¹ Ene napaiha loddongo, nadadika akalamba ndoba tana ela loda padada netu likena akalamba na ndoli dadina larapana Abraham-a. Maka Ishako otu ndika ela Kota Gerar, lambarana Abimelekh, tokkona toy' Flistin. ² MYORI napahunda ngo-ngowuy'na lambarana Is-hak mono wena, "Ambi lay' damoka ela Mesiro. Yi'i ba-nggumia la tana pa Pareta- Nggughu lambaramu tana londo ebyaka. ³ Ndoy'bya -ka yila tana iyiya nggaba-ngo toy' kaboghumi, maka yayo enga marengengagu-mi yoyo mono kuparingi malala ghumi yoyo. Yayo e-me kuwoy'ngguni ngara ke -he loda pada iyiya lambara -mu mono lambarana wuy' wallamu, mono Yayo eme kupahanggani hake hara pandoli takinggumini lam-barana Abrahama, bapa-mu. ⁴ Yayo eme kurawi nggu-ni wuy'wallamu adangana manduna lakaramba, mo-no Yayo eme kuwoy'ngguni ngara kehe loda pada iyiya lambarada hediyo. Mono, liya lawuy'wallami, ngara baka toyo lapanu tana na-paringi malalaya ⁵ orona Abrahama bana paakang-gu mono nanamatohi nga-ra hapata-Nggu, ngara ha pareta-Nggu, ngara paha-wuku-Nggu, mono ngara hukumo-Nggu." ⁶ Maka, Ishako wadi na-ndoyaka ela Gelaro. ⁷ He -ngo ngara atoyo ela pan-doy'ngo netu bakaliaroni la mbrana Ishako tutuna Rib-ka, diyo wena, "Diyo lawi-nyengguni." Diyo nakambo -hi bana takiya, "Diyo ariwe -ingguni," orona papanga-dana, "Toyo iyiya enga ha-mate danggaka torana Rib-ka, torana heka kaboloho-na." ⁸ Ene nahandaka ra-hi Ishako londoka enyene bana mandey' pango, Abi-melekh, tokko toy' Flistini, nakaharanika wali lanjen-delana mono naiceyaka Ishako bana padugha de-ngeni Ribka, ariweinya. ⁹ Maka, Abimelekh naka-wulonika Ishako mono we-na, "Nahacopinjana diyo iyi -ya ariweimuni! Menge, pe-na yoyo buwei'mu lambara -ma yama nggeni diyo lawi-nyemu?" Wena Ishako lambarana, "Yayo pa wewanggu torana yayo kukambohingo ba ha-toyo ahamategha tutu na-matoya diyo." ¹⁰ Wena Abimelekh, "Pe-na ene yoyo palakuya lam-barama yama? Nahatoyo wali ngara toyo yama piko-ngo manduru dengeni ari weimu tanaka yoyo hala de -ngenika lambarama ya-ma." ¹¹ Maka, Abimelekh na-woy'nika paapengo lamba-rana ngarakehe toyo, we-na, "Nggarani natondoya akabani iyiya ndewena ari weinya, toyo netu eme hu-kumoni!" Ishako Kedeka Ratona ¹² Ishako nataka mango ela pandoy'ngo netu mono diyo nakolengo pare hanga -hu bindu bali landoyo na-mera torana MYORI napari -ngi malalaya. ¹³ Ishako nakedeka ratona mono na matamboka parapangoka bana rato langa taka. ¹⁴ Diyo manga kababa mbembena, kababa hapi-na, mono toy' patondana nadanga malawengo toy' Flistini amimiro nika lamba -rana. ¹⁵ Oronaka netu, ngara kehe mata waiyo ene pako-ndada ngara haatana bapa -na pahe rapana Abraham, bapana netu, patodi mono pahabondungo tana ehehe toy' Flistini. ¹⁶ Mengeka, Abimelekh wena lambarana Ishako, "Otu bangguka wali yiya la loda padama yama orona-ka yoyo rehika paghahi wa-li layama." ¹⁷ Maka, Is-hak nahalakoka namandala nika pandoy'ngo netu mo-no nadarika kombongo ela kahoba Gerar; diyo nama-ndkoka anyene. ¹⁸ Menge wali, Ishako