Kikando 26
1
Mu kushila kutenda ibyo bitondo bingi, Yesu abulagha begheshibwa baghe:
2
Mukumana Pasaka sabe mu bindi bibili, nu Mwana wa muntu esanwe buno indwe ku musalaba.
3
Agho bansakogha banene nu bakungu ba bantu bakulumanagha mu mulungu wa Kayafa wabagha Sankogha mukulu;
4
nu bendagha lwango lwa kukata nu kwitya Yesu.
5
Tondo batendagha: Bubaghe busi bwa kisaghulo kunaba lwayo lwingi gha sambana bantu.
6
Bwabagha Yesu ku Betania, mu numba sa Simoni mubembi,
7
mukashi umoi ashighelela kweli akatilinde mwanshi wa mwambo wite ngenge sa bikulo bingi; nu mukuba Yesu akulya, mukashi amubongyagha oso mwambo mw'itwe lyaghe.
8
Kumona ku'bo begheshibwa baghe, binshushumagha, nu kutenda: Bino byashimila ku nkashi ki?
9
Uno mwambo unaghushishwe bikulo bingi, nu kubyelesha bakene.
10
Yesu, mu kongwa ku 'bo, ababulagha: Buni bumwashinula whono mukashi? Akitile mikolo nsogha kubushi bwani;
11
Kubuno mwite bakene bindi binsai, tondo tamuli n'ine bindi binsai.
12
Mukubongya mubili wani mwambo, akitile ubo ku bya nsinda sani.
13
Nababula bulili, kunsai kukasanswa bino bitondo bisogha mu kisi kinsai, bakaghanula byakita ghono mukashi.
14
Agho umoi ku babo ikumi nu babili, ukumanwa Yuda Ishikaliota, endagha kuli basankogha banene,
15
nu kutenda: Ki kimwampe nibakase we? Nu bamweleshagha bichele makumi masatu ma bikulo.
16
Kulingila agho, alondagha nkungu nsogha sa kwesana Yesu.
17
Busi busoki bwa tumpampa tuteghagha, begheshibwa batendagha na Yesu nu kumubula: Kuni kuwashima tukuyikile indya lya pasaka?
18
Inga ababula: Mwende ku musumba kwa lebe nu mumubule Mukota atenda: Nkungu sani seli bwighi; Kobe u kuna kitile pasaka ghamoi na begheshibwa bani.
19
Begheshibwa bakitagha anga bu babulwagha na Yesu, nu bayikagha indya lya pasaka.
20
Mw'igholigholo, alyagha ghamoi nabo ikumi nu babili.
21
Mu kuba bakulya, atendagha: Nababula bulili, umoi ku benywe an'esane.
22
Bonganagha bubibu, nu moimoi kubo amubushagha: Ndi 'ne, Mukota?
23
Akulagha: whoso wakumagha mu ntengi, ghamoi n'ine ukanesana.
24
Mwana wa muntu iyendela, anga bwatililwe kubushi bwaghe. Tondo musambo ku whoso muntu wesane Mwana wa muntu. Bunabinde busogha kweli ntanabutilwe.
25
Yuda, wamwesane, atendagha: Ndi ine, Labi? Yesu ing'amwakula: Uwe uwabu tenda.
26
Ghabinde bakulya, Yesu atolagha kampampa; nu mukushila kukasanila, aketulaketula ko, nu ku kelesha begheshibwa, mu kutenda: Mutole, mulye, u mubili wani uno.
27
Atolagha nu kaata; Nu kushila kukasanila, abeleshagha ko, mu kutenda: Munywe benywe bansai;
28
Kubuno seno u mikilha sani s'indaghi sakubulwa, ku bengi kubushi bwa kutucha bwaghi.
29
Nababula, nshikanywa lingo masi ma musabibu kwikila busi buunkanywa mango ma lighu ghamoyi na benywe mwa mu bukota bwa Tata.
30
Agho, ashighelelagha kweli Yesu, nu kumubula: Samba Labi! Nu ing'amu muma.
31
Yesu amubulagha.
32
Mwinda wani, biwashwile kukita, kita byo. Agho abo bantu bashighelelagha nu kumukata.
33
Petelo, mu kutenda amubulagha: Gha ukaba ikitalo ku bango, ntunkaba kwani ikitalo.
34
Yesu amubulagha: Nakubula bulili; mu kino kindi, nkoko ntabike, ndi ntu ntuna ngendo isatu.
35
Petelo amwakulagha: Ndi kukwa ghamoi nowe, nshikakutuna. Nu begheshibwa bansai bitendagha nubo ubo.
36
Yesu endagha nabo ku kishiki kimoi kikumanwa Getesemani, nu abulagha begheshibwa: Mwikale ghano nintunda kwenda kusegha.
37
Atolagha ghamoi nawe Petelo, nu bana babili ba Sebedayo, nu ongwagha bongwa nu kabebe kingi.
38
Ababulagha: Mutima wani wite bongwa kwikila lukwo; Mushighale ghano, nu muyamaghe.
39
Mukuba akita masomolelo ghabusho, ing'awila ku nda, nu kusegha bubuno: Tata, ndi buna koshibwa kano kaata bulai katinge bulai n'ine! Tondo ta bunashima, tondo buwashima.
40
Nu akulukagha kweli begheshibwa, abasangagha bayamile, nu ing'abula Petelo: Mwalibanwa kwikala nkungu emoi nine!
