¹ Eyan, e̱de̱ ke fuan, oje ohe̱n ere̱me bi edio̱n e re̱ hin o̱gba gai Ijesu le re̱ gboi vbu'bi. ² E gbalo̱i, ere̱hain ere̱ wui ni Ipailate lo̱ re̱vbo san. ³ Eyan e̱ghe̱ li Ijudasi, o̱lo̱ ro̱i vbie̱, re̱ mie khi a re̱i Ijesu zibohi, o̱ mo̱i ioe̱ke̱n de̱lue̱n bi o̱ chei wui o̱li kpain igbe 'ihie̱n si isiliva yi o̱li oje ohe̱n bi eledio̱n, ⁴ O̱re̱ivain, "I vbi o̱ho̱o̱ li re e̱re si o̱lo̱i vbi emio̱so vbie̱," Ama yan reo̱i, "emi khi o̱ae̱n re̱hi mai? dobe̱woi oain." ⁵ O̱re fi o̱li siliva ovbi oto̱i vbi ite̱mpo, o̱re o̱ ri 'ufi din. ⁶ ̱li oje ohe̱n huai eli siliva vbi otoi re o̱ re̱iain, "O̱i hume̱n la ri o̱na bai egho o̱hio̱ si egho si e̱re yo̱in o̱." ⁷ Ere koko oi o̱li iye̱mi e re̱ kuo̱i gbe yan ri o̱li egho di ebi yai lo̱ yan tin ire o̱. ⁸ O̱hio̱ si o̱na a kere chi o̱loto̱i, "Otoi si e̱re" re̱ se̱ vbi uke̱de̱ le̱na. ⁹ Eyan emi li Ijerimaya o̱lo̱mie̱o ta se̱i, o̱re̱o̱i, "e re̱ wui o̱li siliva o̱gban, egho li ehe̱n Isre̱li ze̱ o̱i vbi uhumi, ¹⁰ ere ri o̱li egho di oto̱i si Ipota, ze̱in labe̱ o̱lo̱mo̱e̱mai ye me̱." ¹¹ Eyan Ijesu damuzan vbi sao si o̱lo̱re̱vbosan, o̱re̱ miai gho, "We̱we̱ ikhi oje si ehe̱i Ijusi?" Ijesu re̱ ayo̱i, "We̱we̱ u ti yo̱." ¹² Ama e̱ghe̱ li oje ohe̱n bi eledio̱n re̱ so-o̱i ezo̱n, o̱i mie̱mie̱. ¹³ Ipailate re̱o̱i, "U hin ezo̱n la gue o̱vbi egbe se̱?" ¹⁴ Ama o̱i ti'ukpeta o̱kpa, la re̱ miē khi o̱lo̱ re̱ vbo̱san za yiunua. ¹⁵ Eyan e̱ghe̱ si ukpe o̱lo̱rievbosan o̱ fain o̱lighan o̱kpa li obotu zei. ¹⁶ Vbi e̱ghe̱ ain e mo̱i olighain o̱kpa la cho̱i Barabas. ¹⁷ Bi yain re̱ sikoko, Ipilati re̱iain, "o̱o̱ vba ho li fan? Barabasi, di Ijesu lae cho̱i Ikristi?" ¹⁸ O̱en khi e wui Ijesu nai o̱hio̱ si imo̱e̱o. ¹⁹ Lo̱ kere̱ dia vbi e̱kpete si ighae̱zo̱n, o̱hai yi eta yo̱i o̱ re̱o̱i, "e mo̱i obo̱ ovbi iyerri si o̱lo̱mo̱he na li obo̱ so̱i fuan. I ke mie̱so̱n ohio si evbohie̱ li moe̱ ena o̱kpa vbi emo̱i." ²⁰ Eyan, eli oje ohe̱n bi eledion yain deli udu si eli obutu yai re̱ mie̱i Barabasi, la re̱ gbi Ijesu. ²¹ O̱lo̱re̱vbosan miai'iain khi, lyi o̱kpa vbi use sian vba hoo li nifan?" Yan re̱o̱i "Barabas." ²² Ipilati re̱iain, "Emi lo̱ ri Ijesu la cho̱i Kristi u?" Yai ere̱me̱ aye̱in, "hain ye̱n vbi o̱gbe̱n." ²³ O̱re̱i ain, "Emozei, iyi o̱ho̱o̱ lo̱ se u?" ama yai totobo̱ huoru, "hain ye̱n vbi o̱gbe̱n." ²⁴ Li Ipilati re̱ mie̱ khi o̱ha meti vbi emio̱so, ama ohue̱n lohua lo̱ be̱'e̱, o̱ wui ame̱, o̱ kpi abo̱ so̱i vbi irao si o̱li obotu, o̱ re̱iain, "Ibo mo̱i obo̱ o̱vbi e̱re si o̱lo̱mohe na lo̱i vbi emio̱so̱. Vba oo̱i le'egbe vba. ²⁵ Agbo̱n ere̱me̱n re̱ tui khi, "li e̱re so̱i evbi uhumi mai bi isi ivbi mai." ²⁶ O̱ re̱ fi Barbasi ni ain, ō re̱ ri ukpasami vbeoi, o̱re wui nian lai hain ye̱n vbi o̱gben. ²⁷ Ivbiohue̱n si o̱lo̱re̱vbosan wui Ijesu o̱vbi ebazaghae̱zo̱n ere̱ si ivbiohoe̱n ere̱me̱ koko. ²⁸ E bano̱i a e kui ukpun lo̱vbai nai. ²⁹ Ere wei uvbieru si igban nai, e wui ukpokporan oi vbo'obo̱. E digua yan za yan za ye̱yo̱i, ere̱vi, "Zaiki, oba si ehe̱in Ijusi!" ³⁰ E tuese̱n o̱i vbegbe, yai ri wui o̱li ukpokpovan fioi vbi uhumi. ³¹ Bi yai kere̱ ye̱yo̱i le, e kui o̱li ukpun so̱i vbigbe re, e wei ukpun so̱i mai ya re̱ wo̱i san vbi ebi yan lo za hain o̱vbi o̱gbe̱n. ³² Bi yai re̱ diare, e mi o̱mo̱he o̱kpa lo̱ za vbi Icirani vare lae cho̱i Isimo̱ni, lian ri ikpamika wu re̱hain egbe lo̱ rē kpao̱i wui o̱gbe̱n so̱i. ³³ E di ayo̱'o̱kpa re la'echo̱i lgogota, lo̱ damuzan vbi "eba huai akpoka si uhumi fio." ³⁴ Yai wui eyo̱n la re emilo̱la o̱ ama lo̱ re̱ ri unu fēo̱igho̱, o̱i meti dai. ³⁵ Bi yai re̱ soo̱i ye̱n vb'ogbe̱n le̱ e ke̱ni ukpun so̱i zi egbe obo̱, ³⁶ Yai re̱ dia yan re gbi'khe̱e̱. ³⁷ Egbi uhumi so̱i ere̱ vin emi la ze̱o̱i vbe̱gbe, "O̱na ikhi Ijesu o̱ba si Iju." ³⁸ A soi oi eva o̱vbi o̱gbe̱n kpen o̱i, o̱kpa vbi obo̱'o̱dio̱n o̱lo̱ zeva vbi obo̱'o̱gobo̱. ³⁹ Eya lian rare yan lueoi, yan kpeghi uhumi sian. ⁴⁰ Yan re̱o̱i, "We̱we̱ lu e̱i u lo̱ meti gbo̱i ite̱po kua u che zo̱i ukpe̱de̱ ea, fai egbe̱! U kha vbi obi Oise̱le̱bua, di oto̱i re vbi ohumi o̱gbe̱n!" ⁴¹ Iyoi eli oje ohe̱n bi ehe̱i Isicribi bi eli edio̱n o̱ gbo ye̱yo̱i, yan reo̱i. ⁴² Ō fai evbee, ama o̱i meti fai egbo̱i. Yo̱i ikhi o̱ba si Isire̱l. Loi di oto̱i re vbi ohumi ogbe̱n, ai ma lo̱ za mio̱i ho̱n. ⁴³ O̱ juduan Oisēle̱bua, Oise̱le̱bua sumo̱i, Oise̱le̱bua kha ama o̱lo̱ mo̱i man. O̱gbo tai khi, Yo̱i ikhi ovbi Oise̱le̱bua." ⁴⁴ Iyo̱i li eli oi la so ye̱n vbi o̱gben