na kondaka mata waiyo hitu nawo pakondana bapana, Abrahama, torada ngara ha mata waiyo netu awoniko ndika tana oroda hatoy' Flis -tin. Mono, Ishak natay'ndi-ka ngara ehehe hamata wa -iyo netu, meraka hitu, pawoy'na bapana. ¹⁹ Taba hewyalina, ngge-ni ngara haatana Ishako a kondaya mata waiyo la ka-hoba netu, hediyo atoboko ka mata waiyo a ndorona alyolo. ²⁰ Tapi dimoka, ngara toy' dagha ela Gerar a hamera ngandu dengeni -ka ngara ha atana Ishako mono wena, "Waiyo netu doy' mani yama!" Mala we-ngo Ishako napangaranika sumuro netu Esek torana enyene ngara atoyo name-ra nganduya dengeni diyo. ²¹ Mengeka, haatana Is-hako akondaka sumuro he-ka, tapi ngara atoy' netu wadi a hamera ngandu de-ngendika ehehe anyene maka napangara nika mata waiyo netu Sitna. ²² Maka, Ishak nadikika wali nyene mono nakoda-ka mata waiyo heka, tapi anyene njangoka hamera ngandungo, maka Ishako napangaranika apandoy'-ngo enene Rehobot torana diyo wena, "Henene MYORI napatobokoni pandoy' tu-tuna ghica mono ghica eme nandibu ndabika yila loda pada iyiya." ²³ Wali nyene, Ishako otu nika la Bersyeba. ²⁴ Hud-dona netu, MYORI napahu-nda ngongo wuy'na lamba-rana mono wena lambara-na, "Yajoka Alla Abraham bapamu. Amba kambohi torana yayo Yayo kuohung-gumi. Yayo eme ku paugha -ro nggahakoya wuy'walla halu napemu torana Abra-hama, ata-Nggu." ²⁵ Ma-ka, Ishako napakedeka na hawuyo altara mono naka-wulonika ngarana MYORI anyene, mono ngara ha ata wadina akondaka nahawu-yo mata waiyo ²⁶ Mengeka netu, emeni-ka Abimelekh wali la Gerar latobokoya Ishako. Abime-lekh maiyo wali Ahuzat, pe-nasehatona, mono Pikhol, kapala hurundanduna. ²⁷ Wena Ishako lambara- da ehehe, "Pena yoyo bu maiyo mitobokogha nggeni kedena yoyo muhungga mono patumbangga yayo otu wali la loda padamu." ²⁸ Nawalaho ehehe, "He-nene yama ice mataka geni MYORI eni namarengeng-gu. Maka, yama wemaka, 'Diyaka wolongo liy' katutu lambaranda ghica. Lamba-ra kabokelomu mono ya-ma, tanaka yama matarrani nahawuy' liy' katadi denge-nggu yoyo; ²⁹ geni yama njama pahadughumi he-ngo hitu ulu yama banjama tondoghu mono njama pa-lakuya pay' panguya lamba -ramu likena ene nandaha. Nggeni bapatumbanggu halako, yama mapatumba-nggu halako ndame. Mono, yiya MYORI na pamaringi malalaghu yoyo." ³⁰ Maka, Ishak nahandiy' ka hamuy'ngo muy'da hedi -yo, mono hediyo ngara ke-he muyo mono inu. ³¹ Delokoka tana, kapu huddo nggawalo, ngara ato -yo rawingo hakehara ba- hatoy' toy'hi. Mengeka, la-ngango ngara toyo netu o-tu ndika landame. ³² Ene loddona netu nga-ra haatana Ishako emendi mi panegheni tutuna akon-da mata waiyo ene pandoli kondada ehehe, "Yama ndo -li tobokoka waiyo!" ³³ Maka Ishako napanga-ra nika sumur netu Syeba. Oronaka etula, akota netu enga takinika Bersyeba lapa iyiya loddona. Ariweinya Esau ³⁴ Esau pato kambulu ndoy'naka, diyo nanika de-ngenika Yudit anana Beeri mono Basmat anana Elon, haduyo toy' Het. ³⁵ Anikada netu nawolo-ngo atena Ishako mono Rib -ka akedeka huha ateda.