Maramba Yehu didoyaka Myori na ndoy' detongo ¹ Pahika rapana netu, Ma-ramba Yehu na halakoka li- yaka la mango gandumo ghenengo loddo Kapituna, mono ha ana hakola-Na a kalambaka, mono ngara he -he kawungangoka ba pu-pu ha wuli gandumo, mono a muy'ka. ² Diwali moka, a hando'ka ngara ha toy' Fari-hi ba iceya Diyo, "Ice baka, ngara ha ana hakola-Mu na paghili moka ene na njana maghene tutuna pa pahala-kona na ghenengo loddo Kapituna." ³ Dimoka, Maramba Yehu wenandi lambarada ngara hehe, "Nja'handaka pangu-pango yemi bu mbacaya pa -ya pa halakona Daudto nggeni diyo mono ngara a namatoya na kalamba, ⁴ pe-na wena diyo bana tamani Umana Maramba Alla mo-no na muyo kambamba ma-rako ene njana maghene-ngo tanggu-Na tutuna ba-na muyo, hewyajongoka wadi ngara a toyo ene ma-renge dengeni, likeda dimo-ka tutu tangguda ngara ha imama? ⁵ Ndewena, inja handaka pangupangoka yemi bu mbacaya ela Hukumo Tau-rato, ba nggeni ene loddo Sabato, ngara ha imama ela Baito Alla na kadowa ya-ka a Sabato mono hediyo njan'halaka? ⁶ Taba hewyali-nya, Yayo kutaki nggumini lambarami bana na rehi bo-kolo wali pangoka la Baito Alla na eni la iyiya. ⁷ Dimoka, hengo yemi ndo-li peghe munika ihinya iyi-ya: 'Yayo pa kambu ateng-gu manawaro mila ate inja marakoya', yemi nja' handa-ka pango bu hukumongo na njango halana. ⁸ Torana, Ana Toy'piyo dido-yaka Myori na ndoy'de-tongo wali la loddo Saba-to." Maramba Yehu Napatang-gaho ghenengo Loddo Sa-bat ⁹ Mengeka a halakohika wali nyene, Yehu dukika ela sinagogeda nga-ra nene. ¹⁰ Ice baka eni na ha ihha kabani na kaliku na harayo limyana. Mono, nga-ra ene a kaliro nika a Yehu, wedaka ngara nene, "Pena bana ghene-moka a patanggahona toyo pahe loddo Sabato?" tana-ka ngara ene namapiko wa-ngo ba pahalaya Yehu. ¹¹ Mono, Diyo wenandika lambarada ngara hehe, "Nggara nggumika ela la yemi eni na haiha a mbem-bena, mono hengo mbem-be etuwayo na kanabu la kalena pahengo loddo Kapi-tuna, ba njana wawaroya mono na hakotaya? ¹² Nggeni ba njana rehi jo-ka pawalli a toy' piyo wali-ngyo na habeyo mbembe! Tanaka netu, ghene domo-nika paghili ndahamu na ha pahengo loddo Kapitu-na." ¹³ Mengewali, Yehu wenandi ene toyo netu, "Panokoto banika limya-mu." Netu toyo na panoko-tonika a limyana mono na patanggaho yaka mera wa-dika tihalona a limyana na hanggayo. ¹⁴ Taba hewyalina, ngara toy' Farihi otunika wali nye-ne mono a hapuhilongo wu -da nggabani Diyo, pena wedaka ngara ene bana pi- ko mongoka bana hamoho mangawuy'Na. Yehu, Ata Hapen-dena Maramba Alla ¹⁵ Hewyalina, Yehu, nggeni bana pegheni-ka tutuna iyiya, na maeru-ka wali nyene. Danga na namato-Ya mono Diyo na-patanggaho hika ngara ke-he ehehe, ¹⁶ mono na pa ape ndika ngara ene tutu na tana a pola toy'Na amba peghe wani. ¹⁷ Tutuna iyiya nadi tutu hanggana paya pa padukina li'iya la Nabi Yesaya: ¹⁸ "Ice baka, ata-Nggu pa hapende-Nggu, pa mana-waro-Nggu, ela mbara-Na ndewa-Nggu na maghene-ngo, Yayo eme dika pa banda-lo ngguni mandi-Ngu lam- bara-Na, mono Diyo eme dika