9
1
येशु एक नैयामे चढके बा पार गओ, और बा अपनो सहेरमे अओ|
2
आदमी खटियामे पणो एक जनी लुन्जाके बाके ठिन लाइ। येशू बिनको बिश्वास देखके लुन्जासे कही, “लौड़ा साहस कर। तेरो पाप क्षमा हुइगए हए।”
3
देखओ शास्त्री मैसे कित्तो आपसमे काहन लागे, “जा परमेश्वरके निन्दा करत् हए।”
4
येशू उनको बिचार जानके कहि, “तुम कहे अपन हृदयमे दुष्ट बिचार करत् हओ?
5
का काहन सहज हए, ‘तिर पाप क्षमा भओ’ कि ‘उठ और नेग’ काहन?
6
पर आदमीक पुत्रके पृथ्बीमे पाप क्षमा करनको अधिकार हए कहिके तुम जान सकओ।” तव बा लुन्जासे कहि, “उठ, अपनी खटिया बोक, और घरए जा।”
7
तव बा आदमी उठो, और अपने घरघेन गओ|।
8
जब भीड जा देखि बे अचम्मो मानी आदमीनके ऐसो अधिकार देनबारो परमेश्वरको प्रशंसा करीं।
9
येशू हुवाँसे जातपेती मत्ती कहन बारो एक आदमीके कर उठन बारो अड्डामे बैठो देखि, और बिनसे कहि, “मिर पिछु लाग।” तव बा उठो और बाके पिछु लागो।
10
जब येशु खानु खान बैठो देखओ, बहुत जनी कर उठनबारे और पापी आए येशू और बाके चेलासंग खान बैठे|
11
जब फरिसी जा देखी, तव बाके चेलानसे कहीँ, “कहे तुमरो गुरु कर उठानबारे और पापीसंग खातहए?”
12
जब येशु जा सुनी बा कही, “निरोगीके बैद्धकी जरुरत ना होतहए, पर रोगीनके होतहए।
13
तव जाएके जाको अर्थ का हए तुम सिकओ: ‘मए बलिदान ना, पर दया चाँहतहऔं।’ काहेकी मए धार्मिनके ना, पर पापीनके ताँही आओ।”
14
तव बप्तिस्मादेन बारो यूहन्नाके चेला बाके ठिन आए, और बासे पुछी, “काहे हम और फरिसीन जैसो उपवास बैठतहए, और तुमरे चेला उपवास ना बैठतहए?”
15
येशू बिनसे कही, “का दुलहा संग अएभए बरैतियासंग शोक मनातहए? पर बे दिन आमङ्गे जब दुलहा बिनसे अलग होबएगो। और बे उपवास बैठङ्गे,
16
कोइ फिर पुरानो लत्तामे नयाँ कपणाको थिग्रा ना लगात हए। काहेकी नयाँ थिग्रा पुरानो लत्ताके फारदेतहए, लत्ता और जाद्धा फटजातहए।
17
कोइ पुरानो खालको मशकमे नयाँ दाखमध ना, धरतहए नत मशक फुटजाबैगो, और दाखमध गिरजएहए, और मशक नष्ट हुइजएहए। काहेकी नयाँ दाखमध नयाँ खालको मशकमे धरत हए और दोनो बच जत हंए।”
18
जब येशु बिनसे जा बात काहत रहए, देखओ त एक जनी शासक आओ, और येशुके दण्डवत करके कही, मिर लौड़ीया भर्खर मरीहए, और आएके बाके मुण उपर तुम हात धरदेओ, और बा जीन्दा हुइजएहए।”
19
येशू उठो और बिनके पिछु लागो और चेला फिर बाके पिछु गए।
20
देखओ बाहृ वर्षासे बहुत रगत बहनबारी एक बैइयए येशुके पिछुसे आएके बाको कुर्ताके कुन्छ छुई।
21
काहेकी बा मनए मनमे सोचिरहए, “मए बाको कुर्ताक् कुन्छ छुइहओ खिनक् मए अच्छो हुइजएहओ।”
22
पर येशु घुमके बा बैईयरके देखी, और कही, “लौड़ीया, सहास कर, तेरो बिश्वास तोके अच्छो करी हए।” बा बैइयर बहे घणी अच्छी हुइगै।
23
जब येशू शासकके घरमे अएपुगो, पर बा बसुली बजानबारे और भीडसे खैलाबैला मचोदेखी।
24
बा बिनसे कही, “बाहिर जाओ, काहेकी लौणीया मरी ना हए, लिकन सोतहए।” बे बाको खिल्ली ऊड़ाइ।
25
जब भीड के बाहिर निकरके बा घर भितर घुसो, और बा लौणीयाको हात पकणी, और बा लौणीया उठगइ।
26
जा बातके बारेमे मुलुक भर हल्ला उणिगओ|
27
येशू हुवाँसे जातपेती दुई जनि आँधरा हे दाउदको पुत्र हमरे उपर दया कर “कर्के चिल्लात बाके पिछुपिछु लागे।”
28
बा घरमे कुचो तव आँधरा आदमी बाके ठिन आए। येशू बिनसे कही, “मए जा कर सकङ्गो कहिके तुम बिश्वास करत् हओ?” बे बासे कहीं, “हँ प्रभु।”
29
तव बा बिनको आँखी छुइके कही, “तुमरो बिश्वास जैसो तुमके होबए।”
30
और उनकी आँखी खुलिगई| येशू अइसे करके बिनके मिनाहा करी, “जा बात कोइके पता ना होबए|”
31
तव बे गए, और बा इलाका भर बाको चर्चा फइलाए दईं।
32
जब बे दुइ जनी आदमी निकरके जात रहँए, तव भुत लागो एक जनि गुँगा आदमी बाके ठिन ल्याईं।
33
जब भुत निकरके गओ बा गुँगा बोली। और “इस्राएलमे कबहू अइसो ना देखे रहँए, कहत भीड अचम्मो पणगए।”
34
और फरिसी अइसो काहन लागे, “भुतके मालिकसे जा भुत निकरत् हए।”
35
येशू सबए शहेर और गाउँघेन बिनको सभाघरमे शिक्षा देत और हरेक किसिमके रोग और कमजोरनके अच्छो करत् जान लागो|
36
पर भीडके देखके बाको हृदय बिनके ताँही दयासे भरगओ। कहेकी बे बक्रेहरा बिनाके भेडा जैसे हैरान और बेसहराके रहँए।
37
तव बा अपन चेलनसे कही, “फसल त बहुत हए, पर खितहारा थोरी हँए।
38
जहेमारे फसलके प्रभुसे प्रार्थना कराओ, की बे अपनो फसलके ताँही खितहारानके पठाए देबए।”