Patudango tutu Habarango ¹ Ene loddona ntu, Maram-ba Yehu lohoka wali la uma mono na londoka la hingi homba. ² Mono, a toy' da-nga na makahaka la mbara -Na. Oronaka netu, diyo na kaleteka tena mono na lon-doka, mono ngara kehe toy' danga netu na ndende la hingi homba. ³ Mono, Diyo na takkina na-nika danga katokana lam-barana ngara hehe ela pa patudango, wenaka Diyo, "Eni na hatoyo na habaro-ngo otu nika tutu habara-ngo, ⁴ mono ne bana haba -rondi, ene hawini na kana-bu la hingi lara, ngara ha kahilo emedi mi manatuko lapa bana mengeya. ⁵ Wini na hawadeko na kanabu la manga watuna, na manipi-ho tanana, mono na male-woro bukulo oronaka ba njana mandatu a tana. ⁶ Taba hewyalina, eme nika mata loddo na hundaka, a bukulona a hdeworo mba-naho. Mono, oronaka ba njana pa amu,makka a bu-kulona netu na haduku- toka. ⁷ Wini na hawadekongo na kanabu la tara mboroto, mono tara mboroto netu na bukuloka, mono a oheya-ka. ⁸ Makka, a wini na ha-wadekongo ela tana ndaha mono na hahilongoka wu-yo, nengo na hangahu pan- da kawalikona, mono ne-ngo na nomo kambulu pan-da kawalikona mono ne-ngo na tallu kambula pan-da kawalikona. ⁹ Nggarani manga roy' katiluna, tana-ka diyo na rongo baka." Yehu Pakaneko-ngo wai'ngo Tuda ngendo-ngo ¹⁰ Mono, ngara ana hakola na Maramba Yehu eme ndi-ka mi kaliaroni lambara-Na, "Penadiyo Yoyo bupa-neghengo lambarana nga-ra ene waingo tuda nge-ndo?" ¹¹ Yehu na walaho hika hediyo, "Lam-barami ndoli woy'nggumi-ka pyeghe wani ngara rahi-na Kalandana Hurga, tappi lambarada ngara eme inja woy'ndi. ¹² Torana, a toyo na manga doy'na, lambara-na eme dika pawoy'ngo mono diyo eme ndeta ndolo-lo. Dimoka, nggarani nja-ngo doy'na dika pa wadiya na eni pa-doy'na eme deke wadi nani wali lambarana. ¹³ Oronaka netula, Yayo ba-ku paneghengo lambara-da ngara eme ku waingo tu -da ngendo oronaka hebya- ngoka ba ice, mgara eme njan' ice, mono hebyango-ka barongo, wadi njan' ma- ngati. ¹⁴ Tutuda hediyo, na hangga wango lawituna Ye-saya na wena, 'Namanga parongona, ye-mi eme narongoka, tappi eme njan' mema pa-ngo na mangati, Mono, na mangu pa ice-na, yemi dika eme icemi, tappi eme njana mangatini.' ¹⁵ Oronaka atena a kalan-da tana iyiya na pamaloka, roy' katiluna ehehe a deng-goro ba rongo, mono ehehe a kapombo ndika ha matada ehehe. Dika ba njadoka, notongo ehehe na mapikongo ba ice wango mata hediyo, ba rongo wango roy' katiluda ehehe, mono njan' mapikongo mangati wango ate ehehe, menge walika a mawaliko-ka la mbara-Nggu mono patanggaho hika. ' Yesaya 6:9-10 ¹⁶ Dika bahenyaka, na ma-ringi malala a matamu oro-na ba icena mono ha roy' katiluna orona bana rongo. ¹⁷ Yayo kutakki nggumini na hecopinjana lambarami eme na danga nabi mono ngara ha toyo maghene na mimirongo ice paya yemi pa iceda, tappi njana iceya, mono na mimirongo paya parongomi yemi, tappi nja-na rongoya." Palarani tutu tuda ngendo-na Tondo woka ¹⁸ Tora orona netu, rongo baka a ihinya tutuna naha-barongo. ¹⁹ Hejonaka a toyo na ro-ngoya a liy' Kalandana mo-no ba njana hamataroni, a marapu bokalo emeni mo-no na kareboya paya na ndoli pa habarongo la ate-na netu toyo. Didoka a toyo pa winingo na mahabaro-ngo la hingi lara. ²⁰ Ewyadini na mahabaro-ngo ela ngara pandoy'ngo manga watuna, didoka to-yo na rongoya a liy'nya mo-no na maleworo himba ma gheghro ate, ²¹ tappi diyo njana pa amu ela pola toy' na mono na njana mataha-ngo hanggatuko pimoyaka. Mono, na dukika na maka-to kadahaya ndewena a