Chaandano 11
Kuli silutwe wabasikwiimba. Intembawuzyo ya Deviti.
1
Muli Jehova mondiyuba; ino inga ulandaambila byeni kuti, ''Kochijila kudundu mbuli muyuni?''
2
Nkaambo boona! Basizibi babamba buta bwabo atukole, kutuwaala mumudima kuti bayase baluleme mumoyo.
3
Kuti intalisyo zyanyonyooka, ino baluleme nga balachitaanzi?
4
Jehova uli muchikombelo chakwe chisalala; menso aakwe alasenuuka bana babantu.
5
Jehova ulabasenuuka boonse baluleme abasizibi, pesi ulibasulide abo bayanda kuchita lupyopyongano.
6
Basizibi ulabawisizya makkala ayaaka ankando zyamabwe; iguuwo lyuumpa liyooba chibeela chabo kuzwa munkomesi yakwe!
7
Nkaambo Jehova uliluleme, alimwi ulabuyanda bululami; baluleme bayoobona busyu bwakwe.