¹ O̱ che rare e̱ghe̱ li Ijesu re̱ foi eli eta na, o̱ ta vbie̱ ivbiodogho so̱i. ² "Vba e'en khi oli ena ikhi ukpe si agbera, o̱vbi Oise̱le̱bua alo̱ wo̱i gbai ye̱n vbi ogbe̱n." ³ Eya oje ohe̱n bi edio̱n sikoko vbe eguai si o̱li oje ohe̱n, lai e cho̱i Caiafase. ⁴ Yai koko mami eba lo̱i do'o wui Ijesu lian vbo̱i. ⁵ Khi yan kere tai khi, "O̱i vbi e̱ghe̱ si ukpe, lai mie, khi uhue̱n lohua diare vbi use si eli agbo̱n." ⁶ Eyan bi Ijesu re̱ rivbi Ibetani vbi iwe si Isimo̱n lo̱ mo̱i ite̱n, ⁷ Eboi wui egbe lo re̱ dia, o̱kposo o̱kpa lo̱ wui ubele'evi lo̱ ghain re̱ gai ze, o rē kui o̱li evi o̱vi uhumi so̱i. ⁸ Ama li ivbiodogho so̱i re̱ miona, yai be ya biohan yan re̱io "Emo̱ ma si o̱li afoa na re? ⁹ Aha metin ri egho lohua sin o̱na a wo̱i ni eliamie̱so̱n. ¹⁰ Ama Ijesu, o̱ e̱in o̱na, o̱ re̱i iain, "Emo̱ ze̱ khi vba kpokpi o̱li o̱kposona? Khi o̱ vbi emi le̱se̱n ne̱ me̱. ¹¹ Vba mo̱i eli yan mie̱so̱n vbi use vba, ama i kha e kpen vba vbe̱ghe ere̱me̱. ¹² Khi e̱ghe̱ lo̱ re̱ kui o̱li evi na ov'egbe me̱, o̱ vbuo̱i o̱hio̱ si eu me̱. ¹³ Vbe̱kein ata I ta na vba ho̱n, ebogheiu la za wewi eta si okhume̱me̱ na vbi o̱li agbo̱na ere̱me̱, Emi li o̱li o̱kposo na u a lo̱ gbo tai vbi aere so̱i." ¹⁴ Eya, o̱kpa vbi o̱li lgbe'eva la cho̱i Ijudas Iscarot, lode vbi si oje ohe̱n. ¹⁵ O̱ re̱o̱i, "Emi vba lo̱ wu ne̱ me̱ li re̱ wo̱i na vba?" Ere̱ wui ikpi siliva ogban nai. ¹⁶ Re̱ za vbi o̱li eghe ain ra le̱ o̱re ebi o̱lo̱ za fi Ijesu ni ain. ¹⁷ Eyan vbi ede lo̱ kpao vbi eko lo̱i khe̱n re̱ eli ivbiodogho gi Ijesu ze 'ere̱o̱i, "Ebi wa gho li mai e̱he̱n lu lo̱ za i emai si afirare?" ¹⁸ O̱re̱i ain, "Lode o̱ gi o̱mo̱he o̱kpa ze vbe̱ ke̱in e̱vbo ta vbio̱i khi, 'o̱lo̱ vbieiemi ro̱i, "Eghe̱ me̱ sire. I lo̱ vbi afirare vbi iwe se̱ bi ivbiodogho me̱." ¹⁹ Eli ivbiodogho ere̱o̱vbo ze̱in labi Ijesu o̱i yian u, ya re̱ ehin o̱li emai si afirare. ²⁰ Ewuan ke re, o̱ dia o̱ kpai ivbodogho so̱i emai. ²¹ Ebi yian emai, o̱ re̱iain, "Vbe̱ke̱in ata na vba khi oto̱kpa vbi use vba lo̱ re̱ me̱ vbie̱." ²² Yain re̱ mo̱i itue̱gbe̱, o̱kpo̱'kpa vbi ain ke̱re̱ main, o̱ivbi me̱me̱, o̱ho̱moemai?" ²³ O̱ aye̱i, "O̱kpa lo̱ de̱ba fio'obo̱ ovbi tasa yo̱i o̱lo̱ re̱ me̱ vbie̱. ²⁴ Ovbi Oise̱le̱bua lo̱ lode̱, ze̱in la bai vin o̱i re̱ yo̱i. Ama ihueo re̱yi o̱lo̱ri ovbi Oise̱le̱bua vbie̱! O̱ kha hume̱n re̱yo̱i sai vbiai." ²⁵ Ijudasi, o̱lo̱lo̱ro̱ivbi re̱o̱i, "Meo̱me̱ o̱, o̱ga?" O̱re̱ ta vbie̱oi, "U dobe̱ tai." ²⁶ Ebi yai emai, Ijesu wui eko, o̱ hian a o̱ wo̱i ni eli evbiodogho o̱ re̱iain, "Mie, o̱i