Pasal 9
1
Ene Maramba Yehu te-ngero halakona, Diyo naiceya toy' kambura nga-ndi dadina.
2
Ngara ana hakolana Maramba Yehu nakaliarongo lambara-Na, "Ngguru, nggaranika nape-lo hala, toyo iyiya ndewena toy' matuy'na dika diyo na dadi kamburango?"
3
Maramba Yehu nawala -ho, "Inja diyo ndewadina a toy'matuy'na napelo hala, tapi dimoka tanaka ngara a paghilinya Alla nadendo e-la diyo.
4
Ghica ndukananika pa-ghilini ngara papaghilinya Diyo ene na patumbangga Yayo batengerona loddo ba -na delokongo; huddo enga emenika rapana njango ha toyo pangu nakolengo pa- ghili.
5
Batengorona Ya-yo bayipangga yila panu tana, Yay'joka manggakaho -na panu tana."
6
Langamgoka bana taki henyani, Maramba Yehu na patruka atana mono naku-dakonika wey' patiru-Na la-karomboko menge naoro-nika ela matana toyo netu,
7
mono wena lambara-na, "Tibyaka, bahabayaka pola toy'mu ela kolomo Silo -amo." Menge, toyo netu o-tuni, nabahaya pola toy'na, mono diyo nabali dika naiceka.
8
Ngara toy' lambara mo -no ngara ene banjana ice-pango diyo bana kambura-pango wena, " Marangkadi-yo a toy' iyiya na engana ba -na londo mono nakadangi?"
9
Nahawdeko toyo nawe-na, Oo, didoyaka nakada-ngi netu." Na hawadeko we -na, "Njado, diyo eni name-ra dengeni toy' kadangi netu." Dimoko, atoy' etuwa-yo nakambura netu wena, "Yay'joghaka nakadangi netu."
10
Makka, ngara atoyo netu nakaliarongo lambara -na, "Penaka a matamu ba-na mapikongo buice-moka?"
11
Toyo netu nawalaho-ya, "Toyo ene nangarango Yehu netu nakudakoni lata -na mono na oronika ela matanggu. Mengewali, Di-yo wena lambaranggu, 'Ti-byaka ela Siloamo mono ba -ha ngongo wuy'mu', maka yayo otunggaka mono ku bahangongo wuy'nggu mo-no yayo napikongoka ice."
12
Ngara ene weda lam-barana, "Nggekanika Toyo netu?" Diyo napawalaho, "Yayo njaku pegheni."
13
Mengewali, ngara ene angandiya toyo etuwayo na kambura netu lambarana ngara toy' Farihi.
14
He-ngo loddo netu nggeni Ma-ramba Yehu bana kudakoni karomboko mono bana ma -bunggero matana toyo ne-tu naghenengo loddo Saba -to.
15
Makka, ngara toy' Farihi handaka wadi bakali-aroni lambarana toyo netu penaka diyo bana namapi-kongo ice. Diyo wena lam-barada ngara ene, "Diyo na -oronika pakeryongo akaro -mboko ela matanggu, mo-no yayo kubahayaka ihing-gu mono yayo dadika a ice-Nggu."
16
Oronaka netu, napiri toy' Farihi netu wena, "Toyo ne netu njana walina ela Maramba Alla orona Diyo njana paakani loddo Saba-to." Nahawadeko wena, Ta-pi dimoka, pena bana mapi -ko mongoka atoy' akico di-ryako bana dadi moka pa-ghilingo tanda mangaraho hengo iyiya?" Makka, nake-deka amberada la paduy'- da ngara ene.
17
Maka, hediyo panda bali bakaliarongo ela toy' kambura netu, "Pena para-nggami tutuna Diyo orona Diyo ndoli mabunggeroka matamu?"
Toyo netu napawalaho, Di-yo didoyaka atoy' Nabi."
18
Ngara toy' Yahudi ne-tu engana bana nja'na wai' ngo lambarana, nggeni ato -yo etu wayo nakambura pi-nja tapi henene nadadi-ka icena, lapaka ngara ene akawulonika atoy' matuy'-na etu wayo atoyo henene nadadika icena netu,
19
mono akaliaronika la-mbarada ngara ene, "Pena iyiya anamu, ene yemi pata -kimi na kambura ngandi dadi? Dika bawengoka, pe-naka patana diyo henene bana pikongo icemoka?"