ka-bala kadahha na dadi oro-na liy'nya netu, diyo lilanga -ngoka kanabu. ²² Awini na kanabu ela pa-duna tara mboroto didoka toyo na rongoya a liy'nya netu, menge walika a para-hhuna panu tana mono a-kalo tipu rato a diheyaka a liy'nya netu didoka a linya njana wuy'ka. ²³ Menge walika, a toyo ela winina na mahabarongo la tana na ndaha, didoyaka a toyo na rongoya a liy'nya netu mono na hamataroni. Didoyaka na bodoro bana wuyo mono na langa taka hahilona, engo na hangahu panda kawalikona, na ha wadekongo nomo kambulu panda kawalikona mono ha -wadekongo tallu kambulu panda kawalikona." Tuda ngendo tutuna Rum-ba Utta mono Nggandumo ²⁴ Yehu napadu-kinika tuda ngendo heka la mbarada ngara hehe, wena Diyo, "Kalandana Huruga netu na mapikongo ba pa-tuda ngendoni meraka a to -yo na habarongo wini nda-ha la mangona. ²⁵ Menge walika, tengorona ngara to- yo bana manduru, muhuna eme nika mono na habaro nika a walla ngingo la padu-na wini nggandumo, mo-no otunika. ²⁶ Pahika pa bukulo wana na kahuleko-ka mono na pawulika, me-nge maka a ngingo etu wa-yo ice wadi yaka wallana. ²⁷ Makka, ngara atana wali la mori mango netu eme ndika mono a kaliaro ngo-ka lambarana, Maramba, inja diyo yoyo bu habaroni a wini ndaha la kalighomu? Menge nggeka pawali nya-ka a walla nginggo?' ²⁸ Diyo wenaka lambarada ngarahehe, 'Naha toyo mu-hu diyaka na pahalakoya.' Menge, ngara ha ata etu wedaka lambarada, 'Pena na yoyo nama pikongo do-mongoka yama bama otu nggama mono makahaya?' ²⁹ Taba hewyalina, maram-ba netu wenaka, 'Ambi! To-rana, hebyangoka yemi bu rabikoya a ngingo netu, na dadi wadika yemi mabatu paoleni a pare. ³⁰ Pakaloko kehe banika a bukulo kehe lappa wula nguti. Mono, tutu rahinya panguti wango,yayo eme apa kutaki dani ngara to-nguti, "Kede kawungana, kaha uluya ha ngingo netu mono patanna bahika ba gho-ghobolohi tanaka tunu wandi. Mengeka kaha bahi-ka ha pare ela lepeto dalo-nggu.""' Kalanda tokkona Maramba Alla meraka Wiha Balla mo-no Ragi ³¹ Mengeka Yehu bana ngarakedoko tuda ngendona na pahekongo lambarana ngara ene, we-naka Diyo, "Kalandana Hu-ruga netu meraka wiha la-nga padekena a toyo mono na habaroni ele kalighona. ³² A wihana netu didoka na rehi katappa wali ngara kehe huru wini, tappi bana bukuloka, diyo rehi bokolo wali ngara huru roghe, me- nge walika na kabali ngoka punge ghay' bokolo mala wengoka ngara ha kahillo la karamba a tay'ka habbu- ngara la kahangana." ³³ Mengeka Yehu na ngarakedoko nika na hawuyo pa patudda nge-ndongo na pa hekango lam -barada ngara ene, "Kalan-dana Huruga netu meraka ragi, pa dekeda ha warico-yo mono na beti nika lake-ryona utto terigu a danga-na tallu handuko lappa ngara kehe kambolokona bana ma keryo ndahango. ³⁴ Ngara kehe baka etu wa-yo Maramba Yehu pataki nani lambarana toy' danga ngara pa patuda ngendo-na, mono Diyo njana pane-gheni lambarada ngara he-he njana wolongo tuda nge ndona. ³⁵ Makka henyaka, na hanggaka paya pa pa-dukina liya la nabi, "Yayo eme kubunggeroya ghobanggu liya ngara pa patuda nge-ndongo, Yayo eme kupaterani ngara huruna ene namabu-ningo walingo kawunga da-dina a tana." Mazmur 78:2 Papatuda ngendo tutuna Rumba Utta ela Ngingo ³⁶ Mengeka. Maramba Ye-hu na mandala nika a toy' danga netu makka na tama-ka ela uma. Mono, ha ana hakola-Na eme ndika lam-bara-Na mono wedaka, "Ta -ki kinggamani la yama pa patuda ngemdongo tutuna ngara hangingo ela kali-gho." ³⁷ Mono, nawalaho yaka Diyo, "Toyo ene na habaro-ngo