29
Rakeli (Raquel) Wana Witxi Reare
1
Ijaò tanonana ritõranymy rare, kiata Oriente su-ò rehemynyre.
2
—Isitere ribile tii retehere, kiata syraro ki behaãluumy robire; kia iweruramy budoeni-dinodu mahãdu inataõmy sõereny rỹimyhỹ, kia iny sohoji sohoji budoeni, budoeni hãwyy-di rỹimyhỹreny. Kia bee iròdu mahãdu deereny heka, kia kaa behãluu ribi bee rirymyhỹreny, kia heka mana nihikỹ-di raratòbòmy rỹimyhỹre.
3
—Kia ibutumy budoeni-dinodu mahãdu tai rexibutunymyhỹrenyre tairòdureny wana, kiata mana ritamyhỹrenyre, kia bemy tabudoenireny tairòdureny rimonyrenykremy. Irahudita ixybyle mana behãluu ijò-ò ritidimyhỹrenyre.
4
Ijaò rỹỹraxire budoeni-dinodu mahãdureny-ò: —Tibede Iudubo kai boho toite, wabiòwareny? —Diarỹ boho Harã ludu roire —rirawyònyrenyre tii boho.
5
Kia ixihetyrele rỹỹraxire: —Kai boho aõbo Labaõ teerytenyte Naor riòre? —Kohe reeryrenyre —rirawyònyrenyre.
6
—Tii aõbo awilemy ihãre?— rỹỹraxire Ijaò. Tii boho rirawyònyrenyre: —Kohe, awilemy ihãre. Beteheke! Rakeli, iriòre, kia txi rareri tabudoeni-di.
7
Taita Ijaò rarybere: —Kia txumy bede rỹire, kia heka rudimy bede rỹire, kia budoeni rabutudỹỹkemy aõkõ. Aõherekibo kai boho bemy temonytenyõteri, kia ixyby bidybenymy asimy riroxirenykemy?
8
Tii boho rirawyònyrenyre: —Aròirenyõkre. kiemy dori ibutumy budoeni bodi háwyy ariraòrenykre kaki rỹirenykremy, kia mana tahe ratamy rỹireri behã1uu ijò ribi. Tai tahe bemy arimonyrenykre.
9
Ijaò tamyreny rarybemyhỹ wana wana, kia Rakeli rehemynyre, kia heka budoeni-dinodu rare, kia tyby iròdudi dehemynyde.
10
—Kia Ijaò, talana,budoenimy, cabra my robireule rare, kia mana ritare behãluu ijò ribi, kia,bemy.rimonyrenyre iròdu irõdu mahãdu.
11
—Irahudi tii rirytore Rakeli, kia sõemy idi rõhõtinyre, kiata rahinyre.
12
—Kia myỹ rarybere: —Diarỹ heka busỹ rare;-diarỹ heka Rebeka riòre rare. Rakeli ijaramy reare ibutumy tybyko relyyre.
13
—Tii itỹmyramy roholare tara bededỹỹnanamy, kia iutyhyle ijaramy ròhònyre. Kia Ijaò ibutumy relyyre aõhebo rutỹỹnyremy,
14
—tai Labaõ rarybere: —Kohe, inatyhy kai wade wahãlubu tate.
Ijaò hãwyy my roirenyre Léia, Rakeli boho wana Ijaò talana hetoki ahãdu sohojimy bede riere.
15
—Tai Labaõ rarybere: —Kia heka-òbitireri aõkõ kai wadee iòwyõmy taaõmysỹdỹỹnyteri, kia wasỹ tatekile aõbo. Tiwesebo bòtakemyreri?
16
Kia Labaõ heka inatximy iriòre ijadòòma ijõdire. Iriòre adela heka Léia inire, kia ihelỹỹna tahe Rakeli inire.
17
—Léia heka irue tai awire ka Rakeli tahe iruxerare taòsỹny taumy wana.
