¹ Emva kwaloku ngabona tingilosi letine time emakoneni labane emhlaba, tibambe tacinisa imimoya yomine yemhlaba khona kungatewuba khona umoya lophuphutsa emhlabeni, elwandle, noma kusinye sihlahla. ² Ngabona lenye ingilozi ichamuka emphumalanga, leyayine luphawu lwaNkulunkulu lophilako. Yakhala ngeliphimbo lelikhulu kule tingilozi letine letatinikwe imvume yekulimata umhlaba ne lwandle: ³ ''Ningawulimati umhlaba,lwande, noma tihlahla size sibeke luphawu ebunti lwesisebenti sa Nkulunkulu wetfu.'' ⁴ Ngeva inombolo yalabo bebabekwe luphawu: 144,000, lebebabekwe luphawu baphuma kuto tonkhe tive taka Israel; ⁵ 12000 baphuma esiveni saka Juda, 12000 baphuma esiveni saka Rubeni, ⁶ 12000 baphuma esiveni saka Gad, 12000 baphuma esiveni saka Asher, 12000 baphuma esiveni saka Naphtali, 12000 baphuma esiveni saka Manasseh, ⁷ 12000 baohuma esiveni saka Simeon, 12000 baphuma esiveni saka Levi, 12000 baphuma esiveni saka Issachar, ⁸ 12000 baphuma esiveni saka Zebelun, 12000 baphuma esiveni saka Joseph, na 12000 baphuma esiveni saka Benjamini bafakwa luphawu. ⁹ Emva kwaletintfo leti ngabuka, kwakunesicuku lesikhulu lebengeke sibalwe ngumuntfu-siphuma emaveni onkhe, etiveni tonkhe, bantfu bonkhe kanye netilwimi tonkhe-bemile embikwesihlalo sebukhosi nasembikwe liWundlu. Bebembetse tintsambo letimhlopho babambe emacembeemasundvu etandleni tabo, ¹⁰ bebamemeta ngemavi lasetulu: ''Insindziso yaNkulunkulu wetfu, lohleti esihlalweni sebukhosi, neyeliWundlu!'' ¹¹ Tonkhe tingilozi tatime tigegeletele sihlalo sebukhosi tigegeletele nalabadzala kanye netidalwa letine letiphilako, bonkhe bawa ngebuso embikwe sihlalo sebukhosi. Bonkhe bakhonta Nkulunkulu, ¹² batsi, ''Amen! Ludvumo, inkhatimulo, inhlakanipho,kubongwa, kuhlonishwa,emandla nekuncoba akube kuNkulunkulu wetfu phakadze na phakadze! Amen!'' ¹³ Linye kulamalunga langibuta latsi, ''Bobani laba,labagcoke tingubo ;etimhlophe, babuyaphi futsi?'' ¹⁴ Ngatsi kuye, ''Mnumzane,uyati,'' watsi kimi, ''Laba ngulabo lababuya ekuhluphekeni lokukhulu. Bahlante tingubo tabo taba mhlophe engatini yeliWundlu. ¹⁵ Ngaleso sizatfu, basembikwe sihlalo saNkulunkulu, futsi bayamdvumisa imini nebusuku etempelini lakhe. Loyo lohleti esihlalweni sebukhosi utawendlala lithende lakhe etikwabo. ¹⁶ Angeke basaphindze bome, noma bome futsi. Lilanga angeke lisaphindza libashise, noma bashiswe kushisa. ¹⁷ Ngoba liWundlu lisemkhatsini wesuhlalo sebukhosi litawuba ngumelusi, litawuba holela emtfonjeni wemanti ekuphila, naNkulunkulu utawubesula tonkhe tinyembeti emehlweni abo.''