¹ Mengo ma lwelo, bibuli bya byata biose na bauluba batu baitile bammungile m'mungu yulu ya Yesu bammake. ² Bammamba bamswala, bammilile wa Pilato kubele m'mosobu.

³ Hanyuma Yuda, mine guli huumana, humonine gwahuhwa uhukumiwa, kuchwile, ubagiwidicha bibuli bya byata na baulu bya bihindi maumi matatu bya bumuna, guganine, nauba handahana mashi mashi na ibalo.

⁴ Badogomine isula, bibyo bilihuttula beswe? Bili huulola gogwe mine. ⁵ Gwabitela biya bihindi maumi matatu bya fedha m'mihwilo, kutoboile, kugile, gulisundiye.

⁶ bihuli bya byata babitolile bya bihindi bya bwamona bakanine, bishi lingiye ata ubibya mmitanga ya lutangi, yulu bya hugula mashi. ⁷ Bahungile bamonine bilingiye ugula lubala lwa m'bumbilwa uchiya bagenyi. ⁸ Wa bibyo lubala lulo luli hugiswa “lubala lwa mashanda na lino.”

⁹ Bibyo iwilile inywa idogominywe na eebuule Yelemia gwakana babiguha bihindi bya bumona uguchiwa wage nine guguchiwe nine bamwe baisilaeli bamgushishe. ¹⁰ Babiguhile na ubigula lubola lwa m'bumbi, naki bine bilagile Mlume.

¹¹ Yesu gukimene u meso ma liwali, liwali gubudiche, nangana, gogwe noo olo lyata lya Bayahudi? Yesu gugaile, gogwe wagana.

¹² Helishitakilwe na bibuli byata na baolo, kushidogomine inywa yoyose.

¹³ Pilato gum'budiche ushihuhulicha ii binywa binga biabali hudogoma yulu yobe? ¹⁴ Gushigaile ata inywa imwechi, liwali gugagilwe abisa.

¹⁵ Mengo ma chuba lya usumbila, nahi kolobechi gya liwali ubasulila mmambwa gumwechi nine gwisobolwa na batu. ¹⁶ Habele mmambwa gumwe gwa m'bii china liake Balaba.

¹⁷ Habasumbile, Pilato kubasambile, mlihubenja namsulile nanyi? Balaba, au Yesu gulihugiswa Keleshito? ¹⁸ Gumanine yulu babuatile wa umonywa.

¹⁹ Na hebele mshame uumlimba gwangenda milandu, mmachage gummilile atambila, uganina, ushibe na inywa hegulu ha mtugwa kiine, bululi nasuswa lino m'busugu umalo yulu yage.

²⁰ Na bibuli byato na baulu bakile nabicha batu bamsaba, na bahake Yesu. ²¹ Liwali gugaile na ubasambila, mlihubenja nanyi hawingiha hano babele?

²² Pilato gubasambile, bibyo nammite wii Yesu guhugiswa Keleshito? Bagaile bose gasusulwe. ²³ Gugaile, yulu ya ii? kuitile boobi naae?

Bakililile uita mdodo bakanine gasusulwe.

²⁴ Haho Pilato hemonine gushinaywita yoyose, mdodo kulihukililila, gukuhile madi, na uliswa maboo mage umeso mabo, kuganine. Nene nishi na ibalo uu mashi ma guno mtu gua kiine, bibyo bilihumlola benywe bene.

²⁵ batu bose bagaile na badogomine, mashi mage na mabe hekulu hetu na hekulu ha bona betu. ²⁶ Hahugukile ubasulila Balaba, hanyuma ha ummula Yesu bibogo, gummanene bamsusule.

²⁷ basolokoto ba liwali bamkuhilen Yesu mnda mwa Plaitolio na baliongwele ihichi ya batu yata. ²⁸ bamchulile bisanjwa, bachwiche isanjwayi igachichu. ²⁹ Buhambile kata gya migwa, boo numchia msue mwake, na longe mmoboo wage ulume, bambungile machwi bamsebulule, baganine, moyo olo liya Bayahudi. ³⁰ Hanyuma bamsulile mate, bakuhile liya longe, bammulile - mulile mswe. ³¹ Habahwile umsebulula, bamchulil iya isanjwa bamchwiche iyaka bisanjwa biake, bamkuhile bakiye umsusula.