ba oi yan gbo hue o̱i. ⁴⁵ Eyan, re̱ za vbi wakati ehan re̱ di wakati isin aso̱n so vbi o̱e̱vbo ere̱me̱. ⁴⁶ Bo̱ re̱ se̱ vbi wakati isin, Ijesu vie̱i vbi ukpuru lohua o̱re̱o̱i, "Eli Eli Sabachthani?" itimo̱ so̱i ikhi "Erame̱, Erame̱, emo ke ze̱ me̱ obo̱ ni?" ⁴⁷ Bi agbo̱n eso̱ lian damuzan vbain hin emi lo̱ tai, yan ro̱i, "O̱e chi Elija." ⁴⁸ Vbagala o̱kpa vbi ain wui ihio̱n lo̱ wui eyo̱n lo̱ he̱he̱i o̱ o̱ wo̱i o̱vbi ukporan lo̱ rerei, o̱ wo̱i nai wuo̱n. ⁴⁹ Ele co̱re re̱o̱i, "Zo̱i obo̱ zi ma mie̱ si Elijah lo̱ vare o̱ fai." ⁵⁰ Ijesu re̱ fi ukpuru o̱re̱ fin etin a. ⁵¹ Gbuu, ukpun la fi o̱vbi ite̱poli za vbi ohumi si eva di oto̱, oto̱i re kpeghe, ido gbo kua. ⁵² Idi vuyea, egbe si ele fuai leke ulo e zavbi e̱ke̱in idi diare. ⁵³ Eza vbi idi diare bi Ijesu re̱ za vbi idi diare, yai ovbi e̱ke̱in evbo lo̱ jua o̱ regbe vbiei elobu. ⁵⁴ Eyan ē̄ghe̱ li o̱li kenturo̱ni bi eli yan woi Ijesu mi emilo̱ ruan, yai totobo lofe̱n ya ro̱i, "Vbata ovbi Oise̱le̱bua ikhi o̱na." ⁵⁵ Ikposo le bun lian zavbi Igalili re̱hain vare yia za vbi odorere woo̱i. ⁵⁶ Vbi use sian ikhi Imari Imadalini, Imari iyin Ijamisi bi Jose̱f, bi iyo̱i ovbi ze̱be̱di. ⁵⁷ Ewuan ke re, o̱mo̱he o̱kpa lo̱ fei o̱lai Arimataya, lae cho̱i Ijosefu, lo̱ gbo vbi o̱lo̱ re̱hain Ijesu. ⁵⁸ Ō gi Ipilati ze lo̱ re̱ wui oimi si Ijesu, Ipilati re̱ ta la wo̱i nai. ⁵⁹ Ijosefu ri ukpu lo̱fuan gbali o̱li oimi, ⁶⁰ O̱ wuo̱i o̱vbi idi so̱i lo̱gbo̱n lo̱ dobo̱i hian vbi udo. O̱re̱ ri udo lohua voi huhe̱de̱ si oli idi o̱re̱ san. ⁶¹ Imari Imadalini bi Imari lo̱ zeva yan rivbain, yan dia vbi egbo'kpin o̱li idi re. ⁶² E̱de̱no̱i, lo̱ vbi e̱de̱ lo̱ rai e̱de̱ la ke wai egbe le, o̱li oje ohe̱n bi ehe̱i Ifarisi bi Ipilati yan sikoko. ⁶³ Yan re̱i, "Mai ere khi eghe li o̱lo̱teagbon a ain re ri vbi agbo̱n, o̱ re̱i. O̱ ha se̱vbi ukpe̱de̱ ea I lo̱ che sore. ⁶⁴ Ohio si ona kpase la re̱ mie khi oli idi na a vbi ekhee gai vbi ekein ukpede ea, su vbi yo̱ ivbiodogho so̱i lo̱ vare o̱ doo̱i wu yan lo̱ ta vbie̱ agbon ho̱n khi, "O za vbi eu chie re, ate̱ e lo̱ khi uoho o̱lo gba le̱i o̱lo̱ kpao." ⁶⁵ Ipilati ro̱i ain, "Wui uvbi oho̱e̱ o̱kpa vba o̱ he̱o̱i ebi vba lo̱i meti." ⁶⁶ Eke re̱ lodeī o̱ he̱i o̱li idi.