỹmy rykoirekre;-diarỹ boho ariòrereny wana aroirenykre, kai bohota wariòrereny wana hãwyymy boibenykre. ¹⁰ —Kaki atxibenyke wa wanareny, wabederenyki mahãwanymy boibekre. Suu biõbaranybenyke aõtxile ixideewimy, kia kaki bede rikiywinyrenyke. ¹¹ Irahudita Siquém rarybere-dina tyby-ò, iseriòrereny-ò: —Txioini aõkerỹbo tuu wadee biwinybenyke, kia-diarỹ adeereny ariwahinykre aõmybo bekoabenykre. ¹² —Bexitòenybenyke aõnaõna adeereny rawahirenykremy, kia manarybedenyke tiwesebo-diarỹ ijadòòma ariòwynykremy, kiata wadee biwahinybenykre tiki wana aroikremy. ¹³ Kia Siquém ibinamy terỹreny risỹnyreki, Ijaò riòre boho aõkõmy rirayònyrenyre tamy, kia tyby Hamor-ò tule. ¹⁴ —Tii boho raryberenyre myy: —Ariwahinyrenyõkre waseriòrereny hãhu tõsityykresynaõ wana hãbu my roiõkre, kia heka wadeereny ixỹruna rare. ¹⁵ —Kia tamy areòbyrenyrenykre myxiery: kai boho waweserenymy atxibenykre, kia heka myre, kia ibutumy hãbu mahãdu tõsityyreny rayrokre. ¹⁶ —Tai tahe awire, kai boho wariòrereny wana hãwyy my boibenykre, kia-diarỹ boho tahe ariòrereny wana hãwyy my araydònyrenykre.-diarỹ boho aykyrenyki arahãwanymy aroirenyrekre, kia tahe hãwã mahãdureny sohojilemy rakatxirenykre. ¹⁷ —Ka, txibo kai boho wabededỹỹnanareny-ò beòbybenyõkreki, kia waseriòrereny aridyrenykre. ¹⁸ Hamor, kia tariòre wana ibededỹỹnanareny-ò tamy reòbyrenyre. ¹⁹ —Kia timy raroorehenydi aõkõ, kia weryrybò rõsityyorore, kiemy dori Ijaò riòre-di rõhõtinymy ratximyhỹ. Kia Siquém heka ratyhydỹỹmy ratximyhỹre tyby boho sỹ mahãdurenyki. ²⁰ Irahudi Hamor, kia tariòre Siquém wana ròirenyre, hãwã ròtena-ò, tai bededỹỹnana relemyhỹreki, kia raryberenyre hãwãki hãwãdu mahãdureny-ò: ²¹ —Kaa iny mahãdu roirenyre heka iny biòwareny roire. Iny boho rikiwahinyrenykre, kia tii kaki rasỹnyrenykremy, kia bede rikiywinyrenykre kaki, kia suu tamyreny rehemynymy rakre. Iny boho hãwyy my rokoirenykre iriòrereny boho wana, kia tii boho tahe iny riòrereny wana raydònyrenykre. ²² —Ka tii boho tamy reòbyrenyke inykyrenyki ratxirenykemy, kia txibo hãwãdu sohojilemy rykoirenyrekekile, kia iny tamy rekeòbyrenykeki: ibutumy hãbu mahãdureny rõsityyorokre, iweserenymy. ²³ —Kia aõbo ibrorenireny-di aõbo ibutumy rykatxirenyõkre aõbo? Kia ibededỹỹnanareny-ò rekeòbyrenykreki, kia tii boho inykyrenyki rahãwanyrenykre. ²⁴ Ibutumy hãbu mahãdu iumy tamy reòbyrenyre Hamor wana, kia iriòre Siquém wana, kiata rõsityyororenyre. ²⁵ —Txuu inataõ sỹtybymy, kia hãbu mahãdu tesetyhymy raratymyhỹrenyu, inatxi Ijaò riòre, Simeaõ, Lev i wana,-dina seriòre boho, tatõnorireny rimyrenyre, kia hãwã -ò rirònyrenyre, kia inyõ rieryrenyõhyylemy, kia ibutumy hãbu mahãdu rirubunyrenyre. ²⁶ —Kia Hamor, Siquém wana rurulerenyre. Kia iutyhyle Simeaõ, Lev i wana-dina ritarenyre Siquém heto ribi, kia ròhònyrenyre. ²⁷ —Kia rubu sỹtybymy Ijaò riòre bohorenyõ riwasinyrenyre, aõnaõna iòwyhykỹmy rỹimyhỹre hãwã ykymy, kia rexiòwynyrenyre iseriòrereny aõhỹỹmy rutỹỹnyreki. ²⁸ Tii boho riwyrenyre budoeni, cabras, broreni, jumentos, kia ibutumy riwyrenyre hãwã ykymy, bederomy rỹimyhỹrenyre. ²⁹ —Ibutumy ritarenyre hetowo ribi aõnaõna-òwyninihikỹ, kia hãwyy mahãdu, uladu mahãdu ridylerenyre brejuna-ò ralòrenykre wesemy. ³⁰ —Taita Ijaò rarybere Simeaõ, Lev i-ò: —Kai boho bede sirasirahãkỹ-ò tiwaliditenyta. Ka tahe cananeus mahãdu, perizeus mahãdu, kia kasu ki hãwãdu mahãdu wamy radònyrenykre.-diarỹ hãbu waki sõeõre. Txibo tii boho rexibutunyrenykre wana, kia riwahurenykre, kia ibutumy wasỹreny mahãdu rururenykre. ³¹ Kia tii boho rirawyònyrenyre: —Diarỹ boho waseriòrereny ariwahinyrenyõkre, kia wedena wesemy idi ratxirenykemy.