Yehu Toy'dagha na Ndaha ¹ Maramba Yehu, "Ene na hecopinjana, Yayo kuta-kiya lambarami, orona ene natamani nggalu mbembe bana njana liyo labinya, ta-pi natalokango handa, toyo netu nggabango toy' kedu mono toy' karebo. ² Tapi dimoka, toyo nata-ma naliyo labinya, diyo di-doyaka toy' dagha mbe-mbe. ³ Tangguna, toy' ndang-gango binya nabunggero binya, mono ngara hambe-mbe arongoya liy'nya, mo-no diyo nakawulondi ngara hambembena manguwuy'-na dika ngarana ehehe, na ghirindi ehehe aloho. ⁴ Menge bana palohohi ngara kehe hambembena, diyo na halako bana ulundi ehehe mono hambembena banamatoya diyo orona ngara ene atandaya liy'nya. ⁵ Toy' kaboyo njango ene namatoya, tappi ehehe enga palay'jaka wali mbara -na orona ngara ene njan' tandaya liy'nya nara toy' ka -boyo." ⁶ Papatuda nge-ndongo didoyaka patakina Maramba Yehu lambarada ngara ene, tappi ngara ene njan' mangatini paya ene ha butaki nani Maramba Ye -hu bana panegheni ehehe. ⁷ Toranaka netu, Yehu wewadna lambarada hedi-yo, "Nahepinjana, Yayo ku-takiya lambarami, Yay'dgka binyada otula ngara hambe -mbe netu. ⁸ Ngara toyo ene namaiyo banja'pangga -ka Yayo didohika a toy' ke -du mono a toy' karebo, tapi ngara hambembe nja'ro-ngoya ngara ene. ⁹ Yay'doka binya. Dika bahatoya natama bana liya ela Yayo, diyo eme pahama -nu mara, mono eme loho tama, mengeka tobokoka rumba hangalu. ¹⁰ Toy' kedu namaiya, dika nduka keduyaka, napa hamate, mono nahamohoya; Yayo Baku maiyo tanaka ngara kehe namopiro, mono na doni nggabango habahula nani. ¹¹ Yay'joka toy' dagha ndaha naharakani hungato -Na torada ngara hambem-be. ¹² Atoy' nggandi, in-ja toy'daghaya, ene njana dondi hambembe netu, ba-na haranga utta, namaiyo, diyo namandala ndika ham -bembe netu mono napala-yaka; aharanga utta netu nahoba hika mono ayamba -langoka hambembe netu. ¹³ Diyo napalayaka tora-na diyo batoy' nggandiya mono njana helu enggelu-hika ngara hambembe netu. ¹⁴ Yay'joka toy'dagha ene nandaha. Yayo kutan-dahi ngara hambembe-Nggu mono hambembe-Nggu atandagha Yayo ¹⁵ meraka hengo Byapa bana tandagha Yayo mono Yayo kutandaya Byapa; mono Ya -yo kuharakani hungato-Nggu tutuda ngara hambe-mbe netu. ¹⁶ Yayo wadi nadondi ngara hambembe heka ene najana walija yila nggalu iyiya; Yayo nduka ngandi wadi nggundi hedi-yo, mono hediyo ene aro-ngoya liy'-Nggu; mono he-diyo ene dadika bahawuy' kababahi dengeka naha-wuy' toy' daghahi. Orona iyila Byapa na ma-nawarongga Yayo, torana Yayo baku harakani hunga-to-Nggu tanaka Yayo piko-ngo baku deke habalini. ¹⁸ Nja' hatoy' pangu na-dekeya wali latidi-Nggu, ta-pi dika Yayola na woy'ni na-mato hambei'Ngguni. Yayo namanga hakkana tutu ha-raka ngguni hungato-Nggu, mono Yayo wadi ma-nga hakkatutu baku deke habalini. Iyiy'la apareta ene pahimbyanggu wali la Ba-pa-Nggu." ¹⁹ Handaka wadi, engo mboghoroda ela ndongada ngara hatoy' Yahudi orona patakina Maramba Yehu ne -tu. ²⁰ Danga wali hedi-yo ene nawena, "Diyo aha-mbiroya marapu ruhha mo -no na anga. Pena yemi bu katanga moyaka Diyo?" ²¹ Nahawadeko wena, "Netu