18
—Ijaò Rakeli my raworemy ratximyhỹ ribile rirawyànyre. —Walana adee debò inatxi wyramy araõmysỹdỹỹnykre, kia Rakeli wana aroikre-òwymy.
19
Labaõ rarybere: —Diarỹ adee ariwahinykremy watxireri, kia iny witxira-ò ariwahinykelau. Kaki waki mabekre.
20
Kawesemy tahe Ijaò debò inatxi wyramy raaõmysỹdỹỹnyre Rakeli wana rarekremy. Kia ikiemy dori tuu rerinanymy raremyhy, kaa wyra txuu ibute wesele tamy reare.
21
—Kia debò inatxi wyra rexihureu, Ijaò rarybere Labaõ-ò: —Wadee wahãwyy bidiwahinyke. Iny tuu widee bede riywinyre ribi dori iratyre ròhònyra, kia-diarỹ iki wana aroikemyreri.
22
Labaõ tariòre hãbumy herinadi ixena riwinyre, kia ibutumy iny mahãdu kuamy rahãwanymy rỹimyhỹrenyre tamyreny rarariòwyrenyre.
23
—Kia rumy tahe Labaõ Léia rimyre, kia Ijaò-ò riwahinyre, kiata tii iki wana-òtaòta riwinyre.
24
—Labaõ tadeòdu Zilpa riwahinyre Léia-ò, kia teòdumy rarekremy.
25
—Kia ijõ biurasouhukỹle Ijaò rieryre Léia wana rõrõremy. Iurenana heka rare Labaõ-ò rarybekremy. Tii rarybere: —Walana aõherekibo tuu kawesemy wadee tewinyta?-diarỹ raõmysỹdỹỹnyre Rakeli wana aratxikremy. Aõherekibo walana tiwabònyta?
26
Labaõ rirawyònyre: —Kaki wasurenyki tiu adela helỹỹna komy hãbumy roiõhyymyhỹre, taumydelakoki.
27
—Kia biraòke ahãwyymy herina ixena rexihukre. Tai, txibo kai wadee maõmysỹdỹỹkremy. marybekeki, ixyby debò inatxi wyramy, kia-diarỹ adee ariwahinykre Rakeli.
28
—Ijaò tai awimy rahãre, kia ihãwyymy herinana ixena ixawireu, Labaõ tariòre Rakeli riwahinyre ihãwyymy.
29
—Labaõ tadeòdu Bila riwahinyre Rakeli-ò teòdumy rarekremy.
30
—Ijaò-òtaòta Rakeli wana riwinylere; kia tii sõemy Rakeli my rerinanymyhỹre. Léia ribi. Kia ixyby raaõniysỹdỹỹnymy raremyhỹ debò inatxi wyramy.
31
Kia Deuxu Tyhyhykỹ robireu Ijaò Léia deramy reamyhỹremy, kia tii rariòrenykremy tuu riwinyre, kia Rakeli iriòre ihoõkremy tuu riwinyre.
32
—Léia rabytònymy uladu iribi reare weryrymy; kia tamy ini ritidire Ruben my. Tii myỹ riòbitinyre: —Deuxu wamy robire wabederyrymy watximyhỹmy, ka tahe wiji wahãbu wamy rerinanykre.
33
Léia ixybyle rabỹtònyre, kia ixyby rariòrenyre, kia rininire Simeaõ my. Kia rarybere: —Deuxu Tyhyhykỹ rohokujare, kia-dikarỹ ixideraderanamy reakaremy, ikurenana ixyby kaa kuladu wadeke riwahinyreri.
34
Léia ihãremy ixyby rabytònyre, kia ixyby rariòrenyre, kia rininire Leví my, kia rarybere myỹ : —Ka tahe wiji wahãbu wawana butumy ratxikre, kia dokuri tamy inatano my ritxòre rewahinyra.
35
Léia rabytònyre ixybytyhyle, kia ijõmy rariòrenyre. Tamy kadee Juda my rininire, kia rarybere: —Ka wiji tahe Deuxu my karerinanykre. Irahudita tahe ixyby rariòrenyõhyyre.