20
Toy' matuy'na nawala-hoya hediyo mono wna, "Ya -ma mapegheni baanama-ni yama mono diyo nakam-bura ngandi dadina,
21
tapi pena patana henene di -yo bana dadi icena, yama njama pegheni ndewena nggarani ene nabunggero-ya matana, yama njama pe -gheni. Kaliaro banika diyo, diyo na matuy'ka; diyo enga paneghe nani pola toy' mangawuy'na."
22
Toy' matuy'na bana paneghe henya orona hedi-yo kambohini ngara toy' Ya -hudi. Torana, ngara toy' Ya -hudi netu ndoli haperada-ka, nggeni ngara toyo na-mangakuni Maramba Yehu pangarango Kritu, eme a-ghotoya wali la sinagoge.
23
Didoyaka torana atoy' matuy'na wena, "Diyo ang-ga namatuy'ka, kaliaro bani -ka alyolo banika lambara-na."
24
Makka, apanduy'na ngara toy' Yahudi akawulo-nika atoyo etuwayo nakam-bura netu, wena lambara-na, "Woya amalangumu ta ngguna Alla, yama pegheni enetu Toyo iyiya na akico di -ryako."
25
Diyo nawalahoya, "Pe-na Toyo netu toy' pelo hala-ya ndewena njado, yayo nja -ku pegheni; hawuy' muni-ka ene yayo pahapeghe-nggu, etu wayo pango ku-kambura, tapi henene yayo kuiceka."
26
Ngara ene weda lam-barana, "Paya ene Diyo pa-palakuna lambaramu? Pe-nawena diyo bana bungge-roya matamu?"
27
Diyo nawalahohi, "Ya-yo menga doka baku takiya lambarami, tapi yemi inja wawa rongo nani; pena ye-mi mbengo rongo wali nani? Penaka yemi bumbe-ngyo mongoka ana hakola wadi-Na nggumi?"
28
Maka, hediyo apandiya diyo mono wena, "Yemila lakeda-Na a Toyo netu, tappi yemi didoyaka ana hakola Muha.
29
Ya-ma pegheni ene Alla dika napanegheni Muha, tapi tu -tuna Toyo netu, yama nja-ma pegheni nggeka pawali -na Diyo pandoy'walinya!"
30
Toyo netu nawalaho-ya mono wena lambarada hediyo, "Hepinjana nja'para -nggangoya ene yemi inja pegheni ngeka pawalinya Diyo pawalinya, tappi Diyo nabunggeroya matanggu.
31
Ghica pegheni nggeni Alla njana rongoya atoyo na akico diryako, tapi ngga-ra panguni ene nakambohi -ni Alla mono na pahalako-ya hambei'-Nya, Alla naro-ngoya diyo.
32
Wali yia' nawo lapa he -nene, nja' handaka pango barongoya nggeni na hato-yo nabunggeroya matana toyo ene nakambura nga-ndi jadina.
33
Hengo To-yo netu njana walinya ela Maramba Alla, Diyo njana pikongo wolo rawingo pa-payo."
34
Ngara tuyo Ya- hudi netu nawalahoya mo-no wena lambarana, "Yemi dadi wali la akico diryako, mono yemi mbengo bang-guru nggumi yemi?" Maka, hediyo hokoyaka atoyo enene.
35
Maramba Yehu naro-ngoya ngara toy' Yahudi a hoko yaka a toy' kabura ne -tu; maka Maramba Yehu natoboko dengenika diyo, Maramba Yehu wenani, "Pe -na yoyo waini lambarana Ana Toy' piyo?"
36
Toyo netu napawalaho, "Nggara-nikya Diyo netu, Myori, ta-naka Yayo kuwaini lambara -Na?"
37
Maramba Yehu wena-ka lambarana, "Yemi angga icedoyaka Diyo. Diyo dido-ka ene napaneghe denge-nggu!"
38
Toyo netu napawala-ho, "Mori, yayo kuwaingo!" Mengeka, diyo nakawodo- lahadapa-Na.
39
Maramba Yehu wena, "Tutuna pahakimo Yayo ku maiyo lapanu tana iyiya ta-naka hediyo eha nja'ice, na iceka, mono hediyo ene na-ice, dadika kamburana"
40
Napiri toy' Farihi ene naeni lambara-Na narongo -ya hadana netu, mono we-na lambara-Na, "Penaka ye -mi wadi kambura?"
41
Maramba Yehu wena lambarana hediyo, "Dika ye -mi bukambura, yemi njana doni pelo hala; tapi orona yemi nawena, 'Yemi naice', pelo halami engana."