inja pataki toy' anga-ya pahambiro marapu roro. Namapiko mongoka mara-pu roro bana bunggeroya matana toy' kambura?" Yehu mono Bapa didoka Hawuni ²² Pahe rapana netu, lod -do rame Tapiho tengero-na ela Yerusalemo. Rahina netu wulla maghenggelo, ²³ mono Maramba Yehu engero halakona ela Mbai-to Alla, ela Sarambi Salomo. ²⁴ Maka ngara toy' Yahudi amakahaka ba kuruleleya Diyo mono we-na lambara-Na, "Piri hewa-dingo wadi bupakalokoni ndewama yama bama nggelanggangga? Hengo Yoyo ba Kritughu, taki pa-manggakahoya lambarama yama." ²⁵ Maramba Yehu nawa-lahohiha ehehe, "Yayo ndo-li takingguminika lambara-mi, tappi yemi inja waingo. Ngara papaghili ene Yayo pahalako lapanu ngarana Bapa-Nggu, didokaene pa-wongo hakahiyo tutunggu Yayo. ²⁶ Tapi dimoka, ye -mi inja waingo orona yemi inja tama ngara hambem-be-Ku. ²⁷ Ngara hambembe-Nggu arongoya aliy'-Nggu, Yayo kutandahi hediyo mo-no hediyo anamatogha Ya-yo. ²⁸ Yayo nawoy'ngo mopiro hallu lambarada hedi-yo, mono hediyo njana helu ngoleka mbuta ndamo; mono njan' hatoy' pangu nakolengo paregha-ndi hediyo wali lalimya-Nggu. ²⁹ Bapa-Nggu ene ndoli woy'ndika hediyo lambara-Nggu, rehi bokolo wali hela ngara kehe, mono njango hatoy' pangu nakolengo pa -reghandi wali lalimyana Byapa. ³⁰ Yayo mono Byapa hawuy'ni." ³¹ Handaka wali, ngara toy' Yahudi nadekeka watu tanna gheghu wani Maram -ba Yehu. ³² Tapi dimoka, Maram- ba Yehu wena lambarada hediyo, "Yayo ndoli pahiy' nggundika lambarami da-nga paghili ndaha wali la Byapa, nggenika paghili ela ndongana namatondongo dika yemi pagheghu waimi -ngga Yayo waingo watu?" ³³ Ngara Toy' Yahudi ne-tu nawalahoya Diyo, "Inja orona nahangara paghili ndaha yama dika paghe-ghu nggughu Yoyo watu, dimoka tora hapodomu; mono oromu Yoyo, nggeni batoy' piy' moghaka, taki-ngongo wuy'-Mu Alla." ³⁴ Maramba Yehu nawa-lahoya hediyo, "Nggeni ene namaturaho ela Hurato Tau -ratomu, 'Yayo enika liy'nggu, Yemi diyaka alla'? ³⁵ Hengo Alla patakida hediyo ene nahimbaya liy'-nya netu 'alla', tappi ene Hu -rato Biha njango nahamba -talayo, ³⁶ pena yemi ba-na takiya tutuna Diyo ene ndolinyaka Byapa nahabiha -ya mono napatumbani ela panu tana, 'Yoyo hapodo', orona Yayo wena lambara-mi, 'Yayo didoyaka Ana Alla'? ³⁷ Dika Yayo njaku paha-lakoya ngara paghilinya Ba -pa-Nggu, amba waingga lambara-Nggu. ³⁸ Tappi dimoka, dika Yayo baku pa-halakoya ngara paghili ne-tu, he'amanaka yemi inja waingo lambara-Nggu, wai-banika ene ngara paghili netu tanaka yemi pegheni mono mangatini ene Byapa ela Yayo, mono Yayo engga la Byapa." ³⁹ Handaka wali, hediyo kabango badanggaloya Ma -ramba Yehu, tappi Diyo na loloho wali hela ehehe. ⁴⁰ Menge, Maramba Ye-hu nadowanika aloko Yorda -na arongo la pandoy'na Yo -haniho ene kede kawunga -na hitu mono Maramba Ye -hu bana ndoya anyene. ⁴¹ Danga toyo namaiyo lambara-Na mono wena, "Hejamonaka Yohaniho ba-na njana pahalakoya tanda mangaraho pangu, tappi ngara kehe ene patakina Yohaniho tutuna Toyo iyiya naghene." ⁴² Mono, da-nga toyo ene nawaingo la mbara-Na enyene.