¹ Maili Mbali koendeseleka na Mosombo, waye tchebanjala ambe wasonjeke na Satana. ² Kotungesa kokanda moleli n'su n'kama ina, butu na looba buwa kowa, n'nja nakolongeya we. ³ Mosonji, nakoluleya we, waena nande: "Aika mbe owe-i Mana Mokonga, toma mawe wi mano mbe matimboke mekati." Mbali nakosumboleya we: "Yeandikilekei: Moto uto koika ande bondiya mokati lika, ⁴ Mbali Na koena nande: "N'ndi mo kila bondi yakotoka mo kana ka Mokonga."

⁵ Eke Setana nakoisa Mbali ya Mokonga; ⁶ We nakoena nande: "Aika mbe ukai Mana Mokonga, tinga kose, bondiya yeandikilekai: Wootomai bakitomo bande kao kabe mo iwe."

⁷ Mbali waena nande: Wesonyangi Mokolo Mokonga wabe."

⁸ Setana nakoisa we ephfe kiyo na mokondi ya eya iboka. Wamoesa we bokota yoose ya tchese tchetondo na ome yande, ⁹ Waena nande: "Bemo boose nokoesai owe, m'mba walubaneya noo na kolombesa noo."

¹⁰ Aoowo ke Mbali naoena nande: "Toka, Satana, bondiya yeandikelekei: "Lombesa Mokolo Mokonga wabe, akesa-we n'kasa we omune lika."

¹¹ Eke Satana waeka iki-we, eke mona, ba kitomo nakula, babundeya ike we mekambo.

¹² Mbali nayo m'ngba m'bele Yoani wa abeleke, we nao toka n'kati ya Galilaya. ¹³ Waekangi okita ya Nazara, nakiya koika kafalanamu, motanga ya okonge ya iyaba, n'nkati ya n'kita ya Zabuloni na Nefutali. ¹⁴ Ambe yaiyane looki ya enekanga mo kana ka motondoli Isaya: ¹⁵ "Okita ya Zabuloni, na okita ya Nefutali, m'mkoka ya iyaba, obalu ya Yolodani, Galilaya wa bese. ¹⁷ Kolinga aowo Mbali walinga konagola: "Enjekai metema ino, bondiya bokota ya kiyo yaikake aiye-iye." ¹⁸ Mbali ambe wokoenda mo okonge ya iyaba ya Galilaya, wamona tchenina bato babe, Simona wokoenda mo okonge ya iyaba ya Galilaya, wamona tchenina bato babe, Smona wokoeteka mbe Petele na Andele mana nina. Baikangi na koota bosaka mo iyaba, bondiya baikangai baoti. ¹⁹ We nakoena nabo: "Waai, ondai-noo, nootai bane bato. ²⁰ Bo nakoeka maska mabo, baonda we. ²¹ Waya na boso, wamona baphfe tchenina babe: Yakobo, mana Zebedeo, na Yoani mana nina; baikangi mo waato asimaamo na Zebedeo, ise wabo, ambe bokoenjeka masaka nabo. Mbali nakoeta bo. ²² Moo moo baeka waato na ise wabo, baonda we.

²³ Mbali na koitmba Galilaya motondo, ambe woonangola n'nkati ya asima ya makumbe mabo, na kosaowa Mosao Osaali ya Bokota, na koondesa kila oso na kila boteleli ya beya n'nkati ya bato. ²⁴ Mosao ya okuku yande yaengama ko metanga yoose ya Siria. Basieya we bato ba bemusi boose, baa bika na n'so na bemusi n'kitaka na n'kitaka: "Bato si baa bika na Satana na baa bika na kifafa na baa bika na bilema. We nakoondesa bo. ²⁵ Metuka ya buwa ya bato nakoonda we, kolinga Galilaya na Dekapoli na Yelusaleme na Yudea na okonge ya Yolodani.