nata -kiya na andilo la arona nga-ra kalanda tokko. ¹⁹ Diyo eme njana patayo, ndewena njana awihako, mono eme njango hatoy' weawyango na rongoya a-liy'-Nya ngara a lara. ²⁰ Lolo luy' roy'na Diyo nja-na dukingo pulakoya, mo-no porrona na njana duki-ngo paddaya eme diyo nja-na hamateya, lundu lappa Diyo bana rawini na andi-lyo na talo, ²¹ mono la panu ngara-Na, ngara kalanda tokko heka e-me a monnoni." Yesaya 42: 1-4 Kuwaha-Na Yehu Nawalingo wali Bihhana Maramba Alla ²² Mengewalika e nahato- yo pa hambiro marapu bo-kola, na kambura mono na kambanga, a ngandiya lam -barana Maramba Yehu. Mono, Yehu na-patanggahoghu makka ngara toy' kambura mono toy' kambanga netu na pa-neghengoka mono na ice-ka. ²³ Ngara kehe a toyo ke -deka manga-ngarahona mono wedanika, "Notongo Diyo iyiya Ana Daudto ya?" ²⁴ Tappi dimoka, hengo ngara toy' Farihi narongoya ngara hehe wedani, "Atoyo iyiya nja mapikongo bana hokoya marapa diryako ba njana walingo ela Beelze-bulo, na ondelohi ngara ha marapu bokola." ²⁵ Maramba Yehu na peg-hendi a pngadada ngara hehe mono wedaka lamba-rada ngara ene, "Ngara ba-ka kalanda tokko na mbera bana panggabba wuy'da, mono a pamandala ngo-ngowu'da. Mono, ngara a-kota ndewena uma na na mabera bana panggaba manga wuy'da, njana mata-ho. ²⁶ Mono, hebyangoka marapu bana hokoya marapu, diyo nambo-mboghoroka panggaba manga wuy'da pola toy'da. Dika ba henya-ka, penaka patana kalanda-na bana matahango? ²⁷ Mono, hebyangoka Ya-yo, baka hokoya ngara marapu bokola wali la Beelzebul, dikka pawaliyaka nga-ra ha anami pa hoko wadi-ndi hediyo? Oronaka netu, ngara ene eme na haki nggumi. ²⁸ Dika bawengoka, he-ngo baku wango Hungato Alla, Yayo ku hokoya huru marapu mbunako, Kalanda-na Alla ndoli maiy'nyaka la mbarami. ²⁹ Dewena, pena wenaka ene na hatoyo ba-na mapikongo ela umana a toyo na rehi paghahi mono na karebohi ngara huru doy'na bana njana karukiya-ka uluka netu toy' pagha-hi? Mengeka, diyo apa na kareboya ene umma etu. ³⁰ Nggara banika na njan marenge dengengga Yayo, lawa nangga Yayo. Mono, nggara banika na njana ka-ha marenge dengengga Ya-yo, na tambalangoka ma-hegherona. ³¹ Oronaka netu, Yayo kuta-ki nggumini lambarami ba ngara baka a pelo hala mo-no diryakona toy'piyo eme a woy'ni diki darra, tappi di- ryakona lambarana Hunga-to Biha njana ngole diki da-ra. ³² Mono, nggara banika nataki nani mangana huru-na lawani Ana Toy'piyo e-me a padiki darraya, tappi nggara banika na paneghe-ngo lawani Hungato Biha eme njana kolengo diki da-ra, walingo henene, lundu lappa eme." Pungena Pegheni wali la wuy'na ³³ Hebyangoka pungena gayo netu na ndaha, wuyo wadina eme ndaha. Ndewe-na, hengo a pungena gha-yo netu njana ndaha, wuyo wdina njana ndaha. Torana-ka, pungena hapeghe wa-ngoya wali la wuy'na. ³⁴ Hei, mburu dadfngo ka-boko malere, pena wemi notongo yemi nambunako butakkiya ngara hadana na ndaha? Oronaka wali la bu-kulona ate, ghoba na pane-ghengo. ³⁵ Toy' ndaha na palohoya ngara hadana na ndaha wali la wini maniko