³² Na babatoboile hambuga, bamonine mtu gulihuhuma kilene, jina liage Simoni gugubamshulutishe gaswale mti gua asusu gwa Yesu. ³³ Na habahiile ha imwe ihana ilihugiswa Gologota noo udiga miswe. ³⁴ Bammele unywa mmena usupaganya na aabi, gee hetondile guhaninye ubinywa. ³⁵ Habahwile umsusula bagabulane bisanjwe byake bisobolanywe bululi iwilile inywa idogominywe na mbwa, bagabule bisanjwa bianyi hawingi habo isanjwa yanyi isobo lanywe. ³⁶ Bashamine na uumlola. ³⁷ Babile hekulu ha mswe gwake, mashitaki mage bagolile bino, gugu ii Yesu, olo lia Bayahudi. ³⁸ Moka mamo mengo basapi bopi basusulwe hamwechi nage gumwe uboo wage wa ulume na gunge uboo wage wa wachi. ³⁹ Baya bene babele huhita mndila bamtwile badigiche - digiche miswe gaibo, boo nugana. ⁴⁰ Gogwe mine ulihwibele ihwilo na wigubaa umasugu matatu, ubehonya luhuda lobe, nambo gogwe noo mwana gwa Abetcha Pungu, salaga uumti gwa asusu.

⁴¹ Byoka biya na bibuli byata bamsebulule hamwechi na bagochi na baulu bakanine guhominye bengi gushihuosha ulihonya gemine. ⁴² Gee ii olo liya Isilaeli na gabesala uumti gua susu na beswe twiim'buashwa. ⁴³ Gummudakile Abetcha Pungu gabemmonya, nambo gulihuum'benja, yulu guganine, nene ni mwana gwa Abetcha Pungu. ⁴⁴ Na baya basapi besusulwe nabo hamwechi nabo bamsebulule.

⁴⁵ Na utula mengo ma mkunyia meno habele mdoo mpaaka saa lya haboola. ⁴⁶ Na mpaaka saa lyamabula, wa lidi mbila Yesu gugabile, “Eloi, Eloi, lama sabakitani.” Noo ugana “Abetcha anyi, Abetcha anyi yulu ya ii wandeelela? ⁴⁷ Na batu bena babele haya, habahuliche, baganine guno gulihumgita Eliya. ⁴⁸ Gumwe gwabo gukile ambilo guguhile esengo na uchunda mmaabi, nubia uulonge na unywisha.

⁴⁹ Baya bange bakanine, lea tumone, nambo Eliya kwicha uumonya. ⁵⁰ Yesu hehwile udogoma wa lidi lyaata na wa uoma, guleelele ge nuala mtima. ⁵¹ Na kikyo pashia lya ihwilo nugulya biba biopi utula hegulu nda na hasii ibalo idigile na mawe ubelea. ⁵² Sinda chibugwile mibili gingii gya bahaha gibele gilachu giginwuile. ⁵³ Nabo habahwile ubiuwa msinda chabo, hanyuma ha uchuwa wage, bagingile mbuga gya kihaha, bamonee bengi.

⁵⁴ Hahu guya ilumepambwa, na baya bebele nabo umlola Yesu, habamonine Ititicha yasii na bihisho biene bigiliye bamonine booba baganine wiinene gugu gwoba mwana gwa Abetcha Pungu.

⁵⁵ Habele baachana bengi hulolela wako babo nao bamlamine Yesu utula Galilaya, na umkilila. ⁵⁶ Mgugo mmanga babelemo Maliamu Magadalena, Maliamu mnabo gwa Yakobo na Yusufu, na mnabo gwa bana ba Zebedayo.

⁵⁷ Mengo ma igolo hachwile mtu mona uhuma Alimatayo china lyake Yusufu, nage iyaka kubele mkikiwa gwa Yesu. ⁵⁸ Gugo mtu gumkilile Pilato, usaba itumba ya Yesu. Pilato gubasambile bamme yo. ⁵⁹ Yusufu gwikuhile iya itumba nawiihamba na sanda lia malekani. ⁶⁰ Gum'biile msinda lyake lya lihia lielibele gwabada uliwe, guu mbageche liwe lya lyata na ubugala mchango gwa sinda, nauligila. ⁶¹ Haho bibyo babeleha Maliamu Magdalenem na Maliamu guya gwa bubili bashame balihulingamina usinda.

⁶² Lusugu lwa bubili, lubele hanyuma ha ulongamanya, bubili byata, na bafalisayo basumbile wa Pilato. ⁶³ baganine, mlume, taengelecha ugana gya mana kuganine kwilipo geti hanyua ha masugu matatu kuichwa uhuma ubabu. ⁶⁴ Wa bibyo ulage liya sinda lilolwa wa buwa na biehya lusugu lwa matatu. Bakikiwa bake bashichwe uumkiba, na ubasambila batu guachwa uhuma ubabu na lubicha lwa isula lwihita lwa lutangi.

⁶⁵ Pilato gubasambile, mwina basolokoto bakie ulilola sinda wabuwa nahi biamugidi. ⁶⁶ bakile, balilolile senda bibenju, liwe libiilwe yaala, na basolokoto babele huyesha.