o̱na ikhi egbe me̱." ²⁷ O̱ wui kuo o̱ vbi ekhue̱mi, o̱ wo̱i ni ain, "Dai, vba ere̱me̱. ²⁸ Khi o̱na i khi e̱re si atamasi la kua re̱yi elebun vbi are̱hume̱ si o̱ho̱'o̱. ²⁹ Ama I ta na vba, I kha o̱n vbi ikpa si o̱li ivani na ghe, se̱vbi o̱li ukpe̱de̱ li lo̱ dai o̱gbo̱n vbi e̱ghe̱o̱ba si eramē." ³⁰ Bi n kere sui ihimi o̱kpa, e lode vbi o̱ko̱ si olivi. ³¹ Ijesu re̱i ain, "Vbavba ere̱me̱ lo̱ yagha kua aso̱n o̱hio̱ se̱me̱, khi a vio̱i, 'I lo̱ fi o̱lo̱ gbe̱o kaowo'ghogho. 'Eli oghogho lo̱ yagha'a.' ³² Ama I kha chie vbi'di, I lo̱ kpao lo̱de̱ vbi Igalili." ³³ Ama Ipita re̱ ta vbie̱o̱i, "Agbo̱n ere̱me̱ kha re̱ defia o̱hio̱se̱, I kha defia lailai." ³⁴ Ijesu re̱ ta vbio̱i, "Vbata I ta na ho̱n, o̱li aso̱n na o̱kpe̱se̱ o̱kha huei, ulo sin me isea." ³⁵ Ipita re̱o̱i, I kha lo̱ re̱ u re̱hae̱, I kha sie̱." Ivbiodogho le kove gbo che tiyo̱. ³⁶ Ijesu re̱ re̱hain yain yi evbo si Igatemani o̱ re ta vbie̱i ivbiodogho so̱i, "Vba dia vba na li san yi obo̱ o̱no̱i o̱ liero̱mo̱n." ³⁷ O̱ wui Ipita bi ivi' Ize̱be̱di eva o̱re̱ be̱ khi o̱mo̱i iriaekea bi okpokpo. ³⁸ O̱re̱ i ain, "etin me̱ mo̱i iriaekea, re̱yi eu vbae vba'an vba deba me̱ ya khe̱'e̱." ³⁹ O̱ yisao kere, o̱ de'eo re, o̱ re̱ liero̱mo̱n. ̱re̱o̱i, "Erame̱n, o̱ kha deo̱vbo̱, zi o̱li uko na ra me̱ re sokpe̱n o̱i vbi ebi hoo̱i, ama ebi wewe ho'o̱i." ⁴⁰ O̱ gi ivbiodogho so̱i ze yan me̱he̱n, o̱re̱ e̱i Ipita, "emo̱u, u kha meti kpame̱ khe̱'e̱ vbe̱ke̱in wakati o̱kpa? ⁴¹ Vba khe̱e̱ bi Ero̱mo̱n li vbai ovbi e̱kein idamighe Vli etin hooi ama o̱ e̱gbe." ⁴² O̱ che lode̱ ugbo̱lo̱ zeva o̱ liero̱mo̱n. O̱ re̱i "Erame̱n, so̱'nai meti rare si dai, li ao se̱ se̱." ⁴³ O̱ che vare o̱ gi ain ze ya me̱he̱n, khi e̱o si ain o̱ hua'a. ⁴⁴ O̱ che zi ain obo̱, o̱lode̱ o̱ lie̱ro̱mo̱n, o̱ che ti eta lo̱'kpao ta. ⁴⁵ Ijesu re̱ gi ivbiodogho so̱ ze o̱ rei ain. "Vba che me̱he̱n vba Fetia? Kaowo o̱li wakati se̱i, alo̱ ri ovbi Oise̱le̱bua vbie̱ yi eli'an vbogho'o. ⁴⁶ So̱re ma ya san, o̱lo̱lo̱ re̱ me̱ vbie̱ o̱ sire." ⁴⁷ Ebo̱i teta, Ijudasi o̱kpa vbi o̱li'igbeva, vare. Obotu re̱hain vare za vbi oje ohe̱n re̱se̱ vbi edion. Yai wui agada bi uluke. ⁴⁸ Eyan o̱ya lo̱lo̱ ri Ijesu vbie̱ o̱ ri ae'en vbie̱i'ain, o̱ re̱i'an, "O̱ya li ghe ri unu so. Yo̱in ikhi o̱li o̱ya. Vba wo̱i. ⁴⁹ Vbagala o̱ gi Ijesu ze o̱re̱oi, "irue, o̱ga!" o̱ve̱ ri unu so'o̱i. ⁵⁰ Ijesu re̱o̱i, "O̱mo̱, e̱hin emi lu vare o̱ u." Yai re̱ vare ere̱ wui Ijesu. ⁵¹ Gbu'u o̱kpa vbi use sian lo̱ debai Ijesu yi agada o̱re hin eho̱n si o̱bie̱n si ojohe'n a. ⁵² Ijesu