¹ Jesusa aghamba kukwavo nka mushifanikito, kughamba ashi, ² "Ghuntungi waliwiru kwa fana yira Hompa a wapayikiro shipito shankwara shamonendi wamukafumu. ³ Ghuye a tumu vakareli vendi vakayite ovo va kughire vaye kushipito shankwara, ano ngoli vavo kapi vayire ko. ⁴ Ntani nka hompa a tumu vakareli vamwe, a ghamba, 'katanterenu varekerwa, "kengenu, ame na wapayikire murarero wande. Hove yande ntani na ngombe dakuneta vana didipagha kare, ntani vinke navintje vina wapa. Yenu kushipito shankwara."' ⁵ Ano ngoli vavo kapi vavi pakilire mbili makura ava yendi nandjira yavo, ghumwe kufarama yendi, ntani nka kunangeshefa yendi. ⁶ Vamwe ava kwata vakareli vahompa, nakuvatekura mulishwaghu, ntani na kuvadipagha. ⁷ Hompa a garapa, makura ghuye a tumu vakavita vendi ntani vavo ava dipagha varudipaghi, ntani shitata shavo ava shishakerere. ⁸ Makura ghuye a ghamba kuvakareli vendi, 'Shipito shankwara shina wapa, ano ngoli ovo varekwera mbo shina dili kuwapera. ⁹ Mpo ngoli ashi yendenu kumahanga-ndjira mukayite vantu vavangi kushipito shankwara ntjene muna va wana. ¹⁰ 'Vakareli ava yendi ndjira odo ntani ava pongayiki vantu navantje va wanine, navantje vavadona ntani vavawa. Makura mundjugho yashipito shankwara ashi yura navagenda. ¹¹ Ano ngoli apa hompa a yire munda kukenga vagenda, ghuye a mono mukafumu kunya ogho a diliro ku dwata vikoverero vyankwara. ¹² Hompa a ghamba kukwendi, "muholi, weni omo ghuna ya ngene mo muno wahana vikoverero vyankwara?' Ano ngoli mukafumu a mwena teghete. ¹³ Makura hompa a ghamba kuvakareli, 'mumangenu mukafumu ghuno kumahoko nakumaghuru, makura mumuvhukumine pandje mumundema, kunya nko ngava kalira nakukukwetja mayegho.' ¹⁴ Vantu vavangi kwava kugha, ano ngoli va sheshu vahoroghora."

¹⁵ Makura vafalisayi ava yendi ntani nakughayara vavo ashi weni omu va kwata Jesusa muvighamba vyendi. ¹⁶ Makura ava tumu kukwendi vashongwa vavo, kumwe navakwaHerodesa. Ava ghamba kwaJesusa, "Mushongi, atwe twa yiva ashi ove wahungama, ntani ashi ove kushonga ndjira yaKarunga yaghushiri. Ove kapi wapakereanga mbili maghano ghaghumwe, ntani ove kapi wakenganga vipa vyavantu. ¹⁷ Makura tu tantere, Vinke ghuna kughayara? Vyapulitira kufuta mutero kwaKayifasi ndi hawe?"

¹⁸ Ano ngoli Jesusa a kwata lighano ghudona wavo ntani aghamba, "Vinke muna kuntjetekera ame, anwe vakuvilipa? ¹⁹ Neghedenu shimaliva shashitenda shamutero." Makura ava yita shiringa yashitenda kukwendi. ²⁰ Jesusa a ghamba kukwavo, "Shipa nalidina lyare lino?

²¹ Ava ghamba kukwendi, Kayifasi." Makura Jesusa a ghamba kukwavo, "makura vitapenu kwaKayifasi vivinke vyakarfo ashi vyaKayifasi, ntani kwaKarunga vivinke evi ashi vyaKarunga." ²² Apa vavo vaviyuvhire vino, ava tetuka. Makura ghuye ava mushuvhu nakukayenda.

²³ Muliyuva ndyolyo vaSadukayi vamwe, ava vaghambiro ashi kwato livhumbuko, ava ya kukwendi. Ava mupura, ²⁴ nakughamba," Mushongi, Mosesa aghambire," ntjene mukafumu ana dohoroka, kwato Vanuke, mughunyendi a kona kukwara mukamali wendi ntani a kare navanuke vamukurwendi.' ²⁵ Kwa kalire vaholi ntambiri. Wa kuhova a kwara makura adohoroka. Kapi a shuvire vana, ghuye a shuvhu mukamali wendi kwamughunyendi. ²⁶ Makura ghunyendi waghuviri a rughana vya kukufana, waghutatu, mundjira yaghunyendi dogoro waghuntambiri. ²⁷ Kunyima yanavantje, mukamali a dohoroka. ²⁸ Weno mulivhumbuko, mukamali ware ngaka karopo pava vaholi ntambiri? Vavo navantje vamukwalire."

²⁹ Ano ngoli Jesusa a limburura nakughamba, "Anwe mwapuka mukondashi anwe kapi mwayiva matjangwa ndi po ngondo daKarunga. ³⁰ Mulivhumbuko vavo kapi ngava kakwara ndi ngava kavape munkwara. Vavo ngava kakara yira vaEngeli muliwiru. ³¹ Ano ngoli kuhamena livhumbuko lyavafe, kapi mwavivarura evi a ghaba Karunga kukwenu, kughamba ashi, ^32-33 'Ame Karunga waAbraham, Karunga waIsaka ntani Karunga waJakopo'? Karunga kapishi Karunga wavafe, ano ngoli wavanamwenyo.' Apa mbunga yaviyuvhire vino, vavo kwatetukire kulishongo lyendi,

³⁴ Ano ngoli vafalisayi vayuvire ashi Jesusa ana mwenekida vaSadukayi, ava kupongayiki vavene kumwe. ³⁵ Ghumwe wavo, mulirongi waveta, a mupura lipuro mukumusheteka- ³⁶ "Murongi, shinintjo po shipango shashinene muveta?"

³⁷ Jesusa aghamba kukwavo, "Hora Hompa Karunga ghoye namutjima ghoye naghuntje, namonyo ghoye naghuntje, ntani nandunge doye nadintje." ³⁸ Shino ntjo shashinenepo ntani shipango shakuhova. ³⁹ Ntani shipango shaghuviri-Hora vamaparambo voye yira naghumoye. ⁴⁰ Pavipango vino viviri mo yakorera veta mudima navaporofete."

⁴¹ Vafalisayi vano nda vapongera kumwe, Jesusa ava pura lipuro. ⁴² Ghuye aghamba, "Vinke muna kughayara kuhamena Kristusa? Ghuye m ona are?" ava ghamba kukwendi, "Mona David."

⁴³ Jesusa aghamba kukwavo, "Makura weni David mumpepo kumukugha hompa, kughamba, ⁴⁴ "Hompa kughamba kwaHompa wande, "Shungira kurulyo rwalihoko lyande, dogoro ame ngani ture vanankore voye kumpadi doye?" ⁴⁵ Makura ntjeneshi David kumukugha Kristusa 'hompa,' weni ngoli ghuye ashi Mona David?" ⁴⁶ Kwato a vhuliro kumulimburura nkango, ntani kwato mukafumu aku peperekidiro ashi amu pure mapuro kutunda liyuva lyo.