Mengeka, Abrahama na nika walika. Ngarana ariwei -nya na hamuringo Ketura. ² Ketura napaana nika Zimran, Yoksan, Medan, Mi -dian, Isybak, mono Suah wali la Abrahama. ³ Yok-san napa ana nika Syeba mono Dedan. Dedan dika napaugharoya atoy' Asyur, toy' Letsh, mono toy' Leum. ⁴ Hanana Midian didoka toy' Efa, Efer, Hanokh, Abi-da, mono Eldaa. Hediyo ngarakehe didoka ha ana kabanina Ketura. ⁵ Banjana mate pango Abrahama diyo naharaka ndika ngarabaka huru po-te wolona lambarana Ishak -o. ⁶ Tapi dimoka, lamba-da haanada ngara hagun-dikona, Abrahama nawoy' ndika doyo lambarada he-diyo ene diyo bana mopiro. Menge wali, diyo napatum-bandiki hediyo halako man -dalini Ishako haotu lapada Timuro. ⁷ Iyiya batengero mopiro -na Abrahama, ene na ha-ngahu pitu kambulu lima ndoyo. ⁸ Abrahama nawu -rotoni kandupu hungatona mono namateka la loddo malupu woddona namagha -nika mopiro, mengeka di-yo akahahika lambarada ngara ha ambu nuhinya. ⁹ Menge, ha anana, Ishak mono Ismaelo, atano nika diyo ela Gua Makhpela ene naeni lakaligho Efron, ana Zohar toy' Het, nahapanda perongo dengeni Mamre. ¹⁰ Ela kaligho eni pakahi-nya wali la ngara toy' Het iyi dika Abrahama pandoy' tano paolengoya ariweinya, Sara. ¹¹ Lighiro matena Abrahama, Maramba Alla naparingi malalaya Ishako, ana kabaninya; mono Ishak nandoyaka ela Sumur Lahai -Roi. ¹² Iyiya pawoti hangara-da mburudadina Ismaelo, ana kabanina Abrahama, papa anana Hagaro, atana Sara nawalina la Mesiro ne-tu tangguna. ¹³ Mono, iyiya ngarada wali haana kabanina Isma-elo namato pata ndutu da-dida hediyo: Nebayot, ana bondina Ismaelo, Kedar, Ad -beel, Mibsam, ¹⁴ Misma, Duma, Masa, ¹⁵ Hadad, Tema, Yetur, Nafish, mono Kedma, ¹⁶ Didohika ha ana kabanina Ismaelo mo -no ngara hangarada hedi-yo namato paronada mo- no kalimbatuda hediyo ba hatoy'toy'hi; hakambulu du -yo kapalada namato kabihuda hediyo. ¹⁷ Iyiya lolo mopirona Is-maelo, ene hangahu tallu kambulu pitu ndoy'na. Me-ngeka, diyo nawurotonika kandupu hungatona mono namateka, menge mono ta -nonika la rate namato ha ambu nuhinya. ¹⁸ Wuy' wallana nalondoka walingo la Hawila duki ela Syur, di-doka nahapanda pero de-ngeni la Mesir walingo lato-bbona Asyur; anyene, hedi-yo na mopiro wali a hamu-hu dengendi ha dghu dico-da hediyo mangawuyo. Dughu dicona Ishako ¹⁹ Iyiya mburu dadina Is-hak anana Abrahama; Abra -hama bapana Ishak, ²⁰ Ishak umurona pato kam -bulu ndoy'naka ene diyo bana dekeya Ribka; ana mi-nyena Betuelo toy' Aram wali Padan-Aram, mono la-mona Labano toy' Aram ne-tu dika ariweinya. ²¹ Ishako nahambaya-ngo lambarana MYORI tutu -na ariweinya netu nambu-ra, mono MYORI narongo-ya hambayana Ishako ma-ka napakambuka. ²² Tapi dimoka nggeni Ribka bana pakambu, halakeda ela ka-mbuna apatango maka na hambayango nika lambara -na MYORI mono wena, "Pa -ya nadadi lambaranggu?" ²³ Maka MYORI wena la-mbarana "Duyo bangsa na eni lakambumu. Mono haduyo bangsa nawalina walimu netu a maheghoroka. Bangsa nahawuyo eme narehi hariyo wali ene na haiha, tapi narehi matuyo eme apawendeya ene na rehi bangu." ²⁴ Bana tutuka rahinya bana paana, Ribka wadi na paana nika, ha kaduy' mbu-yo. ²⁵ Lakeda kawungana nadorro mono kalulana me -raka kahihi pawulu ihi. Ma-ka diyo pangara nika Esau. ²⁶ Nadadika lakeda ka-duy'na, diyo natarani iru wi -tina Esau, maka alakeda netu pangaranika Yakubpo. Ishako nomo kambulu ndoy'na Ribka bana paana-ni Yakub mono Esau. ²⁷ Tutuda haduyo haana-na netu abokolo hatoy'da, Esau toy' kalolaka nahariyo, naengana bana ndoyo la-marada. Tapi dimoka, Ya-kubpo diyaka nakadana, mono engana la uma. ²⁸ Ishak, nambengo mu-yo kabiy' kalola, namanawa -roni Esau. Dimoka, Ribka namanawaroni Yakub. ²⁹ Ene napaiha loddo-ngo, nggeni Yakubpo tenge -ro pandendena, eme nika Esau wali lamarada mono diyo heka kalambana. ³⁰ Menge, wena Esau lam-barana Yakub, "Woy'doking -ga ene nadorongo netu o-rona heka kalambanggu." Didoyaka netu, atoyo papa-ngara wadini "Edom." ³¹ Tapi dimoka, Yakubpo wenaka, "Hamaha donguni hak ana bondimu lambara-nggu." ³² Wena, Esau, "Harabanggaka, malende mate nggunika oro kalam-ba; njangoka paliy'nya hak paghagha netu tanggugu henene?" ³³ Dimoka Yakupo wena, "Haro pango lambarang-gu!" Maka Esau naharoka lambarana mono nahama-hanika hak ana bondina la mbarana Yakubpo. ³⁴ Mengeka, Yakub na-woy'nika kambamba mono kembe dorro langga netu lambarana Esau. Esau na-muy'nika mono nainu nika, menge otunika. Hejonaka Esau bana pangada halewa -ni hak ana bondina.