¹ Mokocha ka, Mekota yoose na bato ba koandika, ban'ngesa chetanda mbe baebe bondi ya koiya Mbali. ² Maili ya kokanda we, baya nande boso ya mokota Ponce Pilato.

³ Aowo eke moeki wande omo Yudas Iscariote owa waabanga Mbali, wamona mbele beeme koiya we eke wakalanganya eke wala kosimbola beeya si beeya baesanga baesa we bondia ya koiya Mbali kosumbolea mekota na baandiki. ⁴ Eke Yuda waena, wetei kobeya moko aba moto owa utete kobeya ango komo, bunda beeya bino, weteyi kobeya, koakowa mbe mokiya yo owa obuwa na motimbi ango omo aiteke, wasumbolea bo beeya si-eke mekota, balingowa kobunda yo bombe, leyo eteangalie kae base. ⁵ Yuda, waya kombola beeya si molumba ya masomboli eke we nakosumboka eke waya kokanda mooli mo ikoti, eke we na kokpa. ⁶ Mekota bo na kosumbola beeya si, eke bo mbe, mo ba angile babo beeya si beebo bitengame bandi na ko n'ngeya mo Asima ya koiseka beeya, bondia ikai iyoli ya mokiya. ⁷ Ko mana kosambesa we, eke na beeya si beebo baowa iba, ya kota buyako ya koleka baeni, lina iba si Imba-Potier. ⁸ Bena moono bato, liinasi eyo inaika bande mo boikaneo si owo. ⁹ Ke yaengama maondi si maa maenanga motondoli Yeremia, bo na kobunda beeya si beebo, oketi ya iyoli ya Mana - Moto, bowa abukanga bana ba Israeli. ¹⁰ Eke baesa yo mokoowa iba ya Potier, bowa aenanga mokolo.

¹¹ Maili, na ao, Pilato waena: Mastaki mabuwa mo kochongeya owe?

¹² Ndi uteene bondi mo mastaki moose ma maenanga Mekota ya Bayuda na baandiki. ¹³ Eke, Pilato waena nade ephe, owe otokongba, bowa bokoena bondi abeei? ¹⁴ Mbali wobuwande na koena na tomelali bondi ango omo waikangai chande. ¹⁵ Mo kila cheombe, mokota waikangai na lousa ya koomola moto omo wa moololo, owa bato ba motango bokoena. ¹⁶ N'kati ya lumba ya moyololo, baikangai na moto omo, wabeya, wa maondi mabeya, lina yande Barabbas. ¹⁷ Bowa aikanga boose, eke mokota Pilate waena nabo: na Barabbas na Mbali neeke nani? ¹⁸ We mokota, waebangai mbe boose bayuda, baemangai koiya Mbali buwa isina ango emo.

¹⁹ Mbe mokota, uka mokakalanga mo Tomelali, eke mokala nde walulea we eke waena nande mbe: ntelame seane bosaali, mamonakei n'ndjoli ya buwa bondia moto si ono ntemone bande isina ango emo eya yokomba bafalisayo mbe wakpe.

²⁰ Mekota, na bato bakoandika baebesa bato boose mbe, baene mbe beeme ikeande mbe baeke Barabbas eke baiye Mbali. ²¹ Tomelali waphiphéa, n'kati ya bano bato babe, beemei mbe neeke nani. Eke boose bombe Barabbas.

²² Pilato waena nabo: "Nete chei na Mbali, owa bokoeta wembe Klisito?" Boose na koakaya mbe: "wakpe mo lieka.

²³ Eke, mokota waphiphéa bo, koni kobeya kete we? Bo nakoakaya ephé: "kpe mo lieka."

²⁴ Pilato nakomona mbe, lokendi ika iboka, eke waeta mokali na kopo wa maale, wasoola maako, bondia, witamonanga bande, bondi abeya ango omo owa atanga we, ndi Mbali. N'toomona ango chemo mokoilea mokiya yande bule bule.

²⁵ Okita otondo ya bayuda, nakoakaya, bo mbe, mokiya yande, yaseyame, yaiteke ko mechwe ito, na mechwe ya bana bito. ²⁶ Aowo, eke Pilato waeka Barabbas, eke baendelea na kolubeya Mbali (Yesu) balubesana nande na bafimbo, maili eke baiso ike we mokokpa mo lieka.

²⁷ Basoda ba tomelali baya na Mbali mo asima owa boko-iyanga ba kuluna. ²⁸ Batoesa we n'tulu ya kochelea we. ²⁹ Baendjeka m'po ya meeme yameke eke ban'ngesa yo komochwe ande eke bal boso nande mokochekelea we eke baesa we kasala eke ba lalesa we na kolubeya malu asse mokelengeya we, mbe bo ko ena: baesa we saloti, saloti, mokota ya Bayuda. ³⁰ Batuphea we mata, baesa we motuka ya meke, ambe bolubeya we mo mochwe. ³¹ Maili ya kochekelea we, batoesa we ntulu babatesa éphè yabeya eke baya nande kiya koiya we.