wini na ndaha didoya-ka Ana Toy'piyo, ³⁸ mono a mango netu didoyaka a panu tana iyiya. Wini ene na ndaha didoyaka ngara ha ana Kalandana, mono a ngingo didoyaka ngara ha anana na mbunako, ³⁹ mo- no muhu na habarongo di- doyaka Marapu, mono wul-la nguti didoyaka kandupu loddo, mono ngara toy'ngu -ti netu didoyaka ngara hu-ru ndanduna. ⁴⁰ Makka, mera doka ngingo ene pakaha mono patunu la api jalo. hewya-jonaka eme na dadi eme la kandupu loddo. ⁴¹ Ana Toy' piyo eme na patumba ndika ngara huru ndandu-Na, mono heme di-yo na kaha hika ngara ke-he na pa hariwato ngongo wuy'na dikka ngara ha toyo na paghilini huru mbunako wali la Kalanda-Na, ⁴² mo-no eme a pagheli hikya ela dalo tuluro api. La pandoy' na netu eme na engyo hoy' dedo mono hanggiruko wuy' ngandu. ⁴³ Mengeka, ngara ha toy' ghene eme na magheloro- ka meraka mata loddo ela Kalanda tokkona Bapada ngara hediyo. Nggarani ma -nga roy' katiluna tanaka na rongo baka." Kalanda tokko Huruga me-raka Doyyo Namabuningo mono Mutiara ⁴⁴ Kalanda Huruga didoya-ka na meraka doyo pawoni -kongo la kaligho, pa tobo-kona toyo, menge na pan-da buni wali nika. Mono, oro langgeborona, diyo otu nika, la hamahani ngara kehe ene pa doy'na, mono na kahi yaka netu a kali-gho. ⁴⁵ Handaka wali, Kalanda Huruga didoka na mera a toy' danggango ene na kan -daba mutiara na kaboloho. ⁴⁶ Inja heka naka diyo ba-na tobokoya na hawuyo mu -tiara na mboto walli, diyo otu nika mono na hamaha ngara kehe ene padoy'na, menge na kahi yaka netu mutiara." Kalanda Hurga meraka Dala na Mbanu Igha ⁴⁷ "Hewyajonaka wadi, Ka-landa Huruga didoka na mera dala pa weghorongo ela wey'myahi, mono na wa-ro hika mangana huru igha, ⁴⁸ Mengeka a dala netu na mbanuka, hediyo a ngandiyaka ela kahudo mo-no na londoka, makka na kaha hika ngara ha igha na ndaha ela ngara kalukaro bokolo, tappi na leto ndika hehe njana ndaha. ⁴⁹ Didoka, netula ene eme nadadi ela kandupu loddo. Ngara huru ndandu eme a lohoka mono a heghero ya-ka na diryako wali la ngara hatoy' ghene, ⁵⁰ mono pa gheli hika ha toy' mbunako e dalo tulurona api. Ela pan doy'na netu eme nengo hoy' dedo mono hanggiru-ko wuy'ngandu. ⁵¹ Menge doka yemi a ma-ngatini ene ngara kehe iyi-ya?" Ngara ene wedaka lambara -Na , "O'o." ⁵² Mono, Maramba Yehu wenaka lambarada ngara hediyo, "Oronaka netu, nga-ra baka a maniko Taurato na ndoli dadi ana hakolana Kalanda Huruga, diyo mera-ka mori uma na palohoya a doyo na muri mono na mandeno wali parato wai-nya." Maramba Yehu Atolayaka la Kota Pawali-Na ⁵³ Mengeyaka a Maramba Yehu ngara pa patuda nge-ndona netu, Diyo otu nika wali nyene. ⁵⁴ Mono, makka Diyo na dukika la kota pa wali-Nya, Diyo na pakaneka ngoka la ngara ha sinagoge ngara ene malla wengo ngara ene a mangarahoka mono wedaka, "Nggek' pawalinya a Toyo iyiya bana kolengo heka manggana mono nga -ra tanda mangaraho iyiya? ⁵⁵ . Angga ana monanika a toy' tukango ghayo? Angga dika inyana na ngarango Myaria, mono ha dungo kambu-Na didohika Yako-buho, Yusufo,Simono mono Yudaho? ⁵⁶ Angga didohi-ka ha lawinye-Na ha warico-yo a endi la ndonganda ghica? Menge, nggek pawa-linya a Toyo iyiya pandoy' kole nani ngara kehe na dadi iyiya?" ⁵⁷ Mono, ngara hehe a ha-ndiwyatoka tora-Na. Mak-ka, Maramba Yehu wena-ndika ehehe, "Nahatoyo na -bi inja orongo pa aka wali dani, likena la pandoy' pa walinya mono la uma dona. ⁵⁸ Mono, Diyo njana paha-lako dangaya a tanda ma-ngaraho e nyene orona ba njana wai'ngo ngara hehe'.