¹ Bosu si oowo Yoani Mon'nyi walanga ambe woolondowa mo isee-seke ya Yudea: ² "Kalanganyai ko metema, yaike aiye-iye." ³ Yoani ukai, na awo weene weowa wataekanga na motondoli Isaya waenanga mbe: "Njekai m'mboka ya Mokolo, nanowai beeleyo bande."

⁴ Yoani waikangai na makelele na asali n'ntulu ya mpuu ya ngamia, na obaa ya okoba ya n'nyama mo mponjo. Moleli yande yaikangai makelele na asali wa okonda. ⁵ Melombiya yoose ya Yelusaleme na boose ba Yudea na metanga yoose si eya ika baka baka na yolondani, batoka mo kobuleya-we; ⁶ Ban'nyeka nande mo mosowe ya yolodani, ambe bookalanganya beteleli babeya babo boose. ⁷ Aabowa emone-we ba Falisayo na Basadukeo babuwa kula kowa kande ambe ban'nyake nande, Yoani waenangi nabo: "Biki iboti ya njoka; nani waebesake bane m'mboka ya koeleya lisomi si eeya yokula obeyo? ⁸ N'ndi moesi beteleli besali beya boomoesa mbe batimbokake na liti. Babuwai koenyeleya ko metema ino na koena: ⁹ Abalayama m'mba i ise wito! Naenake nino mbe: "Kotoka ko mawe si mano, Mokonga weengame komola bana ba Abalayame. ¹⁰ Bondia tchonda tcheteleke bakama na isina ya kate. Eke kila kate koose si kaa kitoobota touma tosaali, koobukekai ko m'mboleka mo kaya. ¹¹ Noo, na N'yake bane betimbole beteleli bino ba metema; n'ndi owa wokula maili nane, wika na tchekamba tcha kolongeya noo. Bena n'teengame ango kokandoleya-we meeli ya bilato bande. We wokon'nyai bane mo Mosombo ya phfenena bena na kaya. ¹² Webunde loongo ya kopeta mo kaako kande, woophfenesai obanja bosaali obanja yande; ngano wande wootai we asima amo na kota we ko moo, n'ndi makame woolelekanesai mo mokaya kaa kitoolima.

¹³ N'nyanga si eeyo Mbali wa buanyangai, waluleyangai kotoka Galileya we nakiya Yolodani ka Yoani, ambe wan'nyeke nande. ¹⁴ N'ndi Yoani walingoleangi we, nakoena: "Noo-i neengame kon'nyeka kowa kabe, ke owe kai okula kowa kane-e? ¹⁵ Mbali wasumbolea we: Akowa ike abe: Bondiya boobo-i eengame mbe teiyanese koselela koose." Mo boobe ke Yoani waakoleya-we. ¹⁶ Mbali maili ya kon'nyeka, we nakobanda kotoka ko maale. Monai, obowa nakokandoka, wamona Mosombo ya Mokonga yaselela, koika. ¹⁷ Koika m'mba n'njiwa, yala kiyo nande. Eke mona, looki kotoka kiyo yeano: "Oonoi-i Manane wa ikeya neemeleke nande."