³² N'nyanga beomoke, ba sanganangai amo ome omo Silene, wa etekangai Simona, ke ba kakameya we mbele wa biye liyeka ya Mbali. ³³ Ko koma mo boikaneo si owa eeteke Glogota, owa yo koena mbe asima ya mokuwa ya motchwe. ³⁴ Beakesi we maale mbe mika na n'ngili, n'ndi a abowa esondje we, utaemangande koma. ³⁵ Maili ya kota we mo liyeka, bebaanyi n'tulu yande, kota tombola, mbe eya aenanga molondoi: "bebaanyei n'tulu yane, ke ba sonesana n'kandjo yane. ³⁶ Ke beikei ke ba tchunga we. ³⁷ Mo kolembelesa isina ya kokandeka kande, ba andekangai kio na motchwe yande: "onoi Mbali, mokota ya ba Yuda." ³⁸ Meeta ibe yekpi nande asima amo mo liyeka, omo mo ilome yande, ke ophe mo ikali yande. ³⁹ Baeti na m'mboka ba sendaingai we, mbe bo ko nyengesa nyengesa motchwe, ⁴⁰ mbe bo ko ena: "Owe si owa o omuna lumba ya bosonganeo, ke waimetcha yo mo n'su isato, ondesa kasa owe omune! Aika m'mba ukai Mana Mokonga, selela mo lieka."

⁴¹ Baabi ba mafaefi ba kio, na baa bo ofundisanga ba angile, bena bakolo bato ba sekangai kaiwe, ke ba enangai: ⁴² "Wa ondesangai baphe, ke uteengame ko ondesa womunei! Aika m'mba uki mokota ya ba Israele mo liyeka, ke toko lombesai we. ⁴³ Wa londoleyangai Mokonga, ekai mbe, Mokonga wa ondesa eneeke, aika m'mba weeme we. Bondia wa enangai mbe: "Nikai Mana Mokonga." ⁴⁴ Meeta si eya ba ikanga nande mo liyeka, ba sekangai we m'mba boobo kae.

⁴⁵ Kolinga n'nyanga ya motoba bena n'nyanga abowa, iphuwe ya ikangai mo tchese tchetondo. ⁴⁶ Ke ko onda n'nyanga yabowa, Mbali weyakayi na looki aema: "Eli, Eli, lamasa bakatani? Isina iki mbe: "Mokonga, Mokonga, bondia tchei watchitchanake noo?"

⁴⁷ Bamo si baa ba ikanga aow, bein'ngbei we, ba ena: "Okoeta Eliya."

⁴⁸ Ke aowo omo wabo wiyei obeyo, kotomba monuku ya n'tulu eya weiyese na maale ma n'ngili, ke, wata yo kabate, wa akese we mbe wame. ⁴⁹ N'ndi baphe ba enangai: "Ekai temonei m'mba Eliya okulai ko ondesa we." ⁵⁰ Mbali wesuli ephe iboka, ke wa buka motema.

⁵¹ Ke monai n'tulu ya lumba ya bosonganeo na koasoka matuku mabe, kolinga kiyo bena kose, n'seke yanyengenya, mawe maateka teka; ⁵² mabuyako mekandokei, ke mebe ya bapheneni si baa bekpe yeimokei. ⁵³ Mo kotoka koa mobuyako, maili ya koimoka ka Mbali, ben'ngeyei ko botuku ya motanga ya phenena, ke bemonekei oketi ya bato ba buwa. ⁵⁴ Motchungi na baa ba ikanga nande bondia kotchunga Mbali, ko mona n'seke ko nyengenya bena eya ile, beiki na ko teka teka ka ema, beenei: "Liti mene, amo ome si o no wa ikangai Mana Mokonga. ⁵⁵ Ba mokali ba buwa baikangai aowo baa ba monanga mo kpaya, ke ba tokangai na Mbali kolinga mo Galilea, mo ko tumikiya we. ⁵⁶ N'nkati yabo aikangai Maliya wa Magadala, Maliya n'na Yakobo na Yezefu, bena n'na bana ba Zebdéo.

⁵⁷ Ko koma na iyo, amo ome omo na kula, iphoka ya Arimataya, wa etekangai Yozefu, wa ikanga kai moeki wa Mbali. ⁵⁸ Yozefu wetombei tchelio, walinga tchelio tcha Mbali. Ke Pilato weesei isosa mbe baakese we tcho. ⁵⁹ Yozefu wetombei tchelio, walinga linga tcho na molekani ya phyphoka. ⁶⁰ Ke weitchei tcho n'nkati ya buyako ya eneeke, oowa yeese n'nkati ya mawe. Ke welindekei na iwe yaema mo bo n'ngeleo ya buyako, ke waya. ⁶¹ Maliya wa Magadala na ophe Maliya ba ikanga aowo ase boso wabuyako.

⁶² Na eyaephe n'pendu, aikangai botu ya maili ya koendjeka, baabi ba maphaephi ba kio na ba Falisayo biyei boose baka na Pilato. ⁶³ Ke beeme: "Mokolo, base taengeleyaki mbele moto si ono wa olanga wa enangai, mbe okenaika asa: "Maili ya n'su isato ne kaimokai. ⁶⁴ Aesi isosa mbele buyako ya tchungeleke bena mo botu ya isato, mbe baeki bande bitilangi koiba tchelio, ke baene na bato mbe: "Weimokei ko bakpi. Olanga si o ona ya maili yo obeyai koeteya owa ya boso."

⁶⁵ Pilato weenei: "Bika na motchungi; yaai, tchungai we m'mba boa bo ko n'ngba. ⁶⁶ Ba yangai, ke bata ba tchungi mo buyako, ke ba kakata tcha iwe tcha ema kio buyako.