¹ Ngesikhatsi liWundlu livula liphawu lwesikhombisa, kwathula ezulwini kwatsi dvu incenye yelihora. ² Ngase ngibona letingilozi leti sikhombisa time embikwa Nkulunkulu, tanikwa emacilongo lasikhombisa. ³ Kwachamuka lenye ingilozi, iphetse sitja segolide lesinemhlatshelo, yema e-altar yemhlatshelo. Yanikwa imihlatshelo leminyenti khona itewunikela ngemthandazo wabo bonkhe bantfu labangcwele baNkulunkulu kulesitja segolide semhlatshelo embikwe sihlalo sebukhosi. ⁴ Intfutfu yemhlatjelo-nemithandazo yebantfu labangcwele baNkulunkulu-basukuma embikwa Nkulunkulu esandleni sengilozi. ⁵ Ingilozi yatsatsa sitja semhlatshelo yasigcwalisa ngemlilo losuka e-altar. yabese ikujika phasi emhlabeni,kwaba khona kudvuma,emavi, imibane, kanye nekutamatama kwemhlaba ⁶ Letingilozi letisikhombisa letatiphetse emacilongo lasikhombisa letatilungiselwa kuwakhalisa. ⁷ Ingilozi yekucala yakhalisa licilongo layo, kwase kuba nesangcotfo nemlilo kuhlangene nengati. kwajikijelwa phasi emhlabeni khona incenye yesitsatfu kuwo itewukusha, incenye yesitsatfu yetihlahla yasha,kanye nabo bonkhe tjani lobuluhlata basha. ⁸ Ingilozi yesibili yashaya licilongo layo, kwatsi intfo lenjenge ntsaba lenkhulu ivutsa umlilo yajikwa elwandle. Incenye yesitsatfu yelwandle yaba yingati, ⁹ incenye yesitsatfu yetidalwa letiphilika elwandle yafa, kanye nencenye yemikhumbi yebhubha. ¹⁰ Ingilozi yesitsatfu yashaya licilongo, ikhanyenti lenkhulu yawa esibhakabhakeni, ivutsisa kwelithoshi, encenyeni yesitsatfu yemifula nemitfombo yemanti. ¹¹ Libito lalenkhanyenti nguMhlonyane, Incenye yemanti yababa, futsi bantfu labanyenti bafa ngenca yalamanti lababako. ¹² Ingilozi yesine yashaya licilongo layo, incenye yesitsatfu yelilanga yashaywa, kanjalo nencenye yesitsatfu yenyeti kanye nencenye yesitsatfu yetinkhanyeti. Ngako incenye yesitsatfu yako yakugucuka yabamnyama; incenye yesitsatfu yelilanga nencenye yesitsatfu yebusuku yababete kukhanya. ¹³ Ngabuka,ngeva lusweti lebelindiza etulu limemeta ngelivi lelikhulu, ''Maye, maye, maye, kulabo labaphila emhlabeni, ngenca yekubhoma kwalamacilongo lasele lasetawushaywa nguletingilozi letintsatfu.''