Chaandano 12
Njamupati wabasikwiimba; ibambilidwe Syeminiti. Intembawuzyo ya Davida.
1
Gwasya, Jehova, nkambo bubotu bwamana; busyomesi tabuchiboneki kubana babantu.
2
Wonse utambula majwi atajisi chintu kuli siminzyakwe; woonse utambula amilomo myubawuba amyoyo yobilwe.
3
Jehova, wakanenga woonse milomo myubawuba, loonse lulimi lwakaambula majwi akulisumpula.
4
Aaba mbimbaabo bayowaamba kuti, ''Kundimi zyesu tulazunda. Eelyo milomo yesu niwaambula, ngwani mwami kulindiswe?'''
5
''Nkambo kakusalwa kwabachete, nkambo kakutongela zintu nzituyanda, Ndiyobuka, '' mbwawamba Jehova. ''Ndiyobapa lufutuko ndobasukeeme.''
6
Majwi a Jehova ngemajwi asalala, mbuli nsiliva isalalisya mukati kamulilo wakujulu, lilasalazigwa zyiindi zili musanu azibili.
7
Nduwe Jehova! Ulababamba. Kotuvuna kubantu balichita kaleza leza kuzwa kuzibi zyachiindi azyalyoonse.
8
Basizibi baleendende konse konse eelyo satani nayopenzya bana babantu.