41
Muyamaghe nu museghe buno munashwa kw'ingila mu malingiko; Mutima u wakokomela, tondo mubili watamba.
42
Ishighanyagha lingo nabo, nu kusegha bubuno: Tata wani, ndi bunakoshibwa kano kaata katinge bulai nu nshikanywa, buwashima bukitwe!
43
Akulukagha, nu kubasanga lingo bayamile; kubuno miso mabo mabagha mashitogha na tulo.
44
Abashighagha, nu kwitunda, aseghagha lya ngendo 'isatu, mu kukulukila ibyo bitondo bimoi.
45
Lingo endagha kuli begheshibwa baghe, nu kubabula: Muyame lino, nu mwomulwe! Lola, nkungu sise bwighi, nu Mwana wa muntu esanwe mu maboko ma bisabwaghi.
46
Mwimaluke, twende: Lola, olya wanesana ise bwighi.
47
Ghabinde icheli atenda, lola Yuda, umoi kw'abo ikumi nu babili, ikagha, nu ghamoi nawe kikembe kinene kite myele nu mbando, basingilwe na bisankogha banene nu bakungu ba bantu.
48
Olya wamwesane abeleshagha kano kamanililo: Whoso unamume ku matama, u we, mumukate.
49
Agho, ashighelelagha kweli Yesu, nu kumubula: Samba Labi! Nu ing'amu muma.
50
Yesu amubulagha: Mwinda wani, biwashwile kukita, kita byo. Agho abo bantu bashighelelagha nu kumukata.
51
Nu lola, umoi wabagha ghamoi na Yesu alambyagha kuboko nu kutucha mwele waghe; Nu kuketula kutui kwa mukiti wa Sankogha munene.
52
Agho, Yesu amubulagha: Kulucha mwele whobe mu lubho lwaghe; Kubuno bakita na mwele, bakakwa na mwele. Tamukumana
53
buno ina segha Tata ansingile bikembe ikumi na bibili bya baghenshi?
54
Buni bukakuka bya tililwe, nu byemana kubasa?
55
Agho, Yesu abulagha kikembe: Mwashwile ku neli anga mwimbi, ghamoi na myele nu mbando buno mwinkumbe kwine. Nikalagha bindi binsai na benywe, kweghesha mu numba sa kukumbamila, nu tamwankatagha.
56
Tondo ibyo binsai bike, kubuno mitilo sa balenganya si belelele. Agho, begheshibwa, bamushighagha nu kutina.
57
Babo bakatagha Yesu bamwekagha kweli Sankogha munene Kayafa, u gha kulumanilagha batili nu bakungu.
58
Petelo amuyangagha kulai kwika mu mulungu wa Sankogha munene, ing'ingila mo nu kwikala ghamoi na bakiti, alole bwashile ibyo bitondo.
59
Bisankogha banene nu lusu lughimaghima balondagha buteneneki bwa bwisa kuli Yesu buno bamwitye.
60
Tondo tabamonile kena, kilo bateneneki ba bwisa babagha. Babili bikagha nu kutenda:
61
Ghono atendagha: Inakosha kwendula numba sa Ghongo sa kukumbamila, nu ku bindi bisatu nti nasitosha.
62
Sankogha munene imalukagha nu kumubula: Ntu kwakula kena? Ki'cho cha kwecha bano bantu?
63
Yesu akobagha. Mukutenda Sankogha munene amubulagha: Na kulumbisha, kuli Ghongo weli gho, tu bule ndi uwe u Kilishitu, Mwana wa Ghongo?
64
Yesu amwakulagha: Uwe u wabutenda. Kutinga ibyo, nababula bwasibwasi, mukalola Mwana wa muntu ikalile kw'indume kwa bwangato bwa Ghongo, nu kushwa mu lubhu lw'ighulu.
65
Agho Sankogha munene, atagha nshulu saghe, nu kutenda: Enegha Ghongo! Twite lingo nkasa sa bateneneki? Lola, mwatuka kwongwa ku mwenegho waghe. Buni bumwalola?
66
Bamwakulagha: Emana lukwo.
67
Kumbusa k'obo bamushulilagha tutai ku malanga, nu kumusunda binkune nu nsamba sa mpongo mwa mu kutenda:
68
Kilishitu, lenganya; nayi wakupunda.
69
Nu Petelo abagha ikalile kushinda mulungu. Mukiti umoi wa mukashi ashighelelagha kweli nu kumubula: Nuwengo wabagha na Yesu mwisa Galilaya.
70
Tondo amutuna mu miso ma bansai nu kutenda: Nshikumana biukulonda kutenda.
71
Bwabagha akushighelela bwighi na lumbi, ungo mukiti wa mukashi amulolagha ko nu kubula bab'ikalile agho: Whono nuwe abagha na Yesu Munasaleti.
72
Lingo ing'atuna, mu kulumbila: Nshikumana whoso mulume.
73
Ghating'ibyo, babagha agho bashighelelagha, babulagha Petelo: Bulili uli umoi wabo bantu, nu mutendeshi whobe wakulosha.
74
Agho, imbikagha mu ku shulila nu kulumbila: Nshikumana whoso mulume. Agho, nkoko sabikagha.
75
Nu Petelo akengelagha kitondo chamubulagha Yesu: Nkoko tasa bike, ndi ntutuna ngendo isatu. Nu akukukagha, nu kulila bubibu.