na ndaha, mono toy' mbu-nako na palohoya ngara a hadana na mbunako wali la wini takandiku na mbuna-ko na mbunako. ³⁶ Dimoka, Yayo kutaking-gumuni lambarami ba nga-ra baka patera hopoto, pa-patakina toyo, ngara ene dika na holo tadduni eme a loddo pahakimo wango. ³⁷ Oronka tutuna pa pane-ghemu, yemi eme a paghe- ne ghuka, mono tutuna pa-neghemu, yemi eme a hu-kumo nggimi'. Toy' Farihi mono Manikko Taurato Kareyo Tanda ³⁸ .Mengeka, na pirri mani-kko Taurato mono toy' Fari-hi wedaka ela Maramba Ye-hu, "Ngguru, yama mbe-ngo maice tanda wali-Mu." ³⁹ Makka, Maramba Yehu na walahoya ngara ene, "Ndalarano na mbunako mono na hambango iyiya na luki ba hawuy' tanda. Mono, njango tanda heka ene pa woy' nggughu lam-barami ngara ene, nduka nanika tandana Nabi Yunu-ho. ⁴⁰ Torana, meraka Yu-nuho bana eni la kambuna behaworoto bokolo ela tal- lu loddo mono tallu hud-dona, hewajongoka Ana Toy'piyo bana eni ella tallu loddo mono tallu huddona la kambuna tana. ⁴¹ Ngara hatoy' Niniwe eme na ndende marenge maranda dengenika ndala-rona iyiya bana tutu rahi-nya eme pa hakimo wango-ya mono pa hukumo wadi-ni torana ngara ene bana diki darra mengeka khotba -ha wena Yunuho. Mono, ice baka, na rehi bokolo wa-li pango Yunuho na eni iyi-ya. ⁴² Ratu wali la mandoka e-me na kedde marenge de-ngeni a ndalarona iyiya eme loddo pa hakimo wa-ngo mono eme pa hukumo wangoya orona diyo na mai-yo wali la hupu tana tutu ba rongoya a mangganana Solemano. Mono, ice baka, na rehi bokolo wali pango na eni iyiya. Huha kariyo wali Kohongo ⁴³ Mengeka marapu boka-lo na loho wali la toy' piyo, diyo na lipoto yaka ngara pandoy'ngo na njango wey' nya tanna kandaba wango pandoy' hangahungo, tappi njana toboko. ⁴⁴ Menge, di -yo wenaka, Yayo eme bali ghaka la umanggu, pan-doy' lohonggu." Mono, me-nge na duki, diyo na rang-gayaka a uma netu na ko-hongo, mengeka bana ham -buya, mono na maturo. ⁴⁵ Mengeka, marapu boka-lo netu mono otu nika nga-ndi yaka marengeni ha pitu marap mbunako heka na rehi diryako walingo na ulu, mono ngara hehe a ta-maka menge a ndoy'hikya enyene. La kandupuna, ha-dana a toyo netu rehika ru-hha walingo kawungana. Hewajonaka ene eme na dadi dengeni ndalarona na mbunako iyiya." Loledena Maramba Yehu na Hecopinjana ⁴⁶ Tengerona Maramba Ye -hu bana paneghengo de-ngeni a toy' danga, ice ba-ka, inyana mono ngara ha lolede-Na a ndendeka la ka-deloko, kandaba dialo to-bokaya tana patera denge- Ni. ⁴⁷ Eni na hatoyo wena-ka lambara-Na, "Ice baka, inya mono ha lolede-Mu a ndende la kadeloko, a mbe -ngo paneghe dengenga nggu Yoyo." ⁴⁸ Makka, Yehu na walahoya toyo na pane-ghe-Ni netu mono wenaka, "Nggaranika inya-Nggu mo -no nggaranika halolede- Nggu mono nggaranika ha lolede-Nggu?" ⁴⁹ Mono, na dodoko yaka a limya-Na arongo la ngara ana hakola-Na, Yehu wena-ka, "Iyiya inya-Nggu mono lolede-Nggu! ⁵⁰ Oronaka nggara banika na paghilini pakambu atena Bapa-Nggu na eni la huruga, didoka du-ngo kambu-Nggu kabani, angu wuy'-Nggu wari coyo. mono inya-Nggu."