re̱o̱i, "wui agada se o̱vi ehe so̱i, agbo̱n ere̱me̱ yia wui agada, agada o̱lo̱ hue ain o. ⁵³ Vba e̱gbe I kha meti chin erame, bihi o̱ yi iligoni si ageli lo̱ rai igbe'eva yi me̱? ⁵⁴ Ama ebi ebelofua lo̱ mo̱i awunse̱, vna mo̱si ruan?" ⁵⁵ O̱li e̱ghe̱ ain Ijesu re̱o̱i o̱li obotu, "Vba wui agada bi uluke vare o̱ wun me̱ bi o̱i? Eri ya dia vbi o̱se̱ ukpedu 'kpe̱de ya vbie̱i emi vbai wun me̱. ⁵⁶ ama ena ere̱mē ruan la re̱ mie̱ khi emi ere̱me̱ li ehe̱n imie̱o vin o̱ se̱. "Ivbiodogho so̱i ere̱me̱ la fioi a. ⁵⁷ eli yan wui Ijesu wo̱i yi Icaifasi li oje ohe̱n, ebi ehe̱i Iscribi bi el'edion za sikoko. ⁵⁸ Ama Ipita o̱ rēhain vbi odo̱rere yi ugba si eba za ghaezo̱n si oje ohe̱n. O̱ dia kpe̱in eli ya khe̱e̱ vbi e̱ke̱o̱i lo̱ re̱ mi emo̱lo̱ ruan. ⁵⁹ Eyan o̱li oje ohe̱n bi edio̱n ere̱me̱n yan hoi o̱se'e̱he̱n re̱yi Ijesu, la re̱ meti gbo̱i u. ⁶⁰ i mie̱, o̱re̱ ghe de khi eli yan fio̱ se̱'e̱he̱n dian re. Ama o̱ ke te̱'e̱ kere etue'va dianre. ⁶¹ E re̱o̱i, "O̱lo̱mo̱hena re̱o̱i, "I lo̱ meti yaghi ite̱mpo si Oise̱le̱bua a I che zo̱i vbi ukpe̱de̱ ea." ⁶² Oli oje ohe̱n damuzan o̱re̱oi, "U mo̱i eayen? emi khi o̱na yan re̱ rio'se re̱ ye̱? ⁶³ ama Ijesu ha'a. O̱li oje ohe̱n re̱o̱i, "I ri eni si Oise̱le̱bua tai na ho̱n, ta vbie mai u kha vbi o̱li Kristi, ovbi Oise̱le̱bua." ⁶⁴ Ijesu re̱ ayo̱i, "Udobe̱ tai. Ama I ta na vba ho̱n, re̱ ze vbiena rale̱ vba lo̱ mi ovbi Oise̱le̱bua dia vbi obo̱'odio̱n lo̱ mo̱i eti bi hi o̱ za vbi ohumi eimi vade. ⁶⁵ O̱li oje ohe̱n re̱ so̱i ukpun so̱i a o̱ re̱o̱i, "O̱ ro̱i uro'o̱be! Emi ma hoi o̱se̱ ni? Kaowo, vba ke hin o̱li uro'o̱be. ⁶⁶ Ebi vbai oo̱i?" Yan re̱o̱i, "O̱ deo̱vbo̱ lo̱ u." ⁶⁷ Ere fi ese̱n kuo vb'e̱o yan re̱ gbo̱ii, yan re̱ ri eta'abo fio̱i emi, ⁶⁸ ere̱o̱i, "Mie̱o na mai, wewe li Kristi. O̱o̱ fi e̱ emi?" ⁶⁹ Eya Ipita dia vbi oa si ebaza ghae̱zo̱n, o̱gbamadia li aleke do̱i egbe re o̱re̱o̱i, "U dabai Ijesu o̱li Igalili." ⁷⁰ Ama Ipita sin o̱i vbi irao si yai ere̱me̱, o̱reo̱i, "I e̱in emi lua gue." ⁷¹ Ebo̱ re̱ di ukhuedoa, o̱amadia o̱vbe'e li aleke mioi bi o̱re̱ ta ni agbo̱n lian rivbain khi, "O̱li o̱mo̱he na gbo debai Ijesu o̱li Inazare̱ti." ⁷² O̱ gbo che gbile sin' o̱i, "I ein o̱li o̱mohe ain!" ⁷³ O̱ ke te̱'e̱ kere agbo̱n lian damuzan vbi o̱ja vbain gi Ipita ze e re̱o̱i, "vbata o̱kpa vbi'ain lu'u ze̱in labi wai teta o̱lo̱ vuyi ukpode̱a na'a." ⁷⁴ O̱re̱ be̱ o̱keo̱, I e̱in o̱li o̱mo̱he na," vbagala o̱kpa khuei. ⁷⁵ Ipita ere emi li Ijesu tai, "o̱kpe̱se̱i o̱kpa huei u lo̱ sin me̱ isi ea." O̱re̱ yi o o